Ламине Јамал – Kurir.mk

Младата ѕвезда на Барса на сред натпревар отиде во тоалет… и не се врати

Ристе Здравков — Thu, 05 Oct 2023 08:55:08 +0000

Младата ѕвезда на Барселона, Ламине Јамал имаше несекојдневен момент на натпреварот против Порто, напаѓачот „исчезна“ откако мораше во тоалет на сред натпревар и потоа не се врати на теренот. Ламине Јамал синоќа испиша историја и стана најмладиот стартер во Лигата на шампиони, но имаше и еден несекојдневен момент кога „исчезна“ на неколку минути. Во второто полувреме, еден фудбалер на Порто се жалеше на повреда, па топката беше исфрлена во аут за да му се укаже лекарска помош. Во тој период Ламине Јамал се упати во соблекувалната и не се врати повеќе на теренот. Чави го чекаше младото момче околу 5 минути, и кога виде дека нема абер од него, реши да направи замена и во игра го вметна Маркос Алонсо. По крајот на натпреварот, тренерот на Барса рече: „Ламине Јамал не се чувствуваше добро. Подолго време ми кажуваше дека не му е добро, дека го мачи стомакот. Искористи прилика кога натпреварот беше во прекин, но не можеше да продолжи, ми кажаа дека нема да се врати“.

Ламине Јамал го продолжи договорот со Барселона

Бошко Тасиќ — Tue, 03 Oct 2023 03:57:14 +0000

Суперталентираниот фудбалер Ламине Јамал официјално го продолжи договорот со Барселона до 2026-тата година. Актуелниот договор на 16-годишниот фудбалер истекуваше следното лето, но тој и неговиот агент од претходно имаа ветено дека ќе го продолжат договорот. Со оглед на тоа дека Јамал има само 16 години, тој може да потпише максимум на три години, но кога ќе наполни 18 години ќе го продолжи договорот со “каталонскиот“ гигант до 2030-тата година и тогаш ќе добие милионски договор. Откупната клаузула за талентираниот фудбалер изнесува една милијарда евра.

Јамал стана најмладиот дебитант во историјата на Барселона

Бошко Тасиќ — Sun, 30 Apr 2023 04:58:39 +0000

Барселона со убедливи 4-0 го победи Бетис, а Ламине Јамал стана најмладиот играч кој дебитирал во првиот тим на Барселона, има само 15 години. Барселона славеше убедлива победа над Бетис, се очекуваше дека ќе биде потешко за Каталонците, но работата им беше олеснета во 33. минута кога Гонзалез доби втор жолт картон. Во тој момент Барса водеше со 1-0. Резултатот го отвори Кристенсен во 14. минута, а до крајот на првото полувреме голови дадоа и Левандовски и Рафиња. Во вториот дел Родригез си постигна автогол за победа на Барса од 4-0. Во 83. минута во игра влезе Ламине Јамал и стана најмладиот дебитант во историјата на Барселона. Има 15 години, роден е на 13. јули 2007 година. Брзо по влегувањето имаше и шанса за погодок. Тој игра на десната офанзивна позиција, но може да игра и лево и како централен напаѓач. „Ламине Јамал беше многу добар. Му реков да проба работи и тој го направи тоа. На 15 години, замислете.... За малку ќе дадеше и гол. Тој е посебен фудбалер, има самодоверба, може да биде голем играч, тоа се гледа на тренинзите“, изјави Чави по натпреварот.