лалиња – Kurir.mk

ВИДЕО: Стотици илјади лалиња изложени во Амстердам

Ивона Петрова — Mon, 10 Apr 2023 14:22:14 +0000

Стотици илјади лалиња, кои цветаат на многу места во Амстердам, почнаа да ги украсуваат улиците на градот, авении, мостови и канали, јавува Анадолија. Како дел од 9-тиот фестивал на лалињата во Амстердам, организиран од заедницата на фестивалот лалиња, стотици илјади се изложени на 75 различни локации во Амстердам. Фестивалот се одржува во соработка со 36 различни институции, а привлекува големо внимание кај оние кои гo посетуваат Амстердам и уживаат во шарените украси на лалињата. Медиумската претставничка на фестивалот Мариек Клостерс изјави дека таа и директорката на фестивалот Саскиа Албрехт го реализирале овој проект, бидејќи лалињата не го нашле заслуженото место во градот. -Фестивалот го одржуваме од 2015 година. Нашата цел е да имаме лалиња на места каде што луѓето ќе можат да ги видат додека одат во секојдневниот бизнис, наместо да ги прикажуваме во изложбените градини или туристичките атракции, рече Клостерс. Фестивалот на лалињата, кој привлече големо внимание кај локалната јавност и туристите, трае до крајот на април.

Вака лалињата ќе ви траат подолго – трик од Тик Ток го обиколи светот, по ова видео и вие веднаш ќе го направите ова (ВИДЕО)

Дарко Андоновски — Sat, 11 Mar 2023 20:50:41 +0000

Лалињата се едни од симболите на пролетта, но она што ги разочарува сите е тоа што тие траат многу кратко време и брзо овенуваат. Меѓутоа еден трик од Тик Ток буквално стана вирално овие денови ниц целиот свет во екот на пролетните денови кога лалињата ќе започнат да цветаат и да се продаваат. Со оваа помош и начин на одржување тие ќе живеат подолго и ќе ни го разубавуваат просторот. Се што треба да направите е следново: Одвојте го букетот од лалиња и секое стебло скратете го право Стеблото мора да биде скратено, бидејќи ова цвеќе обожува вода и брзо ја пие, што влијае на тоа брзо да овене. Кога ќе ги скратите рамно, наместо косо, тие можат помалку да земаат вода, но и онолку колку што им треба. Следното е да ги скратите листовите Лалето обожува пространост, нивните листови ги спречува да мрдаат, особено кога целиот букет е во една вазна. Клучната работа е да се променува водата Водата на лалињата менувајте ја на секој два дена, тоа влијае многу на нивната свежина.

@doublefamilylab Pretty pink tulips 🌷💌 #flowerhack #aesthetic #flowers #springiscoming #tulipseason #homedecor #decorinspo #tulips #decorideas ♬ Pink Sky - Muspace

Поради коронавирусот, во Холандија уништени милиони цвеќиња

Катерина Бојаџиева — Mon, 23 Mar 2020 08:50:29 +0000

Во Холандија е сезона на лалињата, но годинава тие масовно се уништуваат, оти корона-пандемијата драстично ја намали побарувачката за нив. Купишта лалиња, рози, хризантеми и друг вид цвеќе чекаат на уништување на најголемиот светски пазар… –Тоа е единствено што ни преостанува, вели Мишел ван Ши, гласноворник на Ројал Флора-Холанда – холандското здружение на цвеќари. Досега се уништени меѓу 70 и 80 отсто од годинешната берба. – Оваа холандска асоцијација за цвеќиња постои над сто години и никогаш не сме биле во ваква криза, додава тој.

Расцвета рекордно големиот тепих од лалиња во Истанбул

Ивона Петрова — Thu, 12 Apr 2018 10:40:40 +0000

И оваа година на плоштадот Султан Ахмет спроти црквата Света Софија во Истанбул расцвета рекордно голем ќилим, составен од стотици илјади лалиња кои секоја година се садат со цел да се потсети на освојувањето на Констатинопол од страна на Османлиите. Цветната површина од 565.000 лалиња, е „распослана“ на 1.740 метри квадратни. Бројката 565 ги симболизира 565-те години од 1453-та, кога Османлиите го освоиле Константинопол, денешен Истанбул. Ова е досега најголемиот „ќилим од лалиња“ во светот. Лалињата, традиционално, потекнуваат од источна Турција и од степите во Централна Азија, каде што овој цвет, според верувањето, бил првпат култивиран од Османлиите. Со ова, Турците денес сакаат да пратат порака дека всушност Турција е „земја на лалињата“, а не Холандија. Турција и Холандија веќе не спорат за тоа која земја е прататковината на нежниот цвет. Истанбулскиот Фестивал на лалињата во 2013. беше посветен на 400-годишнината од воспоставувањето билатерални односи меѓу двете земји.