лансирање – Kurir.mk

Северна Кореја лансираше неидентификуван проектил

Ивона Петрова — Tue, 28 Sep 2021 05:34:30 +0000

Северна Кореја лансираше утринава неидентификуван проектил кон отвореното море, соопшти јужнокорејската војска. Лансирањето се случило во време кога пристигнуваат апели од Пјонгјанг, САД и Јужна Кореја да ги запрат „непријателските политики“. Ројтерс пренесува дека јужнокорејската војска не издала детално соопштение, но јапонското министерство за одбрана соопшти дека се работи за балистичка ракета, без дополнителни објаснувања.

Одложено лансирањето на „Старлајнер“ на МВС

Тале Кристо — Wed, 04 Aug 2021 06:52:41 +0000

Пробното полетување на вселенското летало „ЦСТ-100 Старлајнер“ на американската корпорација „Боинг“ до Меѓународната вселенска станица (МВС), што беше закажано за денеска, е одложено на неопределено време. „Потребно е повеќе време за да се процени (подготвеноста на леталото), така што НАСА и ’Боинг‘ нема да ја искористат можноста за лансирање закажана за среда“, се вели во соопштението на „Боинг“.

Спејс-Икс прекина тест-лансирање на една секунда пред полетувањето

Тале Кристо — Wed, 09 Dec 2020 11:15:45 +0000

Спејс-Икс го прекина тест-лансирањето на прототип на „Старшип“ вселенски брод, само една секунда пред полетувањето. Американската компанија имаше планирано пробен лет на нивно летало од „следната генерација“ на „Старшип“. Целта беше да се достигне 12,5 километри височина над погонот во Бока Чика, Тексас, САД, а потоа тоа да се врати на земјата. Исто така, намерата беше да се провери и докаже способноста на Старшип да се лансира и спушти во исправена положба, што се очекува од него во иднина на Земјата, но и на другите планети и тела. Целта е овие летала да се користат за испраќање товар и луѓе на Месечината, Марс… Тестот е важен и поради функциите на трите главни „Раптор“ мотори. Сè беше подготвено за лансирање, одбројувањето речиси заврши, но тестот беше прекинат 1,3 секунди пред полетувањето. Повеќе подробности не се соопштуваат. Причината ќе се дознае наредниов период.

„СпејсИкс“ одложи лансирање на товарна ракета поради ветер

Ивона Петрова — Thu, 05 Dec 2019 07:19:53 +0000

„СпејсИкс“ синоќа одложи лансирање на товарната ракета Фалкон 9 поради силен ветер во високите делови на атмосферата и на море, соопшти компанијата на Елон Маск. Ракетата требаше да испорача Драгон карго капсула со товар тежок 2.585 килограми на Меѓународната вселенска станица. Товарот е на НАСА и служи за истражување и научни експерименти во текот на следните две експедиции. Фалкон 9 е најнова ракета на „СпејсИкс“ чиј искористен прв степен се приземјува на дрон брод за повторна употреба. Лансирањето е презакажано за денеска

Северна Кореја почна со демонтирање на локацијата за лансирање ракети

Ивона Петрова — Tue, 24 Jul 2018 06:32:03 +0000

Северна Кореја почна да ја демонтира локацијата од која лансираше ракети, а која се наоѓа во северозападниот дел на земјата, јави Би-Би-Си. На сателитските снимки од Сохае станицата, се гледа дека Северна Кореја најверојатно почнала со демонтажата, како што и вети во јуни, по средбата на американскиот и севернокорејскиот претседател Доналд Трамп и Ким Џонг-ун. На средбата во Сингапур, Трамп и Ким се договорија Северна Кореја да почне со денуклеаризација, но според неодамнешните извештаи на американските разузнавачки служби, можно е Пјонгјанг тајно да продолжува со својата програма на вооружување. Според тие извештаи, Северна Кореја ја надградува локацијата за нуклеарно вооружување во Јонгбјон и го забрзува збогатувањето на други тајни локации. МИА