лавчиња – Kurir.mk

ФОТО: Пораснаа трите лавчиња во Зоо Скопје, еве како изгледаат речиси 6 месеци по раѓањето

Ивона Петрова — Sat, 03 Sep 2022 11:53:25 +0000

Зоо Скопје објави на Фејсбук нови фотографии од трите лавици кои се родија пред шест месеци, а сликани од фотографот Горан Анастасовски. -Белите лавчиња Луна, Ана и Хана направија речиси шест месеци и секојдневно се забавуваат со детските игри како и сите други мали мачиња, пишуваат од Зоо Скопје. Инаку, од скопската зоолошка градина пред три месеци им дадоа можност на граѓаните да ги одберат имињата на лавчињата. По неколкудневните предлози, одлучено беше лавчињата да се викаат Луна, Ана и Хана, имиња кои биле најчести во предлозите.

ИЗБРАНИ ИМИЊАТА: Еве како се викаат лавчињата од Зоо- Скопје

Катерина Бојаџиева — Tue, 05 Jul 2022 07:17:41 +0000

Луна, Ана и Хана се имињата кои граѓаните ги избраа за трите лавчиња од скопската зоолошка. -Изминатите денови добивме над 3000 предлози за имиња на трите женски лавчиња во кутиите оставени пред влезот на зоолошката градина, но и на Фејсбук страниците на Скопје ЗОО и Град Скопје. Ви благодариме што бевте креативни и што придонесовте заеднички да ги одбереме имињата за овие три мали убавици. Внимателно ги прочитавме сите предлози и најголем број од нив беа за Луна, Ана и Хана. Да ни се живи и здрави и да не радуваат уште многу години, информираат од Зоолошка градина- Скопје.

Зоо Скопје: Предложете имиња за трите женски лавчиња кои се родија

Ивона Петрова — Mon, 27 Jun 2022 09:21:57 +0000

Посетителите на скопската Зоолошка градина од денеска ќе можат да даваат предлози за избор на имиња на трите нови женски лавчиња. Од денеска тие ќе бидат пуштени во надворешното живеалиште и посетителите за првпат ќе имаат можност да ги видат одблизу. Граѓаните, како што соопштија од Зоолошката, предлозите ќе може да ги ставаат во пластичните кутии кои се поставени на влезот на Зоолошката градина. Предлози ќе можат да се пишуваат и во коментар на објавата на фејсбук-страницата на Зоолошката градина, како и на објавата на фејсбук-страницата на Град Скопје. Анкетата за именување на малите лавици ќе трае една недела, а во текот на следната недела одбраните имиња ќе бидат и јавно објавени. По повеќе од 20 години, во март годинава во скопската Зоолошка градина се родија три лавчиња. Лавчињата, како што посочуваат од Зоолошката, одлично напредуваат под будното око на вработените кои со професионалност и внимание се грижат мајката и малите да се безбедни и да ги имаат сите потребни услови. – Лавчињата ја примија и првата вакцина, како превентивна мерка во ветеринарната заштита на здравјето на животните, се вели во соопштението.

ФОТО: Трите лавчиња ја примија првата вакцина- еве кога ќе можат да ги видат посетителите

Катерина Бојаџиева — Fri, 13 May 2022 12:05:20 +0000

Трите лавчиња ја примија првата вакцина, информираат од скопската Зоолошка градина. -Една од превентивните мерки во ветеринарната заштита на здравјето на животните е вакцинацијата. Лавчињата ги вакциниравме против три вирусни болести: панлеукопенија, вирусен ринотрахеит и калцивирус. Првите денови по вакцинацијата стекнуваат имунитет против овие болести, па пожелно е да се затворени. Согласно протоколот за вакцинација во првата недела од јуни следува ревакцинација за истите болести, кога ќе примат и вакцина за беснило. Тогаш ќе бидат и поголеми и посетителите ќе можат да ги видат, додаваат од Зоо- Скопје.

СЛАТКА ГОЗБА: Бебињата лавчиња прв пат јадат месо во ЗОО Скопје (ВИДЕО)

Ивана Ефремовски — Thu, 14 Apr 2022 16:39:28 +0000

Пред повеќе од еден месец, во скопската зоолошка градина се родија бебиња лавчиња. Тие сега малку пораснаа и ќе бидат вистинска радост за посетителите. Денес го изедоа својот прв оброк - месо. Директорот на скопската зоолошка, Кристијан Стаменов, објави видео од овие моменти на уживање за малите лавчиња. Погледнете како се “гостат“ тие.

Најслаткото нешто кое ќе го видите денес: Еве како изгледаат бебињата лавчиња во скопската зоолошка градина (ФОТО)

Ивана Ефремовски — Thu, 31 Mar 2022 11:19:53 +0000

Пред нецел месец, во скопската зоолошка градина се родија бебиња лавчиња. Тие малку пораснаа и ќе бидат вистинска радост за посетителите. „На 24 дена од раѓањето, лавчињата одлично напредуваат. Бела е одлична мајка и грижливо ги чува“, посочува директорот на ЗОО Скопје, Кристијан Стаменов. Фотографиите се авторско дело на Горан Анастасовски.