Лавов – Kurir.mk

Русите ноќеска гаѓале енергетски постројки во Украина, утрово напад на Лавов

Катерина Бојаџиева — Thu, 16 Feb 2023 07:59:02 +0000

Пратеникот во украинскиот Парламент, Олексиј Гончаренко соопшти дека Русија извршила голем напад во текот на ноќта. - Истрелаа 32 проектили кон енергетските постројки. 16 проектили беа соборени од одбранбените сили, напиша Гончаренко на социјалните мрежи. Украинската армија потврди дека во текот на ноќта и рано утрово соборила 16 руски ракети. Гончаренко додаде дека 22 проектили сепак стигнале до целта. - Немаме оружје да ги собориме, нагласи тој. Утрово е погодена и важна инфраструктура во Лавов, соопшти регионалниот воен претставник Максим Козицки. Повредени нема, а пожарот кој избувнал веќе е изгаснат.

Руски напад во регионот на Лавов – погодена воена инфраструктура

Ивана Ефремовски — Sun, 15 May 2022 07:56:52 +0000

Гувернерот на украинскиот регион Лавов, Максим Козицки на Телеграм објави дека во утринскиот напад на руските сили погодена е воена инфраструктура. Тој наведе дека сè уште нема информации за евентуални жртви во нападот. Се утврдува степенот на уништувањето, посочи Козицки. (МИА)

ВИДЕО: Анџелина Џоли стигна во Украина, снимена во кафуле во Лавов

Ивона Петрова — Sat, 30 Apr 2022 17:34:47 +0000

Холивудската актерка Анџелина Џоли која е и амбасадор на канцеларијата на високиот комесаријат за бегалци на Обединетите нации (УНХЦР) денеска била снимена во украинскиот град Лавов. Како што пренесуваат украинските медиуми, Џоли била забележана во кафуле во Лавов. Актерката од самиот почеток на војната во Украина апелира на мир и го акцентира страдањето на бегалците. -Мојот фокус заедно со колегите од УНХЦР е да направиме се што е можно да обезбедиме заштита и почитување на основните човекови права на бегалците, напиша Џоли на почетокот на руската инвазија над Украина.

⚡️ Actress and filmmaker Angelina Jolie was spotted at a cafe in western Ukrainian city of Lviv on April 30.
Jolie is a special envoy for the United Nations High Commissioner for Refugees. Video: Maya Pidhoretska via Facebook. pic.twitter.com/CBtR4HBMNR — The Kyiv Independent (@KyivIndependent) April 30, 2022

Во Лавов прогласен полициски час

Дарко Андоновски — Sat, 23 Apr 2022 11:47:34 +0000

Во Лавов е прогласен полициски час по добиени нови разузнавачки информации. Регионалниот гувернер Максим Козицкиј како причина за воведувањето на полицискиот час ги наведе новите разузнавачки информации, но не прецизираше за какви информации станува збор. Полицискиот час започнува денеска и ќе трае од 23 до 5 часот наутро до понатамошно известување.

Козицки: При нападот врз Лавов загинаа седум луѓе, меѓу кои и едно дете

Ивона Петрова — Mon, 18 Apr 2022 11:29:40 +0000

Регионалниот гувернер Максим Козицки изјави дека ракетите врз Лавов се истрелани од авион од правецот на Касписко Море, при што загинаа седум луѓе, меѓу кои и едно дете. Козицки истакна дека врз Лавов се истрелани четири ракети, при што се погодени три магацини и една автомеханичарска работилница. Тој претходно изјави дека при нападот е „тешко оштетена“ воената инфраструктура.

Експлозии во Киев, Лавов, Днепропетровск, има и жртви

Тале Кристо — Mon, 18 Apr 2022 08:38:15 +0000

Властите во регионите на Лавов и на Днепропетровск денеска информираа за повеќекратни експлозии, јави Хина. Шестмина се убиени, а осум лица се ранети во Лавов, откако проектили утрово погодија воени објекти и пункт за сервисирање на автомобилски гуми во западниот украински град, тврди регионалниот гувернер Максим Козицки, јави Би-Би-Си. Има и дете меѓу загинатите, додаде тој. Јури Сак, еден од советниците на украинскиот министер за одбрана, кој се наоѓа во западна Украина, во изјава за Би-Би-Си раскажа за нападите врз Лавов. – Тоа што се случи денеска е многу вознемирувачки и алармантно, станува збор за многу силен ракетен напад на цивилната инфраструктура, изјави тој за Би-Би-Си Радио 4, додавајќи дека нема официјални податоци за жртви и штета, а нема ни да има, со цел да не ѝ се дава информации на Русија што е погодено. Како што пишува медиумот Суспилне, две лица се ранети во нападите во Днепропетровск. Хина пишува дека репортер на Ројтерс слушнал низа експлозии на левиот брег на реката Днепар. Локалните власти засега немаат дадено информации околу овии експлозии.

Градоначалникот на Лавов: Руските сили извршија воздушен напад врз градот

Ивана Ефремовски — Sat, 26 Mar 2022 16:35:20 +0000

Лавов, најголемиот град во западна Украина, денеска беше цел на руски воздушен напад, соопшти градоначалникот на градот, кој не даде дополнителни детали за нападот. Градоначалникот Андриј Садовиј рече дека чека информации од воената администрација, во објава на Телеграм. Тој ги повика луѓето да останат во засолништата за воздушни напади и да се воздржат од споделување фотографии или видеа од нападот. Дописникот на Си-Ен-Ен од Лавов потврди дека имало три експлозии во градот. (МИА)

ДЕТАЛИ ЗА НАПАДОТ: Неколку ракети ја погодиле фабриката за авиони кај западниот украински град Лавов

Ивана Ефремовски — Fri, 18 Mar 2022 07:50:36 +0000

Неколку ракети утринава ја погодиле фабриката за поправка на авиони во украинскиот град Лавов, во западниот дел на земјата. Градоначалникот Андриј Садовиј соопшти дека нема жртви во нападот, а уништена е фабричката зграда така што работниот процес е во прекин. Според воени извори, нападот е извршен со ракети „Кх-55“ лансирани од тешки стратешки бомбардери. Со такво оружје во неделата беше нападната и воената база во близина на Јаворив, во западниот дел на Украина. Садовиј претходно рече дека руска ракета ја погодила областа во близина на аеродромот, но оти самиот аеродром не е погоден. Украинската „Телевизија 24“ јави дека утрово најмалку три силни експлозии се регистрирани во градот Лавов. (МИА)

Русија ги продолжува нападите, експлозии во Лавов

Ивона Петрова — Fri, 18 Mar 2022 06:18:03 +0000

Со нови експлозии започна 23 ден од руската инвазија над Украина. Утринава болбардиран е Лавов, а гадските власти тврдат дека со проектил е погоден аеродром. Медиумите јавуваат дека забележан е чад како се издигнува во близина на аеродромот кој е одалечен на околу 6 километри од центарот на градот. Најмалку три експлозии се слушнале по шест часот утринава заедно со сирени за воздушен напад кои одекнувале низ улиците. Телевизиската станица Украина24 обајви кратко видео на Телеграм за кое се гледа голем чад.

The fire continues in #Lviv, an air raid alert is heard. Reported already about 4 explosions #UkraineUnderAttack 😔🙏🇺🇦 pic.twitter.com/qc0bz8NvvI
— Ukraineinpictures (@UkrainePicture) March 18, 2022

BREAKING: Explosion in Lviv, Western Ukraine #UkraineRussianWar pic.twitter.com/lSBSLPbkCC
— Yalda Hakim (@BBCYaldaHakim) March 18, 2022

Расте бројот на жртви: Најмалку 35 загинати и 134 повредени во рускиот воздушен напад во близина на Лавов

Ивона Петрова — Sun, 13 Mar 2022 12:17:31 +0000

Најмалку 35 лица загинаа, а 134 се ранети во нападот на руските сили врз воениот комплекс во близина на Лавов во западна Украина, соопшти гувернерот на регионалните воени власти Максим Козицки. Тој претходно рече дека руските сили истрелале повеќе од 30 крстаречки ракети кон воениот полигон Јаворив. Претходниот биланс беше девет загинати и 57 ранети. Центарот за воена обука се наоѓа на околу 50 километри југозападно од Лавов и на околу 25 километри од границата со Полска. Во последните години служел како полигон за обука на украинските сили под надзор на странски инструктори, претежно американски и канадски. Украинскиот министер за одбрана Олексеј Резников претходно изјави дека во објектот работеле и странски воени инструктори, но не е јасно дали некој од нив бил во базата кога се случил нападот.