ларис гаисер – Kurir.mk

Хакери го нападнаа новинарот кој ги објави снимките за „Рекет”

Предраг Кукиќ — Fri, 16 Aug 2019 13:01:31 +0000

Фејсбук профилот на Ларис Гаисер кој во италијански „Ла Верита“ ги објави снимките за „Рекет“, бил хакиран. - „Ако ја читате оваа порака: Мојот профил беше хакиран. Ниту еден друг профил не е мој. Тоа е замка. Ве молам не контактирајте никој друг профил со името Ларис Гаисер“, пишува во последната објава новинарот. Тој стана познат за македонската јавност откако објави три видеа за случајот Рекет за кој во притвор се Боки13 и Зоки Кичеец. На видеата се слуша и гледа како Боки и Кичеец бараат и земаат пари од Орце камчев, а се слуша и гласот на Катица Јанева која му вели дека „се ќе биде добро", како и името на Зоран Заев. Јанева се бранеше дека го барала Орце за сведок во предпостапка, додека Заев рече дека Бојан Јовановски му го злоупотребил името и нема да дозволи еден педер, суетен новинар и неколку криминалци да му ја срушат Владата. Следеа бура реакции, по што Заев се извини. До сега исказ дадоа Лиле Стефанова, Елизабета Јосифовска и Рустеми. Следната недела на ред е да сведочи Катица Јанева.

„Ла Верита“: Случајот поткуп во Македонија потегнат и од ЕНП: „Могерини, кажи нешто“!

Дарко Андоновски — Sun, 11 Aug 2019 08:22:37 +0000

Италијанскиот новинар Ларис Гајзер денеска објави своја колумна по повод настаните во Македонија откако тој прв ги објави видео снимките од изнудениот рекет врз бизнисменот Орце Камчев. Целиот текст ви го пренесуваме во целост во продолжение: Ларис Гајзер 11.08.2019 Објавата на Ла Верита од минатите денови по однос на аудио и видео материјалот за активностите околу рекетирањата што се случиле во изминатите години во Македонија, со знаење на канцеларијата на специјалната обвинителка предводена од Катица Јанева, се претвори во вистински политички и социјален земјотрес. Нашата редакција, како и долупотпишаниот, беше преплавена на дневна база , од илјадници пораки за поддршка и благодарност. Скоро и да немаше критики и закани што вообичаено ги има во вакви случаеви. На сајтот, на тема за надворешна политика, високо надминавме над милион контакти. Можеме да кажеме дека Ла Верита на македонската популација и направи услуга од јавен карактер, размрдувајќи некои стагнирачки ситуации и враќајќи му ја довербата на еден народ сведен на константна изолација на којашто ЕУ изгледа дека го осудила со цел да го оствари планот за ограничување на суверенитетот на земјата. Македонците се еден горд народ, разочаран од корупцијата, и патат уште повеќе кога ситуацијата, дури и само индиректно, е поддржана од ЕУ. Треба да се напомене дека баш Ж.К.Јункер и Могерини инсистираа силно за специјалната обвинителка. Токму заради тоа, сензационалните откритија на нашиот весник предизвикаа и внатрешни и надворешни тензии. Внатрешно, опозицијата предводена од Х.Мицкоски тврди дека Ла Верита јавно му покажала на широкото граѓанство докази за една огромен политички и судски октопод, што премиерот Зоран Заев треба да го земе предвид и да си поднесе оставка. Тој (ЗЗ) засега целата случка ја коментира само преку фејсбук пост кадешто вели дека ликовите го злоупотребиле неговото име. Од затворот во кој се наоѓа токму поради случајот "Рекет" анализиран од нас, Боки13 му одговорил, преку еден српски весник, дека доколку се посегне по неговиот живот, доказите за вмешаноста на Заев се наоѓаат кај мајка му. Од меѓународна гледна точка пак, освен фактот што нашите вести беа преземени од бројни медиуми, меѓу кои оние од Германија, Албанија, Србија и Словенија - првата со реакција беше Франција. Нејзиниот амбасадор изјави дека македонските власти треба да дадат јасни одговори по однос на скандалот обзнанет од нас, пред Брисел да почне да го анализира приближувањето на МК кон ЕУ. И токму од унијата, којашто сметавме треба да се преиспита уште пред неколку години бидејќи, преку Могерини, беше главен спонзор на СЈО и на многу меѓународни трауми нанесени на МК, стигна најпоразувачката порака, тотален молк. Без разлика на летниот период, илјадници вработени во внатрешните служби на ЕУ, од кои 220 во делегацијата во Скопје, не успеаја да изнесат ниту еден институционален извештај со надеж брзо да се разјаснат фактите. Наредбата од Брисел да се молчи и да се избегнуваат дополнителни штети на имиџот сигурно била пренесена на кристално јасен начин. Толку јасен што и на Дорис Пак ѝ станало јасно дека нешто не чини, децениски парламентарец задолжена за проширувањето на Балканот и без никаква дилема една од најмоќните политички фигури од ЦДУ и Германија, и актуелна претставничка на ЕПП. Дорис Пак објави силен апел вчера на социјалните мрежи, со барање за итна реакција , кон надворешните служби на Унијата, запрашувајќи се како Могерини може да молчи пред криминалната реалност обзнанета од третото видео објавено на сајтот на Ла Верита. Во 2015г, токму ЕУ инсистираше за СЈО, што му нанесе многу штета на Македонскиот народ. Денес, тие од ЕУ задолжително би требало да одговорат, особено на оние внатре во македонска администрација, коишто во изминатите месеци го ризикуваа животот помагајќи ни во објавувањето на материјалот, убедени дека сѐ уште е возможно да се има вистинска демократија базирана на информирано јавно мислење и контрола на политичарите. Што се однесува до нас, продолжуваме со проценување на конкретноста и на правната изводливост со цел потенцијално објавување на друг аудио материјал . Засега се надеваме дека македонскиот народ конечно може да добие вистинска поддршка од странските престолнини, коишто досегa воделе политика од сенка.

Гаисер за Пресинг ТВ: Мафијашки систем работи под директна контрола на врвните политичари

Предраг Кукиќ — Thu, 08 Aug 2019 11:43:47 +0000

Ларис Гаисер во интервју за Пресинг ТВ направено преку Фејсбук најавува објавување нови „шокантни документи“ поврзани со состојбата во Македонија, поточно за аферата „Рекет“. Тој такво нешто денес објави и на неговиот фејсбук профил. Гаисер денес на страниците на италијанска Ла Верита објави видео и аудио снимки на кое се гледа како Бојан Јовановски (Боки 13) и Зоран Милески (Зоки Кичеец) излегуваат од домот на Орце Камчев со торби полни со неверојатни 1,5 милиони евра. На прашањето дали евентуално бил соочен со притисоци да не ги објави материјалите, Гасиер вели:Не, немав апсолутно никаков притисок. Се обидувам од 2016 година во Италија и во ЕУ да објаснам што се случува во Македонија“. Гасиер вели дека неговата новинарска сторија докажува „како Европската унија по поддршката за смена на власта во Македонија со цел да се намали суверенитетот, заговараше именување на специјален обвинител (Катица Јанева), која од почетокот на мандатот не само што нелегално се мешаше во политиката, туку рекетираше луѓе“. „Мафијашки систем работи под директна контрола на врвните политичари! На политичари зад кои стојат Сорос и ЕУ. Македонија има голем проблем на патот кон ЕУ…а и самата ЕУ“, истакнува Гасиер. Целото интервју на Пресинг.