лазар еленовски – Kurir.mk

Еленовски по одговорот на СЕП: Неверојатно ниво на некомпетентност и ароганција

Ивона Петрова — Fri, 12 Mar 2021 09:43:32 +0000

Амбасадорот на Македонија во Белгија, Лазар Еленовски, се огласи преку социјалните мрежи по одговорот на Секретаријатот за европски прашања дека земјава не добила помош од ЕУ, зашто квалитетно и навремено менаџирала со финансиите во здравствениот сектор. -Неверојатно ниво на некомпетентност и ароганција во време на незапамтена светска здравствена криза, пишува Еленовски на Фејсбук. Европската комисија вчера ја соопшти листата од 17 земји членки на ЕУ, плус 3 кандидати (Албанија, Србија, Црна Гора) кои треба да добијат помош од вкупно 530 милиони евра за да ги покријат трошоците за медицинска и заштитна опрема, превенција, следење и контрола на ширењето на болеста. Македонија не е на листата.

Еленовски: Не сум изненаден од ветото на Бугарија, туку од поведението односот и деградирањето на националните интереси од Заев и владата

Магдалена Андонова — Sat, 26 Dec 2020 20:03:29 +0000

Во вечерашниот дневник на Сител телевизија во „тема на денот“ гостуваше поранешниот министер за одбрана Лазар Еленовски кој што кажа дека ветото од Бугарската страна не го изненадува но изненаден е од односот и поведението на нашите претставници и премиерот Зоран Заев во однос на деградирање на националните интереси. - Би сакал да потсетам дека ова не е прво вето од Бугарија ние што го добиваме, значи ние го добивме ветото 2012 од Влада на Борисов исто така првата негова влада меѓутоа тогаш беше на некој начин поддршка на Грчкото вето ако се сеќавате 2012 не блокира Бугарја, во тој момент јас бев амбасадор во Белгија имав одлични релации со мојот бугарски колега и едноставно тоа беше големиот шок, не можевме да веруваме, разочарувањето беше преголемо. А денеска од Бугарска страна не ме изненадува барем мене не знам за останатите, истакна Еленовски Поранешниот министер за одбрана Еленовски истакна дека е изненаден од односот и поведението на нашите претставници и премиерот Зоран Заев во однос на деградирање на националните интереси во преговорите со Бугарија. - Тоа што не изненадува и тоа што на некој нечин не вознемири ако може така да се каже е нашата страна нашите легитимни претставници во тие преговори со Бугарија. Грешката се лоцира на еден начин во поведението за кое што власта односно конкретно премиерот Заев сметаат дека овој предмет на еден начин може да се разреши, на тој начин на кој што го сфатија посебно мислам дека посебно скандалозното интервју за жал на премиерот за БГНЕС најблаго ќе кажам дека беше навистина срамно и недостоинствено за премиер на држава кој што лицитираше со нашите национални вредности, нагласи Еленовски Во однос на менувањето на ставовите на премиерот Зоран Заев пред и по интервјуто за БГНЕС, Еленовски рече дека тоа е чисто од политички причини и огромен притисок од јавноста. - Ретерирањето мислам дека може да се согласиме беше чисто од политички причини бидејќи огромна беше реакцијата на јавноста што мораше да се ретерира, меѓутоа и самото ретерирање е симптом едноставно дека недоволно искрено се влегува во целата работа, не може дијаметрално спротивни ставови да искажувате во однос на три дена, вие сепак сте премиер, работите за оваа држава, се очекува од вас поголема сериозност и стабилност пред се и искреност, заклучи Еленовски

Владата на Спасовски го разреши Лазе Еленовски

Љупчо Цветаноски — Wed, 27 May 2020 10:12:52 +0000

Владата го разреши Лазе Еленовски како специјален претставник за интегрирање на Македонија во НАТО во Брисел. Поранешниот министер за одбрана беше избран од оваа Влада со поддршка од ДУИ во февруари 2018 на таа функција. Ваквата одлука Владата ја донела на седницата на 19. мај, а решението за неговото разрешување е објавено во вчерашниот Службен весник.

Еленовски претходно беше амбасадор во Брисел.

Лазар Еленовски назначен за специјален пратеник на Владата на РМ во НАТО

Ивана Ефремовски — Tue, 27 Feb 2018 20:04:05 +0000

Владата денеска на 56. седница го назначи Лазар Еленовски за специјален пратеник за НАТО интеграции во Брисел.

На денешната владина седница беа отповикани неколку конзули на Република Македонија, Ричард Голдман, Џејсон Мико, Томас Танеф, Ендру Димитри Пејкоф, Лоу Влашо, како и Пуршотам Карамангала Џајарам.

Владата го именуваше Бујар Дарлишта за в.д. директор на Управата за водење на матични книги.