ларви – Kurir.mk

Во Велес во тек прво теренско третирање против ларви и комарци

Тале Кристо — Wed, 10 May 2023 08:28:36 +0000

Согласно Законот за заштита на населението од заразни болести, за спроведување на превентивна теристичка дезинсекција, како општа мерка за заштита на населението од заразни болести, Општина Велес веќе една недела изведува активностите за прво ларвицидно теренско – третирање од земја, против ларви од комарци. Како што информираат од Општина Велес, теренското третирање од земја против ларви од комарци се врши на територија од седум хектари покрај вода и водни површини, кои се мапирани како лежишта на комарци, а посебно внимание се посветува на површините со неистечена вода каде комарците имаат идеални услови за размножување. По спроведена постапка за извршување на овие активностите избран е операторот ЈЗУ Центар за Јавно здравје – Скопје, и согласно елаборатот изработен од страна на Центарот за јавно здравје Велес, се третираат крајбрежјето на езерото „Младост“, делот „Јарбош“, Градскиот парк, Стадион, Младински парк, по течението на реката Вардар, реонот на потокот, градските фонтани. Третманот се врши со препаратот „Биопрен“ 4 ГР, ларвицид за комарци во вид на гранули, кој се наоѓа на листата на биоцидни производи на Министерството за здравство и се применува само за комарци и ларви кои летаат на области кои се претходно одредени. Средството во вид на гранули се положува во застоени водени површини. Истото не е штетно за луѓето, пчелите, ниту за домашните миленици. Ларвицидното третирање е општа мерка за заштита на населението од заразни болести, и е предвидена во Програмата за активности на Општина Велес во областа на здравствената заштита во 2023 година.

Во среда дезинсекција против ларви од комарци во Скопје

Тале Кристо — Mon, 24 Apr 2023 15:31:06 +0000

Втората фаза од дезинсекцијата во главниот град против ларви од комарци ќе биде извршено во раните утрински часови во среда, соопштија од Град Скопје. Како што информираат од Градот, авионската дезинсекција на подрачјето на градот Скопје, против ларви од комарци, ќе се реализира на 26.04.2023 (среда), во раните утрински часови. Додека терестричната дезинсекција (втора фаза) на подрачјето на градот Скопје, против ларви од комарци, ќе се реализира истиот ден во текот на денот. Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин. Од Град Скопје апелираат пчеларите навреме да ги преземат потребните мерки за заштита на пчелите.

Во четврток во Скопје дезинсекцијата против ларви и возрасни форми на комарци

Тале Кристо — Tue, 12 Jul 2022 11:58:19 +0000

Градот Скопје ги известува граѓаните дека на 14.07.2022 година (четврток) ќе се реализира авионска и терестрична дезинсекција против ларви од комарци. Исто така, на 16.07.2022 (сабота) година ќе започне авионска дезинсекција против возрасни форми на комарци, додека на 18.07.2022 (понеделник) година ќе започне терестрична дезинсекција против возрасни форми на комарци, информираат од Градот. Прскањето ќе се врши според следниот распоред: 1. Авионската и терестричната дезинсекција против ларви од комарци, на подрачјето на градот Скопје ќе се реализираат на 14.07.2022 (четврток), во раните утрински часови (авионски) и во текот на денот (терестрично). 2. Авионската дезинсекција на подрачјето на градот Скопје, против возрасни форми на комарци, ќе се одвива на 16.07.2022 (сабота) и 17.07.2022 (недела), во раните утрински часови. 3. Терестричната дезинсекција на подрачјето на градот Скопје, против возрасни форми на комарци ќе се одвива од 18.07.2022 (понеделник) до 21.07.2022 (четврток), во период од 22 до 03 часот, наредниот ден. Доколку временските услови не дозволуваат да се прска дезинсекција ќе се изврши првиот нареден ден кога ќе бидат поволни временските услови, во истиот термин. Се известуваат пчеларите навреме да ги преземат потребните мерки за заштита на пчелите, се вели во соопштението на Град Скопје.

Прскање против ларви од комарци во Скопје

Ивона Петрова — Thu, 12 Jul 2018 13:01:30 +0000

Авионската дезинсекција на подрачјето на Скопје против ларви од комарци ќе се изврши в сабота, во раните утрински часови. Терестричната дезинсекција ќе се изврши в понеделник, во текот на денот. - Доколку временските услови не го дозволуваат вршењето на дезинсекцијата, таа ќе се изврши првиот нареден ден, кога ќе бидат поволни временските услови, во истиот термин, соопшти Град Скопје. Градските власти ги известуваат пчеларите на времее да ги преземат потребните мерки за заштита на пчелите.

Изгледа како најсочниот бургер на светот, се додека не дознаете од што е: Дали луѓето се натпреваруваат кој ќе направи погадна храна?

Матеја Петровски — Mon, 23 Apr 2018 16:53:38 +0000

Еден супермаркет во германскиот град Ахен во продажба стави бургери кои на прв поглед изгледаат како да се сосем нормални. Меѓутоа, тие се направени од ларви кои се одгледуваат во Холандија. Како што наведува „Bugfoundation“, производителот на овие необични бургери, ларвите се доста богати со протеини и се доста хранливи. Освен ларви, „месото“ на бургерот се состои и од органска соја. Послужени се со зелена салата, лук и домат, тие може да се купат во продавниците на ланецот супермаркети „РеВе“, откако доста успешно се покажале во Холандија и Белгија. Манфред Редер храбро се осудил да го проба овој бургер и кажал дека е добра алтернатива за месо. -Бев скептичен, но земав еден затоа што е доста вкусен, кажа тој. Основачите на „Bugfoundation“ Барис Озел и Макс Кремер на концептот работеле четири години, а до идејата дошле после патување во југоисточна Азија, каде не е невообичаено да се јадат инсекти. -Едноставно е. Треба да на направите производ кој изгледа естетски и да не покажете ниту еден инсект, кажал Озел. Како што кажа тој, луѓето ги привлече мирисот на бургер, но сепак одбија да пробаат кога дознаа од што е.