ламбе алабаковски – Kurir.mk

Ламбе ја запеа прекрасната „Заветна“ (ВИДЕО)

Ивана Ефремовски — Tue, 22 Aug 2023 19:23:12 +0000

Пејачот Ламбе Алабаковски на Големо Езеро на Пелистер ја запеа прекрасната македонска песна „Заветна“. Ја препеаја многу македонски пејачи, а како звучи кога пее Ламбе, слушнете во продолжение:

Ламбе со „Оган да го гори“ е првата нумера од пректот „Македонијо во срце те носиме“ (ВИДЕО)

Дарко Андоновски — Mon, 12 Jun 2023 13:23:55 +0000

„Оган да го гори“ во изведба на Ламбе Алабаковски е првата од предвидените дванаесет нумери што јавноста ќе има можност да ги чуе како дел од проектот „Македонијо во срце те носиме“. „Оган да го гори“ е песна со потписите на две фолк легенди Војо Стојаноски, како автор на музиката, и Гоце Николовски, кој го потпишува текстот. Аранжманот е на Николче Мицевски, кој со огромна одговорност застана пред предизвикот да напише нови аранжмани за сите 12 композиции. „Гоце Николовски е мојот омилен пејач и од детството имав желба да препеам некоја негова песна, со овој проект оваа моја, дамнешна желба конечно станува реалност. Горд сум што сум дел од „Македонијо во срце те носиме“, горд сум што ја отпеав „Оган да го гори“, вели Ламбе. Зад видеото, како и комплетната реализација на проектот, во чии рамки се преработени меѓу најубавите македонски патриотски песни, стои Скендеровски продукција. Идејата за реализацијата на проектот во кој на едно место се собрани 12 песни, 12 изведувачи, а со единствена цел - во овие турбулентни времиња кога често сме негирани како народ кој има своја историја, свое творештво, песни во кои се крие вистината на нашата земја – е да се возобноват најубавите македонски патриотски песни, да им се продолжи векот и да ги приближиме до младите генерации. Освен Ламбе меѓу изведувачите се и Наум Петрески, Сузана Спасовска, Миле Кузмановски, Бојана Скендеровски, ДНК, Огнен Здравковски, Андријана Јаневска, Александар Тарабунов, Мина Блажев, Марија Спасовска, Зуица Лазова, а на списокот песни се „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“ ... Во склоп на проектот наесен планиран е и концертен караван кој под истото име ќе ја обои Македонија во најубавите звуци. Да ја обоиме Македонија со најубавите звуци и да го зачуваме највредното – музичкиот аманет кои ни го оставиле генерациите пред нас. Уживајте во изведбата на Ламбе Алабаковски:

Ламбе Алабаковски доби УСЛОВНА казна затвор за потпалување на КЦ „Иван Михајлов“

Ивана Ефремовски — Tue, 27 Sep 2022 17:37:04 +0000

Пејачот Ламбе Алабаковски е осуден на условна казна затвор од шест месеци за потпалување на културниот центар „Иван Михајлов“ во Битола на 4 јуни годинава. Пресудата е изречена минатата недела, а од денеска стана правосилна. Адвокатот на Алабаковски, Дарко Стефановски за Радио Слободна Европа потврди дека казната нема да се реализира доколку во следните две години, неговиот клиент не стори ново кривично дело. На Алабаковски, кој призна вина за делото, му се вратени две патни исправи и му се укинати мерките за обезбедување. По инцидентот на Алабаковски му беше изречена мерка притвор од осум дена, потоа беше пуштен во домашен притвор, а подоцна му беше овозможено да се брани од слобода. (МИА)

Хуманитарен настап на Ламбе Алабаковски и Некст Тајм со настап во Тетово

Катерина Бојаџиева — Fri, 05 Aug 2022 08:45:32 +0000

Музички спектакл на отворена сцена на 10 и 11 август најавуваат организаторите од иницијативата „Го сакам Тетово“, со настапи на Ламбе Албаковски и Некст Тајм. Концертите ќе бидат на отворено и бесплатно во Жена парк, а граѓаните ќе имаат можност да донираат и средства за загрозено семејство. -Младите во Тетово се заборавени и секој ден го напуштаат нашиот град. Мора сите заедно да придонесеме за едно подобро Тетово, за еден подобар живот со подобри услови, иднина и опстанок на младите во Тетово, истакна Станислав Бојчески од иницијативата. Иницијативата „Го Сакам Тетово” најавува и други настани во текот на летото.

Ламбе Алабаковски специјален гостин за патрониот празник на Општина Илинден

Дарко Андоновски — Thu, 21 Jul 2022 11:25:10 +0000

Градоначалникот на Општина Илинден, Александар Георгиевски денеска во својот кабинет ја прими македонската пејачка ѕвезда Ламбе Алабаковски, кој ќе настапи по повод одбележувањето на националниот празник на македонскиот народ и патрониот празник на Општина Илинден ,,Илинден 2-ри Август”. На средбата беа договорени деталите за манифестацијата која ќе се одржи на 28.07.2022 (четврток) во комплексот на Домот на култура ,,Илинден”. Покрај настапот на Ламбе Алабаковски, манифестацијата ќе биде збогатена со богата културно уметничка програма.

ПО СЕДУМ ГОДИНИ ПАУЗА: Ламбе објави нова песна: „На чекор до брегот“ (ВИДЕО)

Магдалена Андонова — Tue, 12 Jul 2022 11:41:49 +0000

Македонскиот пејач Ламбе Алабаковски објави нова песна по седум години пауза, а новото музико остварување е дело на Александар Тарабунов, а текстот е на Зоран Стојановски Зонда. По скандалот со палењето на вратата на бугарскиот културен центар во Битола, Ламбе е главна тема во Македонија. Исто така, Ламбе ќе биде една од ѕвездите на годишнешниот „Пивофест“ во Прилеп.

Ламбе го запали францускиот предлог: Ако мојата дијагноза е пироман, вашата е предавничка

Магдалена Андонова — Mon, 04 Jul 2022 18:00:30 +0000

Ако мојата дијагноза е пироман, вашата дијагноза е предавничка, му порача денеска на властите пејачот Ламбе Алабаковски, кој со македонската химна го отвори денешниот протест против францускиот предлог. https://kurir.mk/makedonija/vesti/foto-lambe-alabakovski-nastapi-na-vecherashniot-protest-pred-vladata-i-poracha-ne-za-francuskiot-predlog/

ФОТО: Ламбе Алабаковски настапи на вечерашниот протест пред Владата и порача не за францускиот предлог!

Тале Кристо — Mon, 04 Jul 2022 17:45:46 +0000

Познатиот македонски пејач Ламбе Алабаковски кој неодамна беше лишен од слобода, па ослободен за подметнување на пожар во таканаречениот културен центар Ванчо Михаилов во Битола, вечерва настапи на протестот пред Владата на Република Македонија, на кој што исто така имаше и говор пред насобраните Македонци кои што веќе трет ден по ред протестираат против францускиот предлог. Инаку, на Алабаковски првично му беше определен ефективен притвор, но под притисок на јавноста судот ја менуваше одлуката на два пати, односно беше пуштен во домашен притвор, па пуштен да се брани од слобода односно му беа определени мерки за претпазливост.

Ламбе Алабаковски гостин на музички хепенинг во Гази Баба

Катерина Бојаџиева — Tue, 28 Jun 2022 16:45:51 +0000

Утре 29.06.2022 година (среда) со почеток во 19:00 часот на плоштадот во Автокоманда, општина Гази Баба организира музучки хепенинг под мотото "Семејството столб на општеството - Децата иднина на светот". На музичкиот хепенинг ќе настапи група од детскиот фестивал Поточиња, а за дечињата е подготвено дружење со омилените ликови од цртаните филмови, како и кловнови и други детски аниматори. Градоначалникот Бобан Стефковски во објава на официјалната страна на фејсбук најави дека естрадниот уметник Ламбе Алабаковски ќе биде гостин на музичкиот хепенинг. Градоначалникот Стефковски ги поканува жителите на општина Гази Баба со своите дечиња да земат учество на хепенингот.

Ламбе за првпат по апсењето ќе се појави во јавност- ќе пее на Пивофест

Катерина Бојаџиева — Thu, 23 Jun 2022 11:44:08 +0000

Популарниот фестивал во Прилеп, Пивофест годинава ќе се одржи од 14 до 17 јули. Акцентот е ставен на македонската музичка сцена. Наум Петрески, Миле Кузманоски, Елена Велевска, Елена Петреска, Вера Јанковиќ, Нокаут, Игор Џамбазов и Гуру Харе, Љубојна, ДНК, Некст Тајм, Лозано, Ареа, Владо Јаневски, Џамбо Агушев, Суперхикс, се дел од имињата кои ќе настапат оваа година. Но, дел од програмата е и пејачот Ламбе Алабаковски, кој за прв пат по инцидентот во Битола ќе се појави во јавноста. Алабаковски е предвидено да настапи на 16.07 (сабота).