Лауреус – Kurir.mk

Лионел Меси ја доби наградата „Лауреус“ за најдобар спортист на светот

Бошко Тасиќ — Tue, 09 May 2023 04:39:19 +0000

Фудбалерот на ПСЖ, Лео Меси кој со Аргентина го освои Светското првенство, по вторпат ја доби наградата „Лауреус“ за најдобар спортист на годината кој е и единствениот фудбалер со ова признание. Меси на клупско ниво немаше некоја посебна сезона, но трофејот со аргентинската репрезентација му носи и индивидуални признанија. Едно од нив е „Лауреус“. Тој за оваа награда ги победи Килијан Мбапе, Рафел Надал, Макс Ферстапен, Стеф Кари и рекордерот во скок со стап, Арманд Дуплантис. „Ви благодарам на сите за наградата. Задоволство е да се биде тука и да се добие оваа награда, но фудбалот е тимски спорт. Го исполнив својот најголем сон и го освоив Мундијалот. Во минатото имав многу среќни моменти со Барселона и многу тага со националниот тим, имаше многу пречки, но успеав да станам подобар и да го освојам трофејот“, кажа Меси.

Познати номинираните за наградата „Лауреус“

Бошко Тасиќ — Tue, 21 Feb 2023 06:15:55 +0000

Секоја година, еден од најдобрите спортисти го добива признанието „Лауреус“. Повеќе од 1.000 новинари од целиот свет гласаат за номинираните лауреати, па се бира по еден спортист и спортистка. Оваа година во изборот во машка конкуренција за признанието ќе се борат Лионел Меси, Рафаел Надал, Арманд Дуплантис, Килиан Мбапе, Стеф Кари и Макс Верстапен кој минатата година беше лауреат. Меси и Мбапе ги водеа своите селекции до финалето на Светското првенство, Аргентинецот го освои единствениот трофеј во кариерата кој му недостигаше. Надал оваа година со освојувањето на Австралија Опен стана најтрофеен на Грен слем турнирите, ама потоа Новак Ѓоковиќ се израмни со Шпанецот. Покрај нив, тука е и Дуплантис кој постави рекорди, Стеф Кари кој беше шампион со Голден Стејт во НБА лигата и Верстапен кој вторпат стана првак во Формула 1.

Го нема Ѓоковиќ: Познати номинациите за наградата „Лауреус“

Ивана Ефремовски — Thu, 16 Jan 2020 20:20:24 +0000

Угледната фондација „Лауреус“ од Монако ги објави номинациите за најдобри спортисти по категории за 2019 година, но меѓу нив не се наоѓа српскиот тенисер Новак Ѓоковиќ. Кандидати за ова признание во машка конкуренција се Луис Хамилтон (формула 1), Елиуд Кипчоге (атлетика), Марк Маркес (мотоциклизам), Лионел Меси (фудбал), Рафаел Надал (тенис) и Тајгер Вудс (голф). Конкуренција за спортистка на година ќе бидат Симон Бејлс (гимнастика), Алисон Феликс (атлетика), Шели Ен Фрејзер Прајс (атлетика), Наоми Осака (тенис), Меган Рапино (фудбал) и Михаел Шифрин (скијање). Во најтесниот круг за наградата „тим на годината“ влегоа Ливерпул (фудбал), Мерцедес АМГ Петронас (формула 1), рагби репрезентацијата на Јужна Африка, кошаркарската репрезентација на Шпанија, НБА тимот на Торонто Репторс и женската фудбалска селекција на САД. Ривали во категоријата „пробив на годината“ се Бјанка Андрееску (тенис), Еган Бернал (велосипедизам), Коко Гоф (тенис), рагби репрезентацијата на Јапонија, Енди Руис (бокс) и Реган Смит (пливање). За наградата „кам-бек на годината“ се номинирани Нејтан Едријан (пливање), Софија Флорш (рели), Кристијан Леалифано (рагби), Кавај Ленард (кошарка), фудбалерите на Ливерпул и Енди Мареј (тенис). За најдобрите по категории ќе одлучува жири од 68 членови, а свечената церемонија на прогласување е закажана на 17 февруари во Берлин.