Ландо Норис – Kurir.mk

Купер: Норис ќе загуби пет позиции на почетокот на белгиското ГП

Тале Кристо — Sun, 29 Aug 2021 08:29:03 +0000

Пилотот на Мекларен, Ландо Норис, ќе стартува на 14. место на Големата награда на Белгија, објави познатиот британски новинар Адам Купер. – Норис, кој во моментов е деветти во протоколот по казната на Валтери Ботас, ќе загуби пет позиции на почетокот на главната трка, откако го замени менувачот на својот болид. Во исто време, Норис речиси сигурно нема да има потреба од промена на шасијата и со тоа Британецот ќе ја избегне потребата да тргне од боксот, смета Купер. Вчера за време на квалификациите, поради силен дожд Норис излета од патека и со брзина од 300 километри на час удри во заштитната ограда. Денешната трка на патеката „Спа-Франкошамп“ за Големата награда на Белгија ќе почне во 15 часот.

Нападнат и ограбен возач на Ф1 по финалето на ЕУРО2020 на „Вембли“

Тале Кристо — Tue, 13 Jul 2021 16:36:08 +0000

Разбојник го нападнал и ограбиле возачот во Формула 1 Ландо Норис по финалниот натпревар на Европското првенство меѓу Италија и Англија што во неделата се одигра на стадионот „Вембли“ во Лондон, јавија денеска светските медиуми. Британскиот возач и неговиот тим „Мекларен“ го потврдија инцидентот, наведувајќи дека Норис, за среќа, минал без повреди. Разбојникот го нападнал Норис на паркингот на „Вембли“ и му одзел рачен часовник од марката „Ришар Мил“ вреден околу 55.000 евра. На денот на одигрување на финалниот натпревар на Европското фудбалско првенство се случија неколку инциденти околу стадионот „Вембли“ поради што британската јавност ги критикуваше како недоволни преземените мерки за безбедност. Британската полиција уапси вкупно 53 лица во инцидентите околу стадионот „Вембли“ за време на финалниот натпревар.

Норис: Ако Англија ја победи Германија, Зајдл нема да го заборави ова долго

Тале Кристо — Mon, 28 Jun 2021 13:12:30 +0000

Пилотот на формула 1 тимот Мекларен, Ландо Норис, проговори за непријатната ситуација што може да се појави при гледањето на осминафиналето на Европското фудбалско првенство меѓу репрезентациите на Англија и Германија. Во Мекларен, огромното мнозинство на тимот ќе навива за Англија, но тимскиот шеф Андреас Зајдл е Германец и ќе навива за својата репрезентација. – Имаме многу Британци во нашиот тим. Мислам дека сите ќе ја бодриме Англија. Во исто време, Андреас е голем љубител на фудбалот и фан на германската репрезентација. Во исто време, тој е мојот шеф, така што не знам како да се контролирам, навивајќи за Англија (се смее). Ако нашиот тим победи, Андреас нема да заборави на тоа долго време, па ќе видиме, изјави Норис. Самиот Зајдл рече дека не му пречи тоа што натпреварот ќе го гледа опкружен со колеги кои ќе навиваат за Англија. – Момците во тимот често зборуваат за фудбалот на „WhatsApp“, и воопшто јас со нетрпение го чекам натпреварот. Ние сепак ќе размислиме како заедно ќе го гледаме натпреварот, бидејќи тоа е веќе во вторник. Дефинитивно ќе го облечам дресот на Германија. Да, ќе има многу луѓе во дресови на Англија наоколу, но тоа не ми пречи. Со нетрпение очекувам како Германија ќе се пласира во следната рунда, оптимист е Зајдл.