Лаутаро Мартинез – Kurir.mk

Лаутаро Мартинез постигна четири гола и испиша историја во Серија А

Бошко Тасиќ — Sun, 01 Oct 2023 06:49:20 +0000

Интер синоќа славеше со 4-0 против Салернитана и се врати на победнички патеки во лигата, а сите четири гола беа дело на аргентинскиот голгетер Лаутаро Мартинез. Мартинез влезе во игра во второто полувреме и за 27 минути постигна четири погодоци, а со тоа испиша и историја во Серија А. Аргентинецот стана прв резервист кој постигнал четири гола во Серија А откако беа воведени три бода за победа.

Лаутаро ќе добие нов договор од Интер

Ристе Здравков — Thu, 21 Sep 2023 11:07:51 +0000

Интер, синоќа одигра 1:1 против Реал Сосиедад во Сан Себастијан, во првото коло од групната фаза на Лигата на шампионите. Спортскиот директор на Интер, Џузепе Марота синоќа кратко одговори на прашањето дали Лаутаро Мартинез ќе остане во Интер или ќе го напушти клубот во зимскиот преоден рок. „Разговараме со Лаутаро за продолжување на договорот. Не кажа дека сака да остане со нас“, откри Марота. Интер за Аргентинецот подготвиле договор до 2028 година.

Турам тргна да слави во стилот на Лукаку, Лаутаро веднаш му кажа НЕ! (ВИДЕО)

Ристе Здравков — Tue, 05 Sep 2023 11:33:56 +0000

Маркус Турам соноќа против Фиорентина тргна да слави со Лаутаро Мартинез како што тоа претходно го правеше Ромелу Лукаку, но Аргентинецот веднаш му кажа НЕ и порача дека повеќе така не слави погодоци. Лаутаро Мартинез и Ромелу Лукаку имаа одлична соработка во форот и свој препознатлив ритуал на славење погодоци. Па кога Маркус Турам синоќа против Фиорентина му асистираше на Аргентинецот, се обиде да ја копира прославата. Сепак, Лаутаро Мартинез веднаш му кажа НЕ, и по крајот на натпреварот порача дека повеќе така не слави погодоци. „Дали Турам ја копираше мојата прослава со Лукаку? Да, но јас повеќе така не славам погодоци“ - рече напаѓачот, кој исто така потврди дека повеќе не го следи фудбалерот од Белгија на социјалните мрежи. Тиквата помеѓу Ромелу Лукаку и Лаутаро Мартинез пукна летоска, кога голгетерот од Белгија не кренал телефон кога капитенот на Интер се обидувал да дознае дали се точни гласините за негови преговори во Јувентус и преселба во Торино.

Lautaro Martínez a Thuram: "No, no"

Esa celebración con el rifle que hacía con Lukaku quedó en el pasado.

A inventarse una nueva.pic.twitter.com/f7xy9f4kDU
— Raúl Zambrano Cabello (@RaulZambrano7) September 3, 2023

🚨 Lautaro: "Thuram tried to do my celebration with Lukaku? I don't celebrate like that anymore. Have I unfollowed Lukaku on social media? Thuram is a great player, like Arnautovic and Sanchez. I'm happy to play with them. Did I gloss over the question? Yes.” @dazngroup 🗣️🇦🇷 pic.twitter.com/0ubXfuhrbo
— All About Argentina 🛎🇦🇷 (@AlbicelesteTalk) September 3, 2023

Реал и Интер отвораат преговори за Лаутаро Мартинез

Ристе Здравков — Wed, 28 Jun 2023 14:06:07 +0000

Раководството на Реал Мадрид во наредните денови ќе се сретне со челниците на Интер за да разговараат за евентуален трансфер на Лаутаро Мартинез, пренесува „AC“. Шпанскиот медиум тврди дека Аргентинецот се смета за алтернатива на Килијан Мбапе доколку на „Сантијаго Бернабеу“ на крајот решат дека не можат да го обезбедат потписот на Французинот. „Кралевите“ имаат огромна потреба од централен напаѓач по заминувањето на Карим Бензема во Саудиска Арабија, кој и онака беше без сериозна алтернатива во текот на минатата сезона. Реал Мадрид досега успеа да го доведе Хоселу од Еспањол. Тој покажа добри голгетерски квалитети минатата сезона и постигна 16 гола на 34 натпревари во Ла Лига, иако неговиот тим испадна од елитата. Сепак, Карло Анчелоти инсистира на тоа дека Флорентино Перез мора да ангажира квалитетен напаѓач доколку сака тимот успешно да ги оствари високите цели на раководството. Килијан Мбапе останува цел број еден за нападот на тимот, но Реал има сериозни резерви дали да плати преку 150 милиони евра за играч кој за само една година ќе биде слободен агент.

Анчелоти го сака Лаутаро Мартинез на „Бернабеу“

Ристе Здравков — Sat, 17 Jun 2023 11:26:31 +0000

Реал Мадрид е во потрага по квалитетен напаѓач откако Карим Бензема го напушти „кралскиот клуб“ и потпиша за Ал-Итихад во Саудиска Арабија. Хари Кејн полека паѓа во втор план кај раководството на „кралевите“ поради преголемата отштета што ја бара Тотенхем, а прв пик на Карло Анчелоти е Лаутаро Мартинез, напаѓачот на Интер. Аргентинецот има уште две години од договорот со „нероаѕурите“, но заинтересиран е да се пресели во Реал Мадрид. Италијанските медиуми посочуваат дека Интер би се сложил на продажба доколку добие понуда од околу 80 милиони евра.

Лаутаро заплови во брачните води, најголемото име не се појави на спектакуларната свадба

Ристе Здравков — Tue, 30 May 2023 13:52:15 +0000

На десетти јуни, Интер ќе го игра натпреварот на сезоната во Истанбул и во финалето на Лигата на шампионите ќе се соочи со Манчестер Сити. Десетина дена пред тоа првиот напаѓач на тимот, Лаутаро Мартинез реши да се ожени, а големо внимание привлече списокот на гости на кој се најдоа многу фудбалски ѕвезди, но најпознатото име не се појави. Аргентинскиот напаѓач се ожени со убавата Агустина Гандолфо, со која е во врска со години, а заедно веќе имаат едно дете, а уште едно е на пат. Тие решија да ја крунисаат својата долгогодишна љубовна врска со незаборавна брачна церемонија одржана на езерото Комо. Италијанските медиуми пренесуваат дека имало над 120 гости, а посебно внимание привлекол еден детаљ.

Lautaro and Agustina! 💍 pic.twitter.com/mwia7sWmq2
— Inter Xtra (@Inter_Xtra) May 29, 2023

Лаутаро ги покани повеќето од своите соиграчи од Интер, вклучувајќи ги Един Џеко, Ромелу Лукаку, Стефан де Врај, Данило Д'Амброзио, Самир Хандановиќ, Хоакин Кореа, Роберто Гаљардини и потпретседателот Хавиер Занети. На венчавката присуствуваше и поранешниот играч на Интер, Ашраф Хакими, со кого Лаутаро остана во многу добри односи. Сепак, покрај сите ѕвезди кои ги видовме на венчавката на напаѓачот на Интер, отсуствуваше и доаѓањето на најпопуларниот Лионел Меси. Лаутаро го покани својот аргентински капитен на венчавката, а Меси се очекуваше да биде придружуван од сопругата Антонела, но тие на крајот не се појавија во Комо. Меси и Антонела веќе неколку дена се во Барселона, каде очигледно имаат многу поважни обврски од присуство на венчевката на Лаутаро и Гандолфо.

Лаутаро Мартинез останува во Интер

Бошко Тасиќ — Fri, 26 May 2023 04:34:21 +0000

Потпретседателот на италијанскиот фудбалски гигант Интер, Хавиер Занети, стави крај на сите дилеми околу клупската иднина на аргентинскиот интернационалец Лаутаро Мартинез. Најдобриот стрелец во дресот на „нероазурите“ важи за голема желба на раководните лица на Манчестер Јунајтед, Челзи и Баерн (М), но легендата на Интер испрати јасна порака дека Лаутаро ќе остане во Милано уште многу години.

Мартинез: Разочаран сум од поразот на Аргентина, ова многу болеше

Магдалена Андонова — Tue, 22 Nov 2022 12:43:55 +0000

Лаутаро Мартинез е разочаран по поразот на Аргентина во првиот натпревар на Светското првенство во 2022 година. – Загубивме поради грешките направени во вториот дел. Ваквите детали ја прават разликата. Мора да ги исправиме грешките. Требаше да постигнеме повеќе од еден гол во првото полувреме. Многу болно. Навистина сакавме да го започнеме Светското првенство со победа. Но, сето ова веќе се случи. Сега треба да тренираме и да размислиме што ни претстои. Ова е Светско првенство, па останатите два натпревара во групата за нас се две финалиња, изјави напаѓачот на аргентинската репрезентација по денешниот поразот од Саудиска Арабија (1:2). Во следниот натпревар на Светското првенство Аргентина ќе игра со Мексико на 26 ноември.

Два убави голови на Мартинез и Барела, за рутинска победа на Интер (ВИДЕО)

Ристе Здравков — Sun, 16 Oct 2022 12:47:17 +0000

Фудбалерите на Интер ја победија Салернитана со 2:0 (1:0) на својот „Џузепе Меаца“ во 10. коло од Серија А. Рутинска победа без, која можеше да биде и поубедлива, но и вака Симоне Инзаги ќе може да биде задоволен. По 14. минута навивачите кои беа околу 60.000 на стадионот во Милано за првпат станаа на нозе. Лаутаро шутираше од далечина и со „жаба“ го измами голманот Сепе. Асистираше Николо Барела кој ја доби наградата за добрата игра, во второто полувреме кога го постигна вториот гол за својот тим. Интер моментално е седми со 18 бодови, додека Салернитана е 12-ти со 10 бодови.

ПСЖ и Манчестер јунајтед во трка по Лаутаро Мартинез

Ристе Здравков — Sat, 15 Oct 2022 10:52:21 +0000

Според „Газета дело Спорт“, ПСЖ и Манчестер јунајтед се силно заинтересирани за напаѓачот на Интер, Лаутаро Мартинез. Лаутаро одигра одличен меч на Камп Ноу против Барселона и повторно ги активира шпекулациите за неговата иднина. Денешното издание на „Газета дело Спорт“ пишува дека и ПСЖ и Манчестер јунајтед го контактирале агентот на Лаутаро, Алехандро Камањо, тоа се случило брзо по мечот на Камп Ноу. Лаутаро засега не е заинтересиран за заминување од Интер, фокусиран е на италијанскиот клуб и на настапот на Светското првенство во Катар. ПСЖ ќе се обиде да го искористи пријателството на Меси за да го донесе Лаутаро, но тоа веројатно ќе има ефект само доколку Лео продолжи во францускиот клуб. Манчестер јунајтед сака сериозно засилување во нападот, Роналдо ја игра последната сезона таму, но е далеку од својата препознатлива форма.