Ламанш – Kurir.mk

Десетици луѓе неколку часа беа заробени во тунелот под Ламанш

Тале Кристо — Wed, 24 Aug 2022 08:33:08 +0000

Десетици луѓе беа заробени неколку часа во тунелот под Ламанш откако запре возот што патуваше од Кале до Фокстон, јавува Би-Би-Си. Според снимките што се појавија на социјалните мрежи, патниците го напуштиле возот и биле евакуирани преку тунел за вонредни ситуации. Патниците потоа биле транспортирани до терминалот во Фокстон, Кент. Компанијата која управува со возовите под Ламанш соопшти дека алармите на возот се активирани и дека во тек истрага.

Франција спаси 42 мигранти на брод во Ламанш

Тале Кристо — Sat, 24 Jul 2021 10:38:46 +0000

Француските власти денеска соопштија дека спасиле 42 мигранти кои се наоѓале на брод во Ламанш. Мигрантите ги алармирале службите за итни случаи, а бродот за спасување ги земал во морето во близина на Па-де-Кале, соопшти француската полиција. „Тие се однесени во блиското пристаниште Булоњ-сир-Мер и сите се чувствуваат добро“, се додава во соопштението.

Доцнат возовите под Ламанш поради дефект кај Евротунелот

Тале Кристо — Sat, 01 Feb 2020 15:25:36 +0000

Возот на релација Лондон – Париз, кој поминува низ тунелот под Ламанш, денеска доцнеше, првиот ден по излегувањето на Велика Британија од ЕУ. Како што пренесуваат странските агенции, возот не доцни поради Брегзит, туку поради интервенција за отстранување дефект. На веб страницата на „Евростар“ пишува дека оваа сабота утринските возови кои сообраќаат под Ламанш ќе доцнат повеќе од два часа. Компанијата соопшти дека причината за доцнењето на возовите се „продолжени инжинерски работи во Евротунелот и дефекти во приодите на тунелот“, притоа најавувајќи брза нормализација на сообраќајот. Во нормални околности супер брзите возови од Лондон до Париз патуваат за околу 150 минути. Доцнат и возовите на релација Лондон – Брисел.

Драма: Авион прогласи вонредна состојба по полетувањето

Ивана Ефремовски — Wed, 03 Jul 2019 18:32:05 +0000

Авион на летот од Лондон кон Бенгалор прогласил вонредна состојба само 14 минути по полетувањето. За девет минути се спуштил околу три километри пониско и моментно кружи околу еден час над Ламанш, чекајќи одобрување за враќање на аеродромот Хитроу. Според првичните информации, авионот полетал во 15,30 часот по локално време, по што набрзо пилотот известил дека постои проблем, поради кој побарал дозвола за враќање назад. Засега не е позната причината зошто е прогласена тревога, но постои сомнеж дека пилотот и копилотот носат маски за кислород.