Лазар Јовески – Kurir.mk

Јовески: Синдикатите се разединети со помош на Владата и вработените се оставени сами на себе, затоа им се кршат правата

Тале Кристо — Tue, 09 May 2023 17:23:21 +0000

Денес за жал за македонскиот работник важи онаа „угоре високо, удолу длабоко“, тоа важи и за јавниот и за бизнис секторот. Во јавниот сектор освен ниските примaња вработените се соочуваа со мобинг, притисоци, преместување од работните места, откази бидејќи некој не му се допаднал некому. Во бизнис секторот работодавачите се оставени сами на себе и во тој случај најчесто проблемите паѓаат на грб на вработените и тие се соочуваат со незaконски откази и други девијантни појави, рече Лазар Јовески, претседател на Комисијата за труд и социјална политика ВМРО-ДПМНЕ на трибината во организација на партијата насловена како Социјални политики против осиромашувањето и сиромаштијата што се одржува во Тетово во рамки на кампањата Ова е Македонија за сите. Според него сиромаштијата не е главен проблем за заминување, за отселување, но се повеќе гледаме и анализираме дека разочараноста од состојбата во државата е клучна. „Синдикатите се разединети и тоа е помогнато од Владата согласно начелото „раздели па владеј“ и вработените се оставени сами на себе и кога е така работниците се тие кои се онеправдани, бидејќи од друга страна има посилен субјект и ви се кршат правата“, рече Јовески. Јовески укажа дека партијата има решение и одговор за оваа ситуација. „Во ВМРО-ДПМНЕ ги знаеме овие проблеми и со посветеност заедно со лидерот Христијан Мицкоски ве уверувам имаме решение за овие проблеми. Тие се решаваат со посветена и чесна работа, така може да се надминат овие проблеми“, заклучи Јовески.

Јовески: Синдикатите треба да бидат вклучени во рамките на системот на определување на плати, вака државата сака да стави буквално контрола во однос на системот на плати

Тале Кристо — Tue, 04 Apr 2023 19:20:14 +0000

„Во делот на јавниот сектор државата сака да стави буквално контрола и надзор во однос на системот на плати односно се што е поврзано до плати, со надоместоци на плати, додатоци на плати и други парични примања и давања да биде директно, координирано, насочено, организирано преку алатките на државата односно нејзините органи. Овој модел е својствен за некои системи кои што се наше минато односно во социјалистичкиот период, комунистичките начини на размислувања за тоа како треба платата да се уреди и како таа треба да се дели на работниците. Но, во рамките на пазарната економија, во капитализмот, платата е флексибилна категорија и таа зависи не само од волјата на државата, да државата може да стави одредена рамка, системска, каде што ги дава контурите во кој дел треба да се движат социјалните партнери. Но, Колективниот договор според мене најдобро би можело да се уреди со колективни договори“, истакна професорот Лазар Јовески во гостување во емисијата „За или против“. „Проблемот со колективни договори во Македонија е што не се склучуваат, а оние кои што се склучени не се почитуваат. Имаме проблем со примената на сублементацијата на колективните договори. И сега гледајќи дека со колективни договори не можеме да го решиме проблемот или се обидуваме но не е како што сакаме, се оди во друга крајност, во друг екстрем да се уреди тоа со државна интервенција, со државните алатки, каде што државата ќе биде таа што ќе одлучува од прво до последно што ќе се случува со платите. Значи зборувам за јавниот сектор“, појасни тој. Тој посочи дека тоа е погрешно решение во основа, затоа што е чекор назад. Потребна е социјална свест и зрелост да се остави простор и во јавниот сектор, покрај бизнис секторот, синдикатите да бидат вклучени во рамките на системот на определување на плати. Не може да се исклучат вработените.

Јовески: Невработените немаат волја активно да се вклучат во пазар на труд за ниска плата, тие мигрираат или работат во сива зона

Тале Кристо — Tue, 04 Apr 2023 19:14:18 +0000

„Многу голем дел од оние кои што заминуваат од Македонија одат со тенденција повеќе да не се вратат односно одат со цел еден заминува, а потоа се обидува што повеќе членови од потесното или поширокото семејство да ги повлече. Тоа е едниот аспект кој што влијае на пазарот на трудот. А, другиот аспект е да се повеќе да јавната администрација губи од работници и тоа губи квалитетни работници. И сето ова влијае на намалување, минимално, но од квартал во квартал се намалува по некој процент невработеноста во Македонија. И тука треба да бидеме свесни дека не станува збор за реално раздвижување на економските процеси во земјата кои што акумулираат работна сила од онаа база на невработени, над 100.000 луѓе кои што се потенцијални кандидати за вработување“, истакна професорот Лазар Јовески во гостување во емисијата „За или против“. Јовески додаде дека во Македонија има околу 30-тина проценти сива економија. И тоа е многу висока бројка особено за економија каква што има Македонија. Значи дел од тие невработени веќе работат во таа некоја сива зона кои што се ангажирани со договори, авторски договори итн. „Покрај миграцијата на работната сила, покрај сивата економија, ние во Македонија имаме стареење на население. И немаме оној природен раст на населението. И тоа е проблем во цела Европа“, рече Јовески. Тој посочи дека Македонија реално се соочува со недостаток на работна сила. „И дел од оние кои што се невработени немаат волја, немаат интерес, не сакаат иако се водат како невработени активно да се вклучат во пазар на труд односно да се вработат за ниска плата“, нагласи Јовески. Тој укажа дека државата нема економски потенцијали кои што ќе ги мотивира невработените да се вработат.

Јовески: Ако проектот за Коридорите 8 и 10Д е испреплеткан во афери, тоа ќе е дополнителен стимул Македонците да размислуваат уште повеќе за заминување од државата

Тале Кристо — Tue, 04 Apr 2023 18:49:01 +0000

„Овие проекти можат да значат раздвижување, но ќе знаат единствено раздвижување на економијата, на ангажирање на работна сила и сл. ако тоа се направи како што треба“, истакна професорот Лазар Јовески во гостување во емисијата „За или против“ говорејќи за Коридорот 8 и 10Д. Јовески додаде дека ако се злоупотреби проектот и на крај се излезе со афери, тогаш дефинитивно Македонија ќе има проблем бидејќи ќе значи уште едно разочарување на македонските граѓани. И ако се злоупотреби проектот и е испрелеткан во афери ќе е дополнителен уште еден стимул граѓаните да размислуваат да си заминат од Македонија. „Уште не започнал проектот веќе гледаме дека има одредени проблеми, предизвици кои што стојат пред проектот“. „Мојот стручен професионален аспект и размислување е што ќе се случи во рамките на работните односи во однос на кои луѓе ќе работат, нели актуелни беа прашањата и со увоз на работна сила, дали ќе бидат македонските градежници вклучени во работниот однос или ќе бидат странци“, истакна професорот Јовески. Јовески запраша дали ги има потребните работници во рамки на пазар на труд во Македонија . „Зошто го дозволивме ова? Зарем немавме и тоа како развиена градежна индустрија. Голем број на работници имавме, а денес работат по европските земји. Почнувајќи од регионот па се до западноевропските и скандинавските земји. Дали можевме поинаку“, запраша Јовески.

Јовески: Во центарот на креирањето на политиките треба да биде човекот затоа што и тие малку што ги имаме ја напуштаат Македонија

Ивана Ефремовски — Sun, 02 Apr 2023 16:01:24 +0000

Професорот Лазар Јовески, претседател на Комисијата за труд и социјална политика на ВМРО-ДПМНЕ во денешната емисија „Детектор“ на телевизија Сител каде што се презентираа и анализираа резултатите од последната нивна анкета за јавната администрација кои што покажуваат и превработеност на администрацијата и неазоволни државни службеници кои ја напуштаат службата, но и незадоволни корисници на услугите од државните институции. При неговото гостување, Јовески исткна дека, човекот мора да биде во центарот при изготвување или имплементирање на било какви реформи, па и тие во јавната администрација затоа што Македонија нема премногу човечки потенција, а и тие малку луѓе што ги имаме, си замина од државата, затоа што за ефикасна и ефективна државна адимистрација не потребно само повисока плата за работниците, туку и вреднување, почитување и вклучување на работникот во работните и одлучувачките тимови од страна на надредениот во институцијата. „Зошто ние не работиме со талентите во ниту една сфера во Македонија, вклучително и со оние луѓе кои што се во одредени установи, министерства, организации во јавниот сектор, дали имаме вистински пристап во однос на оние луѓе кои што поинаку мислат од нас, дали ги ставаме приоритно во тимовите на одлучување, креирање на политики во одредена државна институција или ги маргинализираме, ги дискриминираме или им даваме отказ, затоа што само малку поинаку размислуваат од нас. Дали ние вистински се посветуваме на вложување во луѓето, во кадарот. Наградата на луѓето со плата е само еден сегмет, не е се во парите, не велам дека е мала работа, условите за работа и тоа како се битни, но и почитта е битна. Меѓу колегијалната соработка, уважувањето од раководителот на останатите нивоа во рамките на самата хиерархија и субординација во државниот орган и установата. Сето ова е нешто кое што во моментов недостасува во јавниот сектор, особено во одредени државни институции во Македонија и тоа не го кажувам на памет, тоа го кажувам на линија на анализа, на линија на укажувања од страна кои што ни даваат едфна многу јасна слика. Па и извештајот од Европската комија во ниту еден аспект ние немаме вистинска критика во однос на неквалитетни норми, туку секогаш и во изминатите години, критиката од ЕК оди во насока на имплементација на веќе постоечките одредби и норми“, истакна Јовески. Посочи дека и идеален закон за раководна јавна служба или за административни слижбеници или за вработени во јавен сектор, не може да ги решиме овие суштински проблеми, законот не го решева суштинскиот проблем, а тоа е да сакаме ние да имаме ефикасна и функционална државна администација во Македонија која што ќе биде задоволна од тоа каде што е позиционирана, за да може да изпорача квалитетна услуга која што ќе влијае на високото задоволство на примателот на услугата, односно на граѓаните. „И малку треба во овој дел посуштински да размислиме, бидејќи ниту новото законодавство, кое што ќе се креира, од кого и да се креира, ниту дигитализацијата, ниту автоматски покачување на платите на вработените ќе имплицира автоматски подобрување на услугите. Мора да се работи со луѓето, човекот мора да биде во центарот, Македонија е земја која што нема премногу човечки потенцијали, нашите луѓе, и онака малку на број, си одат од државата и тука е нашата суштинска, по мене стратешка, грешка во стратешкото планирање и развој на човечките потенцијали во Македонија, особено во јавниот сектор каде што ни одат луѓе. Веќе ќе нема луѓе ниту законите да ги креира, анализите да ги прави за да ги испорачува до Влада за одат до Собрание“, укажа Јовески. Посочува дека за да имаме професионална државна јавна администрација и професионален административен службеник потребни се повеќе работи, но две се суштински, едната е неговата стручност, а втората е неговиот карактер и тоа го гради професионалниот однос.