ламборгини – Kurir.mk

Кој е побрз? „Rimac Nevera“ против „Lamborghini Huracan“

Ристе Здравков — Wed, 06 Sep 2023 08:49:03 +0000

Кога станува збор за забрзувањето на „Rimac Nevera“, во тоа никој не се сомнева, но некои сепак се прашуваат дали може против тјунирано „Lamborghini“ подготвено за трки со забрзување.

Пресврт! Пристигна првото електрично „Lamborghini“

Ристе Здравков — Mon, 21 Aug 2023 09:57:04 +0000

Концептот „Lanzador EV“ има 1.341 коњски сили и најавува продукциска верзија. „Lamborghini“ го претстави својот прв автомобил на струја. Засега тоа е само концепт, но како што велат во италијанскиот произведувач, серискиот модел пристигнува на пазарот 2028-ма година и, иако ќе има електричен погон, ќе биде конкурент на „Ferrari Porosangue“. Тоа значи дека зборуваме за кросовер со конфигурација 2+2 седишта во кабината.

⚡️🐮 The 1st all-electric bull: Say hi to the #Lamborghini Lanzador Concept!

💙 2+2 seats
💙 >1 megawatt peak power
💙 High power e-motor on each axle
💙 AWD with active e-torque vectoring
💙 New gen high-performance battery pic.twitter.com/iT3vkrM7Q0
— Volkswagen Group (@VWGroup) August 18, 2023

Храбриот стил, футуристичката кабина и што е најважно, шокантната излезна сила од 1.341 коњски сили гарантираат дека возилото и тоа како ќе се поклопи со другите модели на „Lamborghini“, без оглед на тоа дали имаат конвенционален мотор или не. Автомобилот има погон на сите 4 тркала, и тука спецификациите завршуваат – сосема доволно за еден концептен автомобил од чија продукциска верзија не делат повеќе од 4 години. Концептот „Lanzador“ е најнов доказ за таканаречената декарбонизација на италијанскиот произведувач, насока во која „Lamborghini“ ќе се движи во блиска иднина. За почетокот, секое „Lamborghini“ на некој начин ќе биде електрифицирано до крајот на 2024-та година, а „Lanzador“ ќе пристигне во 2028-ма година како четврти модел во линијата произведувачи на автомобили. Серискиот „Lanzador“ ќе се произведе во близина на седиштето на компанијата во местото Сант’Агата Болоњезе, а „Lamborghini“ планира да вработи дополнителни работници за да го поддржи развојот и производството на електрични возила. Цената е далеку од откривање, но со оглед на тоа дека најевтиното „Lambo“ во моментов чини повеќе од 200.000, не треба да се очекува дека таа ќе биде пристапна.

Новото „Lamborghini“ во градски режим ќе има само 180 коњски сили

Ристе Здравков — Wed, 22 Mar 2023 18:59:31 +0000

„Aventador“ добива замена, а ќе ја видиме премиерно за неколку дена. Во исчекување на премиерата, од „Lamborghini“ полека ги откриваат деталите. Како што е познато, наследникот на „Aventador“ се крие зад кодното име „LB744“ кој карактеризира хибриден погон со 6.5 V12 атмосферски мотор и три електромотори. Само „V12“ дава до 825 коњски сили при 9250 o/min со 725 Nm од 6750 o/min. Ако на се ја додадеме струјата, станува збор за 1015 коњски сили. Погонот е на сите тркала каде предната осовина ја придвижува исклучиво електрична енергија. „Lamborghini“ сега открива дека предвидел дури 13 дефинирани начини на работа, каде три се сосема нови. Освен познатите хибридни модови како што се „Recharge“, „Hybrid“, „Performance“, можно е и посебно да се изберат или да им приклучат програмите „Citta“, „Strada“, „Sport“ и „Corsa“. Градскиот „Citta“ мод е посебно интересен. Станува збор за најштедливиот мод на работа со нулта емисија. Тоа значи дека автомобилот вози исклучиво на струја, а на возачот на располагање му е само дел од погонот, односно вкупно 180 коњски сили. „Recharge“ начинот значи дека „V12“ моторот е вклучен и работи на полнење на батеријата, што трае само 6 минути. Спортските начини не е потребно посебно да се претставува, туку доволно е да се каже дека „Corsa Performance“ модот на автомобилот му го дава својот максимум.