Ламаркус Олдриџ – Kurir.mk

Олдриџ ќе го засили Далас

Бошко Тасиќ — Wed, 15 Feb 2023 06:01:41 +0000

Далас Маверикс се уште не го завршиле составувањето на нивниот амбициозен проект. По доаѓањето на Кајри Ирвинг пораснаа амбициите на тимот од Тексас, па се подготвува уште едно големо засилување. Според ESPN, Ол-стар кошаркарот Ламаркус Олдриџ ќе игра за Маверикс. Некогаш еден од најдобрите крилни центри во лигата има 37 години, а ова ќе му биде 17.та сезона во кариерата. Неговиот последен ангажман беше во Бруклин Нетс минатата сезона, каде имаше просек од 12,9 поени на 47 натпревари. Олдриџ, кој најдобрите години од кариерата ги помина во Портланд, а потоа играше за Сан Антонио, во својата НБА кариера имаше просек од 19 поени и 8 скока.

Одрлиџ се враќа и ќе игра за Бруклин Нетс

Бошко Тасиќ — Sun, 05 Sep 2021 09:31:44 +0000

Се очекува да биде интересно во новата сезона во НБА лигата каде први фаворити за пехарот на Истокот и Западот би требало да бидат Бруклин Нетс и Лос Анџелес Лејкерс. Токму овие две екипи продолжуваат да го засилуваат составот, па така Бруклин успеа да го обезбеди потписот на Ламаркус Олдриџ. Олдриџ пред пет месеци одлучи да се повлече, замине во пензија откако имаше проблеми со срцето. Меѓутоа сега тоа е надминато и кошаркарот доби зелено светло од лекарите да се врати на терените и тој одлучи да се врати и потпише едногодишен договор со Нетс, договор вреден 2,6 милиони долари. Претходно Бруклин го доведе Пол Милсап, а од трејдот со Детроит Окафор и Думбија.

Ламаркус Олдриџ се повлекува од кошарката

Бошко Тасиќ — Thu, 15 Apr 2021 18:32:53 +0000

Искусниот ЛаМаркус Олдриџ денеска соопшти дека става крај на кариерата. Олдриџ на социјалните мрежи потврди дека ја завршува кариерата и дека бил приморен да ја раскине соработката со Нетси „Денеска со тешко срце го пишувам ова. Последниот меч кој го одиграв, имав проблем со неправилното работење на срцето. Подоцна ситуацијата се влоши и навистина без загрижен. Следното утро и соопштив на екипата, ме одведоа во болница. Иако се чувствувам подобро, сепак, таа ноќе нема никогаш да ја заборавам. Затоа ја донесов оваа тешка одлука“, рече Олдриџ.

Ламаркус Олдриџ нов член на Бруклин

Бошко Тасиќ — Sun, 28 Mar 2021 14:45:26 +0000

Бруклин доби ново големо екстра засилување во рекетот во продолжение од сезоната. Станува збор за искусниот крилен-центар, Ламаркус Олдриџ.

Тој потпиша едногодишен договор со Бруклин и со неговото доаѓање, од овој тим порачаа дека титулата е нивна главна цел за оваа сезона Олдриџ во последните шест сезони играше за Сан Антонио, беше член на Портланд. Иако има 35 години, сепак може да биде од голема корист за Нетси и останатите големи имиња како што се Џејмс Харден, Кевин Дурент , Кајри Ирвинг и Блејк Грифин.