Ларис Гајзер – Kurir.mk

Ларис Гајзер за Ало.рс: Заев е во паника, Боки 13 ќе ги открие неговите мрачни тајни

Ивона Петрова — Sat, 20 Jun 2020 10:08:21 +0000

Словенечкиот аналитичар и професор по геополитика Ларис Гајзер го раздрма целиот Балкан кога ја откри аферата „Рекет“ низ серија текстови и снимки во весникот „Верита“, кои ги објави во август минатата година, пишува Ало.рс. Аферата доби епилог пред два дена кога Бојан Јовановски, познат како Боки 13 и поранешната специјална обвинителка Катица Јанева се осудени на 9 односно седум години затвор по обвинението дека од ноември 2018 година до април 2019 земале 1,55 милиони евра од Јордан Камчен, еден од најбогатите Македонци, а за возврат да му ја „олеснат позицијата“ во предметот Империја на СЈО во кој беше првоосомничен. -Се надевам, како и веројатно голем дел од Македонците, дека оваа пресуда е само почеток. Мислам дека јасно докажав дека врвот на злосторничката пирамида беше политички, како и дека политичкиот врв тесно соработувал со дел од правосудниот систем. Впрочем, дури и јавното обвинителство го воделе истите лица за кои открив дека се поврзани со огромниот мафијашки октопод развиен во време на владеењето на Зоран Заев. Сепак, не можеме да очекуваме дека виновниците сами себе ќе се осудат, наведува Гајзер за „Ало“. На прашањето дали по пресудата на Боки 13 и Катица Јанева очекува и нови обвиненија, одговара: -Мислам дека сликата ќе се промени по изборите во Македонија, особено во случај Трамп да освои втор мандат. Последните месеци Зоран Заев сакаше брзи избори бидејќи беше исплашен од можната казна. Сега може малку да дише, но по изјавите на Боки во судот (Боки 13 му порача на судот дека парите може да ги најде кај браќата Заев), можеме да очекуваме почеток на втор круг. Во променето политичко друштво и чист правосуден систем, сигурен сум дека Боки и Катица ќе пронајдат храброст да ја кажат целата вистина за многу тажен дел од македонската историја Кога станува збор за поранешниот премиер Зоран Заев, Гајзер вели: -Заев уште во август минатата година стана неважен во меѓународното друштво. По речиси една година од моите тесктови никој во светот не верува во неговата невиност. Според тоа, тој е бескорисен за вистинските политички играчи. За СДСМ е политичко самоубиство дури и ако уште го води како лидер на следните избори. Неговата присутност го осудува да биде поразен. Сето ова се добри аргументи во корист на ставот дека тој е минато во политичката арена, со или без продолжување на судската постапката, вели Гајзер за Ало.рс.

„Ла верита“: Премиерот Конте клекна пред Заев, Италија ќе ја поддржи Македонија, но само во пакет со Албанија

Катерина Бојаџиева — Wed, 30 Oct 2019 08:18:44 +0000

Премиерот Џузепе Конте вчера во „Палацо Киџи“ го прими македонскиот премиер Зоран Заев, кој беше дојден формално да бара помош од Италија по случувањата на последниот Европски совет, на којшто неговата земја не доби покана за почеток на преговорите. Конте го потврди ставот кој го имаше за време на состанокот во Брисел, односно дека сака Македонија да почне преговори заедно со Албанија. Држењето на заедничкиот пакет – Скопје и Тирана – се должи на политичките одлуки и договарањата изминатите години од владите на Ренци и Џентилони, а имплементирани паралелно и од ЕУ преку дејствувањето на високата претставничка за надворешна политика Федерика Могерини. Всушност договарањата помеѓу Ренци и албанскиот премиер Рама, поддржани од Обама, му овозможија на Заев да дојде противуставно на власт во Македонија во 2017, но пред сè му обезбедија парламентарно мнозинство благодарение на поддршката од албанската партија ДУИ. Таканаречената Тиранска платформа, причина поради која во тој период тогашниот македонски претседател Иванов одби дури два пати да му го даде мандатот на Заев, е политички договор поврзан со денационализацијата на Македонија преку социјалдемократската влада предводена од Заев, односно директно уценета од Рама. Иако изјави дека Eвропа, поради француското вето, направила историска грешка што не ги отворила преговорите со Македонија, Конте дипломатски му даде до знаење на Заев дека Италија со сигурност на следниот Совет за општи работи ќе поддржи повторно отворање на процесот, но исто така и дека судбината на истиот, зависи во пакет од таа на Албанија. Не би имало никаква помош од Рим во минатото, не би имало никаков договор за промена на името со цел Грција да го тргне ветото и не би имало никакво парламентарно мнозинство за социјалдемократите во случај да не се направеа концесии кон Рама. Сега кога треба да се „плати цената“, Италија се наоѓа во ситуација да мора да ги поддржи истовремено двајцата политички најсрамни премиери на континентот, поради тешките корупциски скандали во кои се вмешани. Со цел да ја докаже својата уценувачка моќ, албанскиот премиер не го прими македонскиот претседател Пендаровски бидејќи јавно ја поддржал опцијата за одвојување на Македонија од Албанија во процесот на евроинтеграциите, и му советува да не заборави кому му го должи изборот за претседател. По враќањето во државата, Пендаровски, следејќи ја политичката линија наметната од денот кога „Ла Верита“ ги објави првите докази за корупција во Македонија под владеењето на Заев, направи уште еден чекор на оддалечување од неговиот политички тутор, изјавувајќи за “Ал Џазеира” дека корупцијата на владата на Заев е вистинската опасност за Македонија. Сè појасната изолација на премиерот Заев може да доведе и до оставка на неговиот МНР Димитров, но пред сè очајот со кој Заев вчера уценуваше дека нема до крај да го имплементира Договорот од Преспа со Грција во случај да не добие покана за почеток на преговорите, ја изиритира доста скептичната Франција. А само неколку дена претходно му објаснија на македонскиот премиер дека Преспа отсекогаш бил потребен услов, но не и доволен за европскиот пат. Пишува: Ларис Гајзер за Ла верита

Гајзер: Претседателот на ВМРО-ДПМНЕ е веројатниот иден премиер и сите сметаат на него

Катерина Бојаџиева — Sun, 27 Oct 2019 13:39:11 +0000

Претседателот на ВМРО-ДПМНЕ е веројатниот иден премиер и сите сметаат на него, истакна новинарот на весникот „Ла Верита“, Ларис Гајзер во интервју за Алфа ТВ. Интервјуто ќе се емитува вечерва во 18 часот на Алфа Телевизија, а тој во него говори зошто не смее да ја посети Македонија, какви материјали поседува и дали ќе ги објави. Инаку, Гајзер во Македонија е познат по тоа што ја откри аферата „Рекет“ и објавуваше видеа за овој случај.