лари кинг – Kurir.mk

Позната причината за смртта на Лари Кинг, се огласи неговата сопруга

Ивана Ефремовски — Fri, 29 Jan 2021 18:01:11 +0000

Легендарниот радио и телевизиски водител Лари Кинг (1933-2021) почина во саботата, 23 јануари, во болница во Лос Анџелес на 88-годишна возраст, а сега е откриена вистинската причина за неговата смрт. Тој беше во брак со актерката Шон Кинг (61) скоро 25 години, а сега таа одлучи да ја отвори душата и да открие како изгледале последните денови на Лари. -Додека тој беше во болница, разговаравме на Фејсбук. Тешко му беше да разговара, но најважно беше што ми рече: „Те сакам и чувај ги нашите момчиња“ – открила Шон во интервју за странски медиуми. Се венчаа во 1997 година и во бракот ги добија двајцата синови, Шанс (21) и Конон (20), кои не можеа ни да го посетат поради пандемијата Ковид-19. Иако поранешната сопруга на Лари, Џулија Александер, во едно интервју изјави дека причина за неговата смрт е коронавирусот, Шон тоа го демантираше. -Станува збор за инфекција. Имаше сепса. Во тој момент, тој конечно беше подготвен да замине. Знаете, тој никогаш не сакаше да замине, но неговото кревко тело веќе не можеше да издржи. Толку многу го погоди во последно време и кога го слушнавме зборот КОВИД -19, нашето срце застана, откри актерката и додаде. -Лари и јас никогаш не сме се развеле официјално. Длабоко во себе, се надевав дека никогаш нема да се случи. На крајот, не е така. Бевме партнери во секоја смисла – работа, семејство. Бог и семејството се двете најважни нешта во мојот живот, вели таа. Таа откри како на најсоодветен начин се простила од Лари во кругот на семејството. Начинот на кој тој го заслужи тоа. 2020 година беше многу тешка година за Кинг. Во период од три недели, тој изгуби две деца, неговиот син Енди, кој имаше 65 години, а почина од срцев удар и неговата ќерка Чаја, која почина од рак на белите дробови на 52-годишна возраст. Во април минатата година, тој доживеа срцев удар во неговиот дом во Лос Анџелес, поради што лекарите го советуваа да не оди на погребот на неговите деца. Да потсетиме, Лари имаше 8 брака и 7 поранешни сопруги зад себе, бидејќи двапати се ожени со Алин Акинс, а во тие бракови имаше и пет деца.

Славниот водител пред олтарот застана осум пати со седум жени, една од нив ја запросил во болница

Ивана Ефремовски — Tue, 26 Jan 2021 08:52:58 +0000

Легендарниот американски водител Лари Кинг, кој почина од последици на коронавирусот, за време на неговата блескава кариера, направи повеќе од 50.000 интервјуа со светски познати имиња, а покрај успешната кариера, водеше и интересен приватен живот. Кинг пред олтарот застана осумпати со седум жени. Со својата средношколска љубов Фреда Милер се оженил во 1952 година кога имал 19 години. Нивната љубов не траела долго поради негодувањата на нејзиното семејство. Тие инсистирале нивниот брак да биде поништен и Лари и Фреда се развеле само една година откако се венчале. По Фреда, Лари бил кратко оженет со Анет Кеј, која во ноември 1961 година го родила Лери Jуниор, првиот син на Кинг. Својот син Лери Кинг го запознал кога тој имал околу 30 години. Истата година кога се родил неговиот син, Лери се оженил со својата трета сопруга, зајачицата на Плејбој, Алена Акинс. Церемонијата се одржала во еден од популарните клубови на Плејбој, а славниот водител го посвоил и синот на Алена, Енди, во 1961 година. Само една година подоцна, тие се развеле. Со својата четврта сопруга Мери Франкос Стуфин, Кинг се оженил во 1963 година, а по разводот со неа повторно се оженил со Алена Акинс. Со неа го добил своето второ дете, ќерката Чаија. По втор пат се развеле во 1972 година. Лери по петти пат запловил во брачните води во 1976 година со професорката по математика Шерон Лепор, со која бил во брак до 1983 година, а шест години подоцна ја запознал и претприемачката Џули Александер. Клекнал пред неа на првиот состанок, а се венчале по два месеци врска, во октомври 1989 година. Иако се разведоа по само една година, тоа не значеше дека Лари ја изгубил вербата во љубовта. Со актерката Деана Лунд се свршил во 1995 година по неколку недели врска, но никогаш не се венчале. По седми пат Кинг се ожени во 1997 година со Шон Саутвик. Со актерката, пејачка и ТВ-презентерка се венчал во неговата болничка соба во Лос Анџелес, каде што бил поради операција на срцето. Парот доби две деца, Ченс и Кенон, а Кинг го посвоил и синот на Шон, Дени. На 10-годишнината од бракот Кинг се пошегува на своја сметка и рече дека Шон е единствената жена со која издржал до двоцифрен број. Пред две години поднесоа барање за развод, но останаа во коректни односи.

Голема трагедија во домот на водителот Лари Кинг: Ниту еден родител не би требало да го погреба своето дете

Ивона Петрова — Tue, 25 Aug 2020 10:37:11 +0000

Познатиот водител Лари Кинг (86) деновиве доживува вистинска семејна трагедија. Остана без две од своите пет деца и тоа во период од три недели. Прво на 28 јули од срцев удар почина 65 годишниот син Енди, а три недели подоцна од рак на белите дробови животот го загуби неговата ќерка Чиа (51). Кинг по овој повод се огласи на социјалните мрежи. -Со тага и скршено срце ја потврдувам загубата на своите две деца, Енди Кинг и Чија Кинг. Двајцата беа добри души и многу ќе ми недостасуваат. Енди почина изненадно од срцев удар, а Чиа почина на 20 август набрзо откако и беше дијагностициран рак на белите дробови. Да ги загубам нив е толку погрешно. Ниту еден родител не би требало да го погреба своето дете. Моето семејство и јас ви се заблагодаруваме за поддршката и добрите желби. Во овој момент потребно ни е малку време и приватност да се опоравиме. Ви благодарам за тоа, напиша познатиот водител на Фејсбук.

Позната е здравствената состојба на најславниот водител, со месеци не можел убаво да дише

Ивана Ефремовски — Tue, 30 Apr 2019 07:44:26 +0000

Познатиот американски телевизиски водител Лари Кинг (85) доживеа срцев удар, по што е пренесен в болница. Тој со месеци имал проблеми со дишењето, наведува неименуван извор за ТМЗ, додавајќи дека инфарктот всушност се случил додека Кинг се подготвувал да замине в болница на преглед. На водителот му е извршена ангиопластија и му вградиле неколку стентови. Ова на водителот му се случува вторпат, по 1987 година, кога исто така, доживеа срцев удар.

Лари Кинг итно пренесен во болница, водителот имал срцев удар

Ивана Ефремовски — Mon, 29 Apr 2019 20:16:54 +0000

Американскиот водител Лари Кинг (85) доживеал срцев удар, пишуваат американските медиуми. Кинг бил префрлен во болница поради проблемите со срцето. Лекарите велат дека неговата здравствена состојба засега е стабилна и дека за неколку дена ќе биде пуштен дома. Лари Кинг зад себе има кариера долга 62 години. За тоа време Кинг направил повеќе од 50.000 интервју. Некогаш водителот беше заштитно лице на американската телевизија „Си-Ен-Ен“, а својата кариера ја продолжи во руската кабловска мрежа „Раша тудеј“.