лавови – Kurir.mk

ПАНИКА ВО СИДНЕЈ: Пет лавови избегале од својот кафез во зоолошка, еве каде се најдени

Ивана Ефремовски — Wed, 02 Nov 2022 08:54:45 +0000

Зоолошката градина „Таронга“ во Сиднеј, Австралија, соопшти дека пет лава – еден возрасен и четири младенчиња, коишто побегнале од својот ограден простор, биле пронајдени близу нивниот кафез со опасност да отидат каде што не треба во самата градина. Зоолошката беше привремено затворена заради безбедност. „Зоолошката градина има строги безбедносни протоколи за ваков инцидент и веднаш беше преземена акција. Редовно спроведуваме вежби за да се осигураме дека сме подготвени. Сите луѓе кои се најдоа на местото беа преместени на безбедно. Инаку, четири од лавовите мирно се вратија во своите живеалишта, а едно младенче беше безбедно успиено. Младенчето сега е будно и добро“, се вели во соопштението на Зоолошката. Се истражува како животните го напуштиле својот ограден простор, но состојбата сега е под контрола. (МИА)

Лавови во Хрватска се заразиле со коронавирус

Ивана Ефремовски — Wed, 24 Nov 2021 20:08:54 +0000

Лавови во Зоолошката градина во Загреб се заразени со коронавирусот. Тие се заразиле од чуварот кој се грижел за нив, пишуваат медиуми во регионот. На лавовите им е земен брис од носот и двата имаат симптоми на болеста. Сега се тестираат и други животни со кои бил во контакт чуварот. Во Европа имаше повеќе случаи на заразени животни.

Лавови и горила позитивни на коронавирус во Зоо Прага

Ивона Петрова — Sat, 27 Feb 2021 15:15:14 +0000

Горила и два лавови од Зоолошката градина во Прага се позитивни на коронавирус, објави директорот. -Утврдено е дека лавовите Џамван и Суши, како и горилата Ричард се позитивни на коронавирус. Симпромите им се благи, кашлаат, а Ричард е изморен и го изгуби апетитет, напишал директорот на Зоолошката градина, Мирослав Бобек. Директорот додал дека животните најверојатно се заразиле преку вработените и најавил дека и останатите животни ќе бидат тестирани.

Вработена во австралиска Зоолошка градина нападната од два лава

Ивана Ефремовски — Fri, 29 May 2020 09:45:28 +0000

Во Зоолошка градина во Австралија, два лава нападнале жена која го чистела затворениот простор, нанесувајќи и сериозни гребаници на главата и вратот. Вработената во зоолошката градина Шолхавен, во близина на Сиднеј, по нападот, веднаш била пренесена во болница. Лекарите соопштија дека жената првично била во критична состојба, но успеале да ја стабилизираат нејзината состојба. Од јавниот телевизиски оператор АБЦ истакнаа дека истата Зоолошка градина некогаш била сцена на напад на диво животно врз посетител. Во 2014 година, еден вработен бил влечен во езерото од скоро четириметарски крокодил пред околу 60 посетители. Крокодилот само полесно го повреди човекот, а денешниот инцидент го истражува полицијата. Поради пандемијата на новиот коронавирс, од 25 март Зоолошката градина е забранета за посетители.

Луѓето во изолација, лавовите уживаат во мир и тишина (ФОТО)

Ивана Ефремовски — Sat, 18 Apr 2020 15:01:42 +0000

Животните низ светот уживаат во слободата што им ја донесе повлекувањето на луѓето поради коронавирусот. Би-би-си објави фотографии од најголемиот национален парк во Јужноафриканската Република, Кругер Парк, на која се гледа како лавовите уживаат во мирот и непречено од туристите што доаѓаат тука на фото сафари.

Kruger visitors that tourists do not normally see. #SALockdown This lion pride are usually resident on Kempiana Contractual Park, an area Kruger tourists do not see. This afternoon they were lying on the tar road just outside of Orpen Rest Camp. ?Section Ranger Richard Sowry pic.twitter.com/jFUBAWvmsA
— Kruger National Park (@SANParksKNP) April 15, 2020

Жестока битка за живот меѓу предатори: Три лавови нападнаа крокодил, потоа почна масакр (ВИДЕО)

Ивана Ефремовски — Mon, 25 Feb 2019 07:59:37 +0000

Оние кои одат на Сафари, знаат дека секогаш мора да бидат внимателни, бидејќи дивите животни се непредвидливи. Сепак, група туристи не очекувале дека ќе присуствуваат на вистински масакр меѓу предатори. Всушност, еден крокодил се обидел да се приближи до пленот на лавовите, но паднал во вистинска заседа. За тоа дека лавовите не опростуваат обид за крадење на пленот, може да сами да се уверите, гледајќи го видеото.

Дневен хороскоп: Овој хороскопски знак да избегнува кавги со саканата личност, а еве што ги очекува лавовите

Дарко Андоновски — Wed, 30 Jan 2019 07:28:40 +0000

ОВЕН Работa: Може да очекувате мал конфликт со работните соработници денеска. Можни се некои непријатни околности. Љубов: Се чувствувате осамено и потребни ви се промени на љубовно поле. Здравје: Чувајте ги бубрезите и посетете лекар поради контрола. БИК Работа: Имате многу обврски пред себе во текот на денешниот ден, па правилна организација ви е многу важна. Љубов: Ако сакате да дојдете до некои нови познанства, важно е повеќе да се посветите на друштво. Здравје: Ослабен имунитет. БЛИЗНАЦИ Работа: Можно е да имате компликации на работен план. Пред вас се проблеми кои нема да можете сами да ги решите. Љубов: Сосема неочекувано ќе ве сретне вашата стара симпатија. Ќе ви се разбудат емоции. Здравје: Мали проблеми со аритмија. РАК Работа: Денешниот ден на некој начин може да ви биде тежок, па немојте сега да почнувате нови работи. Љубов: Саканата личност често ве нервира поради навиките кои ги има. Се чини дека малку повеќе нагло носите одлуки. Здравје: Немојте да се изложувате на голем напор. ЛАВ Работа: Ќе го остварите она кое што ќе го сакате на работното поле и тоа без поголеми компликации. Пред вас е генерално поволен ден. Љубов: Не сте сигурни како да ги прифатите промените кои ги приметувате кај вашиот партнер. Здравје: Чувствителен кардиоваскуларен систем. ДЕВИЦА Работа: Очекувајте стабилизација по ова поле. Поволен ден да поттикнете решавање на некои важни прашања. Љубов: Потребно ви е повеќе разбирање од страна на партнерот. Понекогаш имате впечаток дека недостасува поддршка. Здравје: Проблеми со стомакот. ВАГА Работа: Проблемите кои сте ги имале на работа ќе успеете да ги решите многу лесно отколку порано. Поволен ви е денот. Љубов: Важно е на саканата личност да и покажете дека ќе и пружите доволно трпение и разбирање. Здравје: Болки во грлото. ШКОРПИЈА Работа: Ќе добиете прилив на пари денеска. Ве очекува можност и да завршите некои важни работни разговори. Љубов: Ситуацијата помеѓу вас и саканата личност не е онаква каква што сакате. Здравје: Засилен апетит. СТРЕЛЕЦ Работа: Ако добро се потрудите, ќе успеете да остварите подобрување на околностите. Љубов: Можно е на некој начин да сте се оддалечиле од партнерот, но и натаму се сакате. Здравје: Проблеми со вртоглавица. ЈАРЕЦ Работа: Наскоро ќе ви се отвори шанса да склопите некое партнерство кое ќе биде значајно за вас. Љубов: Можно е емоциите да ве влечат назад, кон некоја личност од минатото. Здравје: Можни проблеми со несоница. ВОДОЛИЈА Работа: Добивате она што сте очекувале и задоволни сте од околностите на полето работа. Не очекувајте проблеми. Љубов: Одлично се сложувате и немате проблеми со комуникацијата со партнерот. Здравје: Земајте повеќе витамини и минерали. РИБИ Работа: Ќе се потрудите да се посветите на работата, иако можеби денеска не сте многу расположени. Љубов: Избегнувајте кавги со саканата личност затоа што може да завршат неочекувано лошо за вас. Здравје: Чувствителни сте и здравјето ви е лошо.

Што ги очекува Лавовите во 2019?

Ристе Здравков — Thu, 27 Dec 2018 13:14:37 +0000

Нивниот живот секогаш е полн со динамика. Тие се еден од најмоќните знаци во хороскопот. Лавовите се еднакво огнени и во љубовта и во војната. Во 2019, тие ќе почувствуваат налет на ентузијазам кој ќе направи да се чувствувате посебни и моќни, но и ќе ве натера брзо да ги завршувате работите и постојано да се борите за нешто ново. Во љубовта, 2019 носи многу топлина и страст, правејќи ве многу енергични како на физичко, така и на умствено ниво. Ако сте родители, обрнете внимание на своите деца во периодот меѓу април и август. Постојат шанси многу да патувате и да трошите пари, но внимавајте да не се расправате со другите за парите, особено со браќата и сестрите. Среќата ќе биде на ваша страна. Можеби ќе го завршите реновирањето кое го планирате или ќе си купите нов стан. Ќе се чувствувате добро бидејќи финансиски 2019 година ќе биде подобра од 2018. Обрнете внимание на здравјето, бидејќи иако не ве очекуваат посериозни здравствени проблеми, сепак превенцијата е најважна. Потрудете се да имате контрола над емоциите врзани за љубомората и посесивноста. Морате да научите да го контролирате тоа. Во однос на кариерата, оваа година ќе ги соберете плодовите од својот успех. Вредните Лавови можат да очекуваат зголемување на заработувачката и бенефиции. Периодот меѓу мај и јули ќе ви донесе мир на работното место. Севкупно, 2019 ќе биде одлична година кога станува збор за кариерата. Лавовите се родени лидери и ќе го покажат тоа и оваа година.

Полицаецот кој беше пронајден мртов бил член на единицата „Лавови“ и учесник во воениот конфликт

Курир — Sat, 21 Jul 2018 12:51:58 +0000

Надлежен јавен обвинител од Основното јавно обвинителство Прилеп со екипа од крим-техника при ПС Прилеп, изврши увид на местото во близина на локалниот пат село Беловодица-село Дрен, каде вчера попладне беше пронајден мртов 45-годишен полициски службеник вработен во Полициска станица во Прилеп. Како што информираат од Основното јавно обвинителство, лицето е пронајдено во лежечка положба до неговото возило, со прострелна рана во главата и службениот пиштол во раката. Притоа јавниот обвинител издал наредба за подигање на предмети и траги кои можат да послужат како доказ и наредба за обдукција врз телото на починатиот заради утврдување на причините за смртта. -Извори на 1ТВ брифираат дека се работи за самоубиство. Службеникот бил вработен во единицата „Лавови“ и како што дознаваме учествувал во конфликтот во 2001 година. Нашите извори велат дека полицискиот службеник бил на боледување последниве неколку месеци бидејќи имал нарушена психофизичка здравствена состојба, објави телевизијата.