лазањи – Kurir.mk

РЕЦЕПТ ЗА ЛАЗАЊИ! Никогаш поедноставно и повкусно!

Ристе Здравков — Wed, 13 Sep 2023 07:28:24 +0000

СОСТОЈКИ: 1 пакетче лазањи 500гр мелено месо 200гр рендан кашкавал 1 глава кромид 1‑2дл масло 3 чешниња лук 3 дл доматен сос оригано магдонос црн пипер вегета 1 дл бешамел сос ПОДГОТОВКА: Исечкајте го кромидот и ставете го да се пржи во тавче со загреано масло. Ставете на оган тенџере со солена вода. Откако водата ќе започне да врие, додајте ги лазањите да се варат. Кога кромидот ќе добие златна боја, во тавчето додајте го и меленото месо. Постојано мешајте. Откако месото ќе ја промени својата боја, во тавчето додајте ги и доматниот сос, лукот, ориганото, магдоносот, пиперот и вегетата и пржете додека не ја добиете посакуваната густина. Во добиената смеса додајте го сосот бешамел. Откако ќе ги сварите лазањите, земете тава за печење, премачкајте ја со масло и наредете еден ред лазањи. Над нив ставете од смесата со мелено месо и рендан кашкавал, па потоа пак ред од лазањите. Постапката се повторува додека не ги наридете сите лазањи. Најгорниот слој треба да биде со лазањи. Врз него ставете го остатокот од ренданиот кашкавал. Ставете ја тавата во рерна и печете 30 минути на температура од 200°С.

„Не излегоа лоши, но…“: Неколку детали кои ќе ни помогнат да стигнеме до совршени лазањи

Ристе Здравков — Fri, 24 Mar 2023 14:35:47 +0000

Сите сакаме лазањи, дури се осмелуваме и самите да ги направиме, но секогаш има нешто што ја прави да не биде совршена. Тестото е тврдо или неварено или воопшто не се чувствува, филот е премногу или го нема или има доволно, но средината е „чудна“… Во секој случај, цврсто веруваме дека – штом ќе се одлучите за сложената задача за подготовка на лазањи, која трае долго и има сто чекори – треба да бидете наградени со совршен резултат. Затоа собравме неколку совети од експерти и мајстори за лазањи. Сите овие се всушност мали нешта, од кои повеќето веројатно веќе ги знаете, но можеби ќе откриете некој детал што сте го пропуштиле. За тестото… Ако правите сами тестенини (со среќа!) или користите свежи купени тестенини – сварете ги листовите во вода со малку масло, ставете по еден лист во топла вода. Ако користите сушени листови од лиснато тесто купени во продавница, од клучно значење е ниту еден дел од тестото да не остане непокриен од филот. Едноставно нема да омекне. Исто така, за време на печењето намокрете ги ќошевите на лазањите за да не останат суви. Две-три работи за филот… Не штедете на филот, но и не претерувајте. Лазањите мора да имаат јасни слоеви во пресек, но тие не се како манџа и тестенините не смеат да го преземат вкусот. Од истата причина, иако бешамелот е одличен, не претерувајте. Ако има премногу, може целосно да ја уништи текстурата на лазањите. Колку е покремаст филот, толку подобро. Исечкајте ги и зеленчукот и месото колку што можете повеќе… Преголемите парчиња ќе го расипат изгледот на сечењето, но и вкусот. Исто така, не ризикувајте со неварениот зеленчук во филот. Гответе го или барем бланширајте го. За печењето Половина од времето печете ги лазањите покриени со алуминиумска фолија и втората половина крај непокриени. На овој начин ќе избегнете неиспечена средина, а сепак ќе добиете убаво заруменета површина. Но, има повеќе! Отстранете ја хартијата за печење веднаш штом се испечат лазањите. Ако не ја отстраните, ќе се навлажни и ќе ви го уништи долниот слој од тестото. Уште подобро, воопшто не користете хартија за печење, туку подмачкајте го плехот за печење. Оставете ги лазањите да отстојат, не ги јадете топли. Верувале или не, следниот ден ќе имаат подобар вкус.

ЛАЗАЊА СО СПАНАЌ: Идеално јадење доколку ви се прави ручек без месо!

Ристе Здравков — Mon, 13 Mar 2023 09:34:59 +0000

Ви треба: – 1 пакување лазања – 400 гр свеж или замрзнат спанаќ – 250 гр крем сирење – 200 гр рендано сирење За сосот: – 50 гр путер – 2 лажици брашно – 1/2 л млеко – сол, бибер – морско оревче Подготовка: Во растопениот путер пропржете го брашното и со жица сипете го топлото млеко додека не добиете мазна смеса. Кога ќе почне да врие, тргнете го од оган. Во врелиот сос измешајте го крем сирењето, зачинете и изрендајте го мускатното оревче. Во плех подмачкан со путер наредете ред лазањи, ред спанаќ, посипете со сол и бибер, па ставете ред бешамел сос и ред рендано сирење. Завршете го садот со слој лазања, бешамел и рендано сирење. Треба да има отприлика вкупно четири слоја. Се пече во загреана рерна на 200 степени околу 25 минути.

Супер брзи лазања ролни (РЕЦЕПТ)

Ристе Здравков — Wed, 09 Nov 2022 11:58:00 +0000

Полнети, па прелиени, италијански специјалитет на балкански начин кој се подготвува многу брзо. Лазањи се типично италијанско јадење кое се прави со готови кори, а се филува со месо и бешамел. Со овој рецепт пробајте малку поинаква верзија со шунка и кашкавал која се витка во ролни и се прелива со јајце и павлака. Лесно се подготвува, а е вкусно јадење кое ќе ги воодушеви сите. Потребни состојки: 1 пакување кори за лазањи 1 јајце 150 гр шунка 150 гр сув врат 150 гр кашкавал 200 гр кисела павлака кечап малку рендан кашкавал масло Подготовка: Лазањите сварете ги и потоа ставете ги малку во ладна вода. Извадете ги од водата па ставете ги на крпа за да се впие вишокот вода. Јајцето изматете го додавајќи павлака, па добро промешајте. На лист лазања ставете две лажички од добиениот фил. Ставете два листа шунка како и сув врат, потоа два листа кашкавал и малку кечап. Над нив додатете малку изматена повалата па виткајте ги во ролна. Огноотпорниот сад подмачкајте го со масло, па наредете ги ролните. Остатокот од павлака премачкајте го над ролните. Наредете и малку кашкавал. Печете на 200°C околу 40 минути за убаво да зарумени. Послужете додека е топло.

Рецепт за лазања со СПАНАЌ и СИРЕЊЕ: Лесна и БРЗА вечера која ќе ја ОБОЖАВАТЕ

Ристе Здравков — Wed, 17 Aug 2022 14:47:20 +0000

Совршена комбинација на вкусови Состојки: 400 гр спанаќ во брикети (може да биде свеж, но треба да го обарите во врела вода пет минути) 500 гр ситно сирење половина лажичка сол Бешамел сос: 100 мл масло две полни лажици брашно 500 мл млеко 100 мл вода половина лажичка сол прстофат бибер прстофат мускатно оревче 250 гр гауда сирење и 500 гр кори за лазања Подготовка: Одмрзнете ги брикетите спанаќ и исцедете ги. Додадете сирење и сол и измешајте сè. Во помала тава загрејте масло, додадете брашно и пропржете на средна температура додека малку не порумени. Истурете млеко и додадете зачини и варете додека не се згусне сосот. Не треба да биде „редовно“ густ, туку за нијанса потенок. За тоа искористете 100 мл вода за регулирање на густината. Вклучете ја рерната да се загрее до 200 степени. На дното на керамички или огноотпорен сад ставете малку сос, ред тесто, 1/4 од кашкавалот и спанаќот и сè премачкајте со малку сос. Наредете вака во 4 реда, измеѓу во два реда изрендајте го кашкавалот. Оставете малку сирење за да имате одозгора. За тој последен ред, од преливот, го мешате сосот што ви остана со спанаќот и кашкавалот и го премачкувате по целата последна кора, па посипете со остатокот од сирењето. Откинете парче алуминиумска фолија и премачкајте ја едната страна со масло, а потоа ставете ја до лазањите. Така печете 40 минути, извадете ја фолијата и печете додека не порумени.

Лазањи со пилешко месо: Неверојатно едноставни, а сочни и вкусни

Ристе Здравков — Fri, 08 Apr 2022 06:04:28 +0000

Лазањите се италијанско јадење кое многумина го сакаат, но и избегнуваат да го подготвуваат бидејќи бара трпение и подготовка на бешамел сос, што за некои домаќинки претставува губење на време. Меѓутоа, и за тоа постои решение - ви претставуваме рецепт за лазањи со пилешко месо кои се подготвуваат лесно, а се повкусни и посочни од оние направени по веќе добропознатите рецепти. Потребни состојки: - 1 пакување кори за лазањи - 300 гр. пилешко бело месо - 300 мл. неутрална павлака - 200 мл. кисела павлака - 2 моркови - 200 гр. трапист кашкавал - 100 мл. кечап - сол, црн бибер, оригано Начин на подготовка: 1. Пилешкото месо исечкајте го на коцки, изрендајте ги морковите и сето тоа зачинете го по вкус. 2. Динстајте на масло 5 минути. 3. Пропрженото пилешко месо прелијте го со 200 мл. неутрална павлака која сте ја помешале со кисела павлака и оставете да се крчка додека не се згусне. Остатокот од неутралната павлака оставете го за подоцна. 4. Премачкајте огноотпорен правоаголен сад со масло и ставете кори на дното. 5. Врз нив ставете го филот од пилешко месо и павлака, додајте малку кечап врз него и повторувајте ја постапката додека не го потрошите сиот материјал. 6. На врвот ставете го остатокот од неутралната павлака и додајте го изренданиот трапист кашкавал. 7. Прекријте го садот со алуминиумска фолија и печете 45 минути во рерна загреана на 200 степени. 8. Потоа, тргнете ја фолијата и печете уште 5 минути за кашкавалот да добие златножолта боја.

Рецепт за посни лазања со спанаќ: Јадење во кое ќе ужива целото семејство

Магдалена Андонова — Fri, 01 Apr 2022 11:53:17 +0000

Лазањите станаа едно од омилените италијански јадења на нашите простори. Сочниот месен сос помеѓу неколку редови тенко тесто навистина му дава на јадењето неодолив вкус. Добрата вест е што можат да се направат и во посна варијанта, а подеднакво добар е и вкусот. Јадење кое е заситено, воедно и вкусно, ќе ги воодушеви стомаците на вашите драги луѓе. Состојки: 1 пакување лазањи (500 гр) 400 гр спанаќ 500 мл сојно млеко или било кое друго растително млеко по избор 50 гр брашно маслиново масло 2 средни главици кромид 4 чешниња лук 500 мл доматен сос сол, бибер сушен босилек свеж босилек за декорација Подготовка: На маслиново масло и малку вода пропржете ситно сечкан кромид. Потопете ги снегулките од соја и оставете да отстојат околу половина час. Во кромидот додадете соја и сè измешајте, а потоа додадете две чешниња мелени лук. Во оваа смеса ставете свеж или замрзнат спанаќ и сок од домати и оставете малку да се динста. Зачинете сè по вкус. На малку маслиново масло пропржете две чешниња лук, додадете брашно уште малку да се пржи, па на млаз сипете растително млеко и сварете бешамел. Зачинете по вкус. Дното на садот за печење намачкајте го со маслиново масло, ставете ја кората за лазањи, ред фил од спанаќ, прелијте со бешамел сосот и така додека го имате материјалот. Последната кора прелијте ја со сок од домати. Готовите лазањи оставете ги малку да се изладат, па исечете ги на парчиња со саканата големина и послужете. Послужете со свежи листови босилек.

Мрзелива лазања: Ручек готов за 20 минути – за подготовка ви се потребни само четири состојки!

Ристе Здравков — Wed, 23 Mar 2022 12:25:37 +0000

Идеално вторничко решение за ручек - во кој ќе ужива целото семејство. Состојки: - 1 кесичка замрзнати равиоли (полнети со сирење, месо или печурки); - 250мл. сос од домати или сос за тестенини, по избор; - 150гр. рендано сирење моцарела; - малку сув босилек. Подготовка: Загрејте ја рерната на 180 степени. Во огноотпорен сад истурете малку доматен сос. Наредете ред равиоли, сос од домати и парчиња сирење. Потоа повторете го процесот. Одозгора посипете со сув босилек. Печете додека сирењето не се растопи и сосот не зоврие, околу 15-20 минути. На здравје!

3 пати повкусни отколку оригиналниот рецепт: Рецепт за совршени лазањи со зеленчук и сирење!

Ристе Здравков — Thu, 10 Feb 2022 16:59:28 +0000

Иако мислењето дека татковината на лазањите е италијанскиот град Болоња, всушност претходник на лазањите е античко јадење кое датира од античка Грција. Кога Римјаните ја окупирале Грција, околу 146 п.н.е., тие го усвоиле локалното знаење, култура и храна. Ви носиме рецепт за совршена вегетаријанска лазања во која ќе ужива целото семејство. Состојки: 2 лажици маслиново масло 2 главици кромид 1 пиперка 2 чешниња лук 100 гр спанаќ 200 гр варен грав 300 гр свежа кора за лазања 4 лажици пармезан сол и бибер 1 конзерва излупени домати Подготовка: На маслиново масло пропржете сечкан кромид и пиперка, а потоа додадете ситно сечкан лук. На крај додадете ги гравот, спанаќот и излупените домати и динстајте 10 минути и зачинете. Подготвениот плех за лазањи намачкајте го со малку масло и наредете ред кори, ред филови и завршете со филот и посипете со пармезан. Печете ги лазањите во загреана рерна на 190 степени околу 45 минути.

Рецепт за едноставни лазањи со пилешко: Без многу труд до вкусен оброк

Ристе Здравков — Fri, 24 Dec 2021 11:39:48 +0000

Многумина го обожаваат овој италијански специјалитет На многумина им се допаѓа ова италијанско јадење, но и избегнуваат да го подготвуваат бидејќи бара трпение и подготовка на бешамел сос, што за некои домаќинки е губење време. Сепак, и за тоа има решение – ви носиме рецепт за лазањи со пилешко кои лесно ќе ги подготвите, а се повкусни и посочни од оние направени по веќе познати рецепти. Состојки: 1 пакување кори за лазањи кои не се арат 300 гр полешко бело месо 300 мл неутрална павлака 200 мл кисела павлака 2 моркови 200 гр кашкавал Сол, вегета 100 мл кечап Масло Подготовка: Пилешкото исечкајте го на коцки, изрендајте го морковот и зачинете по вкус. Зачинетото пилешко пропржете го на масло пет минути. Потоа прелијте го со 200 мл неутрална павлака измешана со кисела павлака и оставете да се крчка додека не се згусне. Остатокот од неутралната павлака оставете го за подоцна. Правоаголен огноотпорен сад премачкајте со масло и наредете го првиот ред лазањи. Над кората се става филот со пилешко и павлака, се прелева со малку кечап и се повторува процесот додека не го потрошите целиот материјал. Одозгора прелијте го остатокот од неутралната павлака и обилно посипете со рендан кашкавал, а по желба додадете малку кечап. Покријте ја тавата со алуминиумска фолија и печете 45 минути во загреана рерна на 200 степени. Потоа извадете ја фолијата и печете уште пет минути за да се запече коричка. Послужете топло.