ларс валтер – Kurir.mk

Валтер: Исклучувањата не уништија, честитки за Нексе

Бошко Тасиќ — Fri, 03 Feb 2023 06:03:25 +0000

Еурофарм Пелистер го претрпе и вториот пораз на стартот од новата сезона во СЕХА-лигата, губејќи на гостински терен против Нексе со резултат 29-25. Тренерот на „зелено-белите“, Ларс Валтер по мечот вели дека исклучувањата биле клучни за поразот на неговиот тим. „Најпрво, сакам да му честитам на домашниот тим за победата и добриот меч. Видливо е дека ние имаме проблеми со повреди. Клучниот момент беше кога добивме две исклучувања. А едноставно не можеш да преживееш така против одличен тим како Нексе. Среќен сум што се враќавме во мечот во два наврати. Имаме долго патување пред нас, а потоа следат два дена одмор кои ќе ги искористиме за анализа пред мечот во Данска“, изјави Валтер.

Валтер: Не бевме ни блиску до победа, но верувам дека ќе бидеме подобри

Бошко Тасиќ — Tue, 31 Jan 2023 05:56:38 +0000

Екипата на Еурофарм Пелистер загуби на гостувањето кај составот на Војводина со 29-24 во првото коло од новата сезона во регионалната СЕХА лига. Незадоволството од натпреварот го искажа и тренерот на Еурофарм Пелистер, Ларс Валтер кој проблемот го најде во агресивната одбрана на противникот, а додаде и дека недоволното време за подготовки со полн состав не може да биде изговор за ваков натпревар.

„Не „уби“ одбраната 6-0. Не успеавме да имаме добар проток на топката и да напаѓаме околку неа. Не бевме ни блиску да бидеме искрени и мораме да кажам дека ова е заслужена победа на Војводина. Се соочувавме со проблем бидејќи не можевме да сметаме на повеќе играчи поради настапот на Светското првенство, но тоа не изговор. Верувам дека ќе бидеме подобри како што одминува сезоната“, изјави Валтер.

Валтер: Да оставиме добар впечаток пред божиќната пауза

Бошко Тасиќ — Tue, 13 Dec 2022 06:27:52 +0000

Ракометниот клуб Еурофарм Пелистер минатата недела беше поразен во Шпанија со 32:20, па така Баскијците се во поволна позиција пред реванш натпреварот. Стратегот на битолчани Ларс Валтер верува во подобро издание на неговиот тим. „Се обидуваме да ја вратиме нашата препознатлива игра, бидејќи во последните 5-6 недели со сите повреди кои нè снајдоа, играме поинаку, играме побавно. Имаме нов ракометар кој треба да го интегрираме и мора да се вратиме на нивото на игра од почетокот на сезоната. Работата на вчерашниот тренинг изгледаше добро, Хосни добро тренираше и верувам дека ќе додадеме брзина во нашата игра. Разговаравме и како да ги решиме проблемите кои ни ги создаде Агинагалде на првиот натпревар. Не бевме добри на првиот натпревар, тој е многу добар во напад, но исто така и многу спор во одбрана. Мора тоа да го искористиме, а во Ирун не го направивме тоа. Тој детаљ е еден од клучните кој може да направи разлика. Сите веруваме во добар натпревар и победа утревечер. Се надевам дека ќе ја добиеме поддршката од нашите фанови, иако како игравме лошо на последниот натпревар, не ја заслуживме. Го знаеме тоа и сакаме да оставиме добар впечаток пред божиќната пауза и ќе дадеме сè да ги освоите бодовите“, изјави Валтер.

Валтер: Ова не треба да биде изговор, но бевме премногу уморни!

Бошко Тасиќ — Tue, 06 Dec 2022 21:48:46 +0000

На официјалната прес-конференција, тренерот на пелистерци Ларс Валтер им честита на домаќините за извојуваната победа и истакна дека по сите проблеми со повредени ракометари тешко беше вечерва да се игра против вака силна екипа. „Честитки на победата. Бевме премногу уморни, а тие играа моќно. На минатите четири средби се соочивме со многу незгодни повреди и тоа ни донесе многу проблеми во тимот. Ова не треба да биде изговор, но овој натпревар ни дојде премногу. Како тренер можам да кажам дека моите играчи го направи она што го можеа на терен. Сега, треба добро да се одмориме и да бидеме целосно спремни за следниот меч кој е за седум дена. До крајот на есенскиот дел во Европската лига преостанува уште еден натпревар на кој одново ќе се сретнат вечерашните ривали, овој пат во Битола.

Валтер: Игравме супер до 20 минута, потоа застанавме

Бошко Тасиќ — Wed, 26 Oct 2022 04:55:52 +0000

Еурофарм Пелистер е поразен од тимот на Архус во Европската лига со 27-30. И покрај тоа што ја имаше поддршката од публиката, битолскиот тим не можеше да се справи со противникот. Тренерот Ларс Валтер истакна дека е задоволен од играта во првите 20 минути, но потоа неочекувано и несфатливо неговите ракометари застанале, и играле премногу индивидуално.

„Честитки за победата за Архус. Започнавме одлично, првите 20 минути беа супер, но потоа едноставно прекинавме да играме. Тие направија серија 9-2 која беше клучна за овој пораз, а ние во тие моменти игравме премногу индивидуално и правевме грешки“, рече Валтер.

Валтер: Не сме најподготвени за Европа

Бошко Тасиќ — Mon, 24 Oct 2022 15:22:29 +0000

Македонскиот ракометен вицепрвак Еурофарм Пелистер утре во Битола ќе го има европското деби оваа сезона, а ривал ќе биде осмопласираниот тим од данското првенство, Архус. Тренерот Ларс Валтер вели дека тоа ќе биде огромен испит за битолчани, кои не играа најдобро на дуелот против Пролет. „Ако го гледавте натпреварот против Пролет, не сме баш спремни за Европа, затоа што игравме екстремно лошо. По десет дена без шест репрезентативци малку нарушен ни е ритамот, па затоа работиме денес и утре да се поправиме. Веќе денес тоа изгледа подобро и наша цел во вторник е победа. Гледав многу натпревари на Архус оваа сезона. Не знам дали имаат проблеми, затоа што загубија многу натпревари со еден-два разлика. Во Данска секој од шеснаесетте екипи во Првата лига може секого да победи. Можеби имаат премалку бодови, но тие се добра екипа. Играа многу брзо и мора да бидеме подготвени“, вели тренерот Ларс Валтер. 57-годишниот дански стратег се надева дека атмосферата во салата „Боро Чурлевски“ ќе биде пеколна и ќе им даде крилја на неговите ракометари.

Валтер: Нексе е воиграна екипа, но убеден сум на реакција на мојот тим

Бошко Тасиќ — Sun, 04 Sep 2022 06:41:28 +0000

Ракометарите на Еурофарм Пелистер ќе се обидат брзо да го заборават полуфиналниот пораз од Веспрем во рамките на единаесеттиот „фајнал-фор“ на СЕХА лигата. На брифингот со новинарите тренерот Ларс Валтер се наврати на дуелот со Унгарците и го најави утрешното мало финале против Нексе Нашице. „Нексе Нашице е одлична екипа, долго време се заедно и воиграни се со тренер како Тамше. Добро го познавам, беше мои играч и одлично натпредува. Го следев тимот на Нексе и во подготовките и знам дека се работи за квалитетен тим.Ние мора да одиграме подобро и посмело од синоќа и убеден сум во таква реакција на тимот. Напорно работиме и Еурофарм Пелистер е на вистински пат“, смета Валтер. Натпреварот меѓу македонскиот и хрватскиот вицешампион се игра денес од 16:30 часот.

Валтер: Против Веспрем да играме и да уживаме

Бошко Тасиќ — Tue, 30 Aug 2022 18:49:40 +0000

Тренерот Ларс Валтер смета дека против Веспрем во полуфиналето рецептот за успех е ако неговиот тим игра слободно без притисок. „Беше фантастично против Мешков Брест. Фановите ја завршија својата работа и беше многу важно за нас да имаме таква поддршка. За мене посебно беше емотивно, бидејќи бев во многу клубови во Европа, но вакво нешто не сум видел досега. Беше задоволство, беше фантастично. Наша цел беше да стигнеме на „фајнал-фор“ на СЕХА лигата и сега имаме голем предизвик во името на Веспрем, еден од најдобрите светки клубови. Треба да одиме таму и да уживаме, да играме слободно. Тука ја гледам нашата шанса. Од недела во недела учиме и учиме заедно. Тоа е она што треба да го правиме во следните месеци и мислам дека околу Божиќ ќе го видиме вистинскиот лик. Се надевам дека нема да направиме многу грешки по пат и цел ни е секој натпревар да биде што е можно подобар“, изјави данскиот стратег на клупата на Еурофарм Пелистер.

Еурофарм Пелистер и Валтер ја почнаа соработката

Ивана Ефремовски — Thu, 30 Jun 2022 16:34:32 +0000

Новиот тренер на македонскиот ракометен вицешампион Еурофарм Пелистер, Ларс Валтер, денеска го одработи првиот ден како предводник на битолскиот клуб. – По пристигнувањето во Македонија, Валтер одржа работни состаноци со клупските структури, директорот Димитар Митревски, своите помошници, стручниот и медицинскиот тим и го зазеде своето место во клупските простории, соопшти попладнево Еурофарм Пелистер. Валтер и стручниот тим на битолскиот клуб ги дефинираа етапите од подготвителниот период, кој започнува на 20 јули во Битола. Претходно, сите ракометари ќе поминат медицински тестови. Централната фаза „Пелистерци“ ќе ја минат во Маврово од 25 јули. Валтер и клупското раководство разговарале и за комплетирање на играчкиот кадар за сезоната 2022/23 и во тој правец клубот ќе доведе уште неколку засилувања. Официјалната промоција на тимот е закажана за 19 јули, кога ќе бидат промовирани и новите лица и новите дресови. Презентацијата на Ларс Валтер како нов тренер на Еурофарм Пелистер е предвидена по првите тренинзи во Битола. (МИА)

Данецот Ларс Валтер нов тренер на Е. Пелистер

Бошко Тасиќ — Wed, 22 Jun 2022 15:27:31 +0000

Искусниот дански ракометен стратег Ларс Валтер, ќе седи на клупата на битолскиот Еурофарм Пелистер. Валтер (56) по повод назначувањето за нов тренер, испрати порака преку социјалните мрежи. – Уште еден нов предизвик. Едвај чекам да се сретнам со неверојатните навивачи, играчите и стручниот штаб. Се гледаме сите во Битола, напиша данскиот тренер. Валтер последниот ангажман го имаше во полскиот состав Пулави. Претходно работел во Флензбург, Порто, Кадетен Шафхаузен, Висла Плок, Баја Маре, Горење и во неколку екипи во неговата татковина.