Лампард – Kurir.mk

На Лампард му се заканува отказ од тренерското место во Челзи

Тале Кристо — Thu, 21 Jan 2021 09:52:33 +0000

Тренерот на Челзи, Френк Лампард ќе добие отказ доколку резултатите на тимот не се подобрат наскоро, објави „Скај Спорт“. Клубот верува дека тимот не направил доволно напредок од летниот преоден рок. Јануарските натпревари со Лутон во ФА купот и со Вулверхемптон и Барнли во шампионатот ќе бидат решавачки за иднината на Лампард. Поранешниот тренер на Јувентус, Масимилијано Алегри и поранешниот тренер на ПСЖ, Томас Тухел се потенцијални наследници на Лампард во Челзи доколку тренерот на „сините“ добие отказ. Челзи е 8. во Премиер лигата со 29 бода по 19 одиграни натпревари. На последните осум натпревари од Премиер лигата, лондонскиот клуб победи само двапати.

Лампард: На Вернер му треба време за адаптација

Тале Кристо — Tue, 22 Dec 2020 10:01:30 +0000

Тренерот на Челзи, Френк Лампард, ја коментираше серијата на напаѓачот Тимо Вернер без постигнат гол на девет натпревари. Челзи синоќа го совлада Вест Хем со 3:0, а Вернер повторно не успеа да постигне гол. – Воопшто не сум загрижен за тоа. Секој напаѓач сака да постигне гол затоа што тоа е неговата работа. Вернер постигна неколку погодоци во последните неколку години. Тој е одлично засилување за нас. Му треба време да се приспособи на новиот шампионат. Како и да е, тој редовно се наоѓа во улогата на асистент и создава проблеми за одбраната на противникот. Сега тој нема среќа, но ова е привремено. Наскоро сè ќе се промени, и дефинитивно ќе ги видиме неговите погодоци, изјави Лампард за официјалната веб-страница на Челзи. По 14 кола Челзи е на 5.место во Премиер лигата со 25 бода, шест помалку од лидерот Ливерпул.

Лампард: Во моментов, Менди е нашиот број еден

Тале Кристо — Wed, 21 Oct 2020 09:14:56 +0000

Тренерот на Челзи, Френк Лампард ги сумираше резултатите од натпреварот против Севиља во Лигата на шампионите (0:0). – Задоволен сум од професионалниот аспект на играта на моите избраници. Разговарав со играчите за управувањето со играта, реакцијата беше навистина позитивна. Севиља е врвен клуб и ни требаше концентрација за да постигнеме резултат. Имавме многу добри моменти, и ова е она што треба да го развиеме. Ние сме на самиот почеток на сезоната и одиме чекор по чекор, истакна лампард. Предводникот на „сините“ го пофали голманот Менди. -Менди одигра многу добро на неговите три натпревари, добро се одрази. Ние ги знаеме неговите квалитети, и тој ги покажа денес. Во моментов, тој е нашиот број еден, потенцира Лампард.

Лампард: Трансферот на Вернер не значи дека ќе се бориме за титулата

Тале Кристо — Fri, 26 Jun 2020 18:00:36 +0000

Тренерот на Челзи, Френк Лампард, го сподели своето мислење за засилувањето со напаѓачот Тимо Вернер. – Нема да кажам дека трансферот на еден играч значи дека ќе се бориме за титулата. Ливерпул и Манчестер сити се едни од најдобрите екипи во светот, ако не и најдобрите. Знаеме кои сме и каде сме во лигата, а исто така има разлика меѓу нас. Треба да се направи многу работа на тренинзите за да се доближиме до нив, изјави Лампард. Челзи вчеравечер го победи Манчестер сити и на седум кола до крајот на сезоната во Премиер лигата го промовира Ливерпул во нов шампион.

Чех и Лампард најзаслужни за трансферот на Вернер во Челси

Тале Кристо — Sat, 06 Jun 2020 07:47:52 +0000

Легендата на Челси, Питер Чех, бил најзаслужен за успешните преговори за привлекување на ѕвездата на РБ Лајпциг, Тимо Вернер. Според англиските медиуми, Френк Лампард и Чех направиле пред карантинско патување во Германија за да разговараат со стрелецот за плановите на клубот за во иднина. Двајцата очигледно го воодушевиле германскиот напаѓач со визија за неговиот развој на „Стемфорд Бриџ“. Според „Телеграф“, сегашниот технички директор на „сините“ одиграл улога на преведувач затоа што Вернер и неговиот татко и агент Карл-Хајнц Форстер не зборуваат англиски течно. Поранешниот голман, исто така, се верува дека одиграл важна улога во убедувањето на Хаким Зиеш да се приклучи од Ајакс на лондонскиот тим