лара гут бехрами – Kurir.mk

Велеслаломска победа на Гут-Бехрами на отворањето на новата сезона

Бошко Тасиќ — Sat, 28 Oct 2023 17:33:20 +0000

Новата сезона во Светскиот куп во алпско скијање почна денеска во австрискиот зимски центар Зелден со женскиот велеслалом во кој триумфираше Швајцарката Лара Гут-Бехрами. Водечката по првото возење Федерика Брињоне од Италија на крајот заврши второпласирана со заостанување од две стотинки, додека на подиумот се искачи и Петра Влхова од Словачка, која зад Гут-Бехрами заостана 14 стотинки. Првата фаворитка за освојување на големиот кристален глобус, Американката Микаела Шифрин, во премиерната трка сезонава го освои шестото место со заостанување зад победничката од 1:40 секунда.

ЗОИ: Гут – Бехрами олимписка победничка во супервелеслалом

Ивона Петрова — Fri, 11 Feb 2022 08:17:43 +0000

Швајцарската скијачка Лара Гут-Бехрами победи на денешната трка во супервелеслалом на Зимските олимписки игри (ЗОИ) во Пекинг, освојувајќи го првиот златен олимписки медал во својата импресивна кариера. Бројот 7, кој Кинезите го сметаат за многу среќен, и донесе огромна радост на 30-годишната Швајцарка, која ја потврди доминацијата во дисциплината во која е актуелен светски првак. Гут – Бехрами триумфираше со време 1:13:51 минути пред Австријката Миријам Пуцхнер, а бронзата ја освои нејзината сонародничка Мишел Гисин. За Гут – Бехрами, која сега е главен фаворит за златното одличје и во спуст, ова е трет олимписки медал, а втор на Игрите во Пекинг, откако ја освои бронзата во велеслаломската трка.

Лара Гут-Бехрами го освои кристалниот глобус во супервелеслалом

Бошко Тасиќ — Sun, 28 Feb 2021 14:23:25 +0000

Швајцарката скијачка Лара Гут-Бехрами ја обезбеди титулата во супервелеслалом во рамките на Светскиот куп на скијање по денешната трка во Вал ди Феса, на која го освои второто место, зад победничката Федерика Брињоне од Италија. Брињоне мина прва низ целта со 59 стотинки пред Гут-Бехрами, а место на подиумот имаше и за уште една швајцарска скијачка, Корин Сутер, кој заостана 72 стотинки зад првопласираната. За Брињоне, оваа е вкупно 16-та победа во кариерата. На една трка до крајот на сезоната во супервелеслалом, Гут-Бехрами има недостижна предност од 202 бодови пред Брињоне. Ова е трет мал кристален глобус во супервелеслалом за 20-годишната Гут-Бехрами, која во генералниот пласман во Светскиот куп води со 150 бодови пред Петра Влхова од Словачка.

Лара Гут Бехрами победи во Вал ди Фаса

Бошко Тасиќ — Fri, 26 Feb 2021 19:49:44 +0000

Швајцарката скијача Лара Гут-Бехрами триумфираше на денешниот спуст од Светскиот куп кој се возеше во италијанскиот зимски центар Вал ди Фаса. Лара Гут-Бехрами триумфираше со време од 1 23,93 минути и ја забележа петтата сезонска победа или поточно 31. во кариерата. Рамона Зибенхофер од Австрија заврши како втора со 2 стотинки заостанување, додека третото место и припадна на светската шампионка во спуст, Корина Зутер од Швајцарија која задоцни 26 стотинки зад победничката. Лара Гут-Бехрами сега е на првото место во генералниот пласман на Светскиот Куп со 1.047 поени пред Петра Влхова од Словачка која е втора со 1018 бода.

Лара Гут Бехрами го освои вториот златен медал во Кортина Д’ампецо

Бошко Тасиќ — Thu, 18 Feb 2021 19:24:39 +0000

Лара Гут Бехрами го освои второто злато на Светското првенство во алпско скијање откако по супервелеслаломот славеше и на денешниот велеслалом во италијанскиот ски-центар Кортина Д’ампецо0. Таа до победата стигна со вкупно време од 2:30.66 минути, што беше за само две стотинки подобро од второпласираната Американка, Микаела Шифрин. Бронзата и припадна на Катарина Линсбергер од Австрија. Утре на програмата е машката велеслаломска трка.