Лаури Марканен – Kurir.mk

Лаури Марканен е играчот со најголем напредок оваа сезона во НБА

Бошко Тасиќ — Wed, 26 Apr 2023 04:55:29 +0000

Лаури Марканен е прогласен за играч со најголем напредок сезонава во НБА лигата. Одличниот Финец кој сезонава беше дел од Јута Џез, доби 69 од 100 гласови за прво место, пред Шон Гилџс Александер од Оклахома Сити Тандер и Џејлен Брансон од Њујорк Никс. Во текот на оваа сезона, Марканен имаше просек од 25,6 поени, 8,6 скока и 1,9 асистенции. Тој ја предводеше Јута, каде што пристигна од Чикаго минатото лето, по поени и скокови. За прв пат годинава настапи и на Ол- стар натпреварот. Ова е прв пат во историјата играч на Јута да ја добие оваа награда. „Јас сум на вистинското место во вистинско време. Ова е голема награда за мене“, кратко изјави Марканен.

Лаури Марканен наместо на СП ќе мора да оди во војска

Бошко Тасиќ — Sat, 08 Apr 2023 05:05:49 +0000

Кошаркарот на Јута џез и на финската репрезентација, Лаури Марканен, наместо да одмора и да се подготвува за следната сезона, во сопствената земја ќе го отслужи воениот рок. Марканен својата должност ќе ја исполни во специјална единица во која служат само професионални спортисти. Тој воената униформа ќе ја задолжи или кон средина на месецов или во јули, по завршување на сезоната во НБА-лигата. „За него како Финец е важно да ја исполни својата граѓанска должност и да нема никаков привилегиран статус само затоа што е познат спортист“, изјави неговиот агент за медиумите во САД.

Скариоло за Марканен: Најтешкиот противник за кој некогаш сум морал да се подготвувам

Тале Кристо — Tue, 13 Sep 2022 09:14:00 +0000

Селекторот на шпанската кошаркарска репрезентација Серхио Скариоло има голем респект спрема лидерот на финската селекција Лаури Марканен. Шпанија денес од 17:15 часот ќе се соочи со Финска во четвртфиналето на Евробаскет 2022. – Со оглед на стилот на игра на Марканен, ова е најтешкиот противник за кој сум морал да се подготвувам. Подготовката за овој натпревар е многу тешка. Противникот игра оригинално и нетипично, многу ефикасно, тактички е многу тешко да се анализираат. Имаат пет шутери, ѕвезда од светска класа, шутираат тројки почесто и подобро отколку што трчаат во транзиција. Проблемот е и тоа што не можете само да се фокусирате на задржување на Марканен, морате да ги задржите сите, тие имаат многу снајперисти, рече Скариоло. Покрај овој натпревар, вечер (20:30 часот) ќе се игра уште едно четвртфинале во кое се среќаваат Германија и Грција.

Лаури Марканен од Чикаго во Кливленд

Бошко Тасиќ — Sat, 28 Aug 2021 07:19:07 +0000

Финскиот кошаркарски репрезентативец Лаури Марканен е трејдуван во Кливленд Кавалирс, објави инсајдерот Адријан Воинаровски. Марканен ќе биде дел од тројниот договор, во кој учествуваат Чикаго и Портланд. На оваа размена, Марканен се сели во Кливленд, Чикаго го добива Дерик Џонс, идниот пик на Портланд од првиот круг на Драфтот и идниот избор на Кливленд од втората рунда на Драфтот. Портланд, пак, го доби Лери Ненси Џуниор како дел од оваа размена. Марканен беше избран за 7-ми „пик“ на НБА драфтот во 2017 година од Чикаго. Тој имаше просек од 13,6 поени, 5,3 скокови минатата сезона и беше еден од најдобрите кај Булс. Новиот договор на Марканен е за четири години, од кој би требало да заработи 67 милиони долари.