Лазар Јовевски – Kurir.mk

Билет во еден правец – зошто има иселување од Македонија? Проф. д-р Јовевски со искрени одговори: Сè уште се соочуваме со корупција, недоверба во судскиот систем и нетраспарентност

Магдалена Андонова — Fri, 04 Nov 2022 12:32:04 +0000

Еден од најголемите проблеми во земјава со години несомнено е иселувањето на народот. Младите во земјава се во апатија и разочарани, нивното масовно иселување па и на луѓе постари и од секоја возраст е несопирлив процес на кој и не му се гледа крајот. Македонскиот граѓанин се повеќе е незадоволен од своето место во државата. Од 2017-та до денес нагло пораснал бројот на лица со македонски пасош што добиле дозвола за престој во земјите на ЕУ и на ЕЕА. Овие бројки веројатно се многу поголеми, зaтоа што во нив не се содржани лицата од Македонија со бугарски и други пасоши, како ни тие што илегално престојуваат во земјите на ЕУ и ЕЕА. Имаме висок степен на младинско незадоволство во врска со тоа како државните власти се грижат за оваа категорија на луѓе и имаме огромна дискрапанца меѓу кои можности и потреби ги имаат младите на локално и на централно ниво. Билет во еден правец – изрека која стана се почесто употребувана помеѓу македонските граѓани во Република Македонија. Полни авиони за Хрватска, Германија, Малта, Швајцарија, и Белгија. Се прашуваме зошто? Ниски примања? Непотизмот во вработувањата? Можност за напредок во кариерата? За оваа тема разговаравме со Лазар Јовевски, професор по трудово право на Правниот факултет Јустинијан Први при УКИМ во Скопје. Прашан за тоа кои се причините за масовното иселување од Македонија и како овој тренд во иднина би можел да се спречи, професорот Јовевски отворено проговори дека бројот на млади кои се имаат отселено е многу поголем од бројот во податоците од последниот попис, бидејќи како што вели тој не ја прикажуваат реалната слика.

-Стојам на ставот дека отселувањето не се случува само поради подобар живот. Проблемот е системски и се случува децениски поради разочараност од системските нефункционалности, односно поради невладеење на правото, сигурноста во општеството, како и во културните промени. Од друга страна пак, младите се најголемата група невработени во земјата, дискриминирани се и при вработување и при напредувањето во работата. Сетам дека е потребно да инвестираме во младите и тоа во повеќе аспекти, со цел да се овозможи вклучување на младите на пазарот на трудот и во образованието, како и политики на задржување на младите.

Професорот посочи дека образованието е темелот на кој се изградуваат генерациите, затоа неопходно е да се почне од него, за да се променат суштински состојбите.

-Конечно, треба да го промениме и пристапот кон многу нешта, вклучително и кон себеси, односно свесно да го корегираме менталитетот и досегашниот начин на размислување, констатира тој.

Факт е дека покрај младите, голем број и на возрасни лица од различен профил на занимање се поинтезивно си заминуваат од Македонија. Тоа допридонесува до создавање на една состојба, поточно доаѓа до длабок дефицит од работници. Го прашавме проф. Д-р Лазар како тој гледате на овој проблем, дали можеби знае каков тип на работници најмногу недостасуваат во Македонија и што предвидува ваквата ситуација за иднината на нашата земја?

- Апсолутно заминуваат од земјава луѓе од разни генерации, но пак ќе повторам дека причината ја гледам во општата атмосфера на несигурност и нестабилност на земјата, односно невладеење на правото. Постои општо незадоволство поради нефункционирање на целокупниот систем. Сè уште се соочуваме со корупција, недоверба во судскиот систем, нетранспарентност, бариери не само за влез на пазарот на труд туку и во многу други сфери, реторика која не дава позитивна перспектива, креирање очекувања дека „нè чека уште потешко време“, и притоа не гледаме дека некој се грижи да се подобрат состојбите. Луѓето не се иселуваат зашто во странство очекуваат „мед и млеко“, туку мислам дека поголема причина е тешкотијата на живеењето која е создадена изминативе години.

Во врска со тоа каков тип на работници се иселува најмногу тој рече се работи за секаков тип работиници- и со високо образование, квалификуван кадар, и физички работници, смета дека овде нема конкретен тренд.

- Едноставно, ми се чини како да секој само гледа да „избега“ од сето ова, што е навистина тажно. Познавам луѓе кои во странство работат и неугледни работи, но се позадоволни отколку да работат овд па макар и на подобра позиција, посочи Јовевски.

На крај како професор по Трудово право кој е засегнат за оваа тема прашан за негово мислењето каде го гледа решението за излез од ваквата криза, тој категорично истакна:

- Системски, коренити промени. Преосмислување на политиките, таргетирање, стратешко планирање со визија најмалку 10 години пред нас. Краткорочни мерки нема да дадат резултати на подолг рок. Ние практично имаме куќа која е нефункционална и треба да се обнови од темел до кров, ситни поправки како „боење ѕидови“ не го решаваат проблемот. Но најбитно од се е промена на начинот како размислуваме и како делуваме. Тоа е глевен предизвик денес пред македонското општество!

М.А.

Јовевски: Работниците се соочуваат со предизвици и искушенија, власта врши мобинг, притисоци и дели откази, лошите политики оставија илјадници граѓани на улица

Катерина Бојаџиева — Tue, 06 Jul 2021 19:00:54 +0000

„Македонија за сите“ е визија да создадеме место каде сите ќе живееме достоинствено и среќно. Ние како граѓани на оваа земја имаме одговорност да ја направиме Македонија таква држава, бидејќи трудовите и социјалните прашања се прашања кои допираат до секој од нас, а ова што го прави оваа власт по однос на тие прашања или го прави површно или половично и за жал нема ни среднорочни ни долгорочни ефекти, изјави д-р Лазар Јовевски од ВМРО-ДПМНЕ, на денешната трибина посветена на труд и социјална политика. Јовевски истакна дека Законот за социјална заштита има премногу слабости, додека што се однесува на работните односи во моментов со оваа власт на СДСМ работниците се соочуваат со притисоци, мобинг, откази и разни дискриминации особено партиска. - Кога се креира политика која не дава плод не може упорно да се турка, како Законот за социјална заштита е една од приоритетните работи. Ние ги детектиравме и слабостите и веќе работиме. Што се однесува до работните односи, вработените се соочуваат со голем број на проблеми, предизвици и искушенија на работно место, мобинг, откази, притисоци. Во нашите политики ќе влезе тоа дека сите носители на јавни функции кога ќе даваат отказ или ќе прераспределат работник, два пати да размислат бидејќи ако го изгубат спорот со вработениот кога ќе тужи, ќе платат од сопствен џеб, а не од институцијата. Секој што се згрешил во однос на правата и обврските кои што ги има ќе мора да понесе одговорност. Ќе мора да понесе одговорност ако се огрешил согласно Законот за работни односи, Закон за административни службеници, и останатите Закони во Македонија, нагласи Јовевски. Јовевски посочи дека лесно е да се збори, граѓаните се изнаслушаа се и сешто низ годините наназад, веќе не се знае што е вистина што е лага кога говори оваа власт. - Луѓето кои ќе ја водат оваа држава мора да имаат кредибилитет и како личности. Се изнагледав луѓе кои што знаат право ама го злоупотребуваат правото благодарение на нивното знаење. Во делот на работните односи тоа е еклатантно видливо. И тука целите се Закон за работни односи кој што ќе има избалансиран пристап во однос на заштитата на правата на работниците но и на работодавачите да им се овозможи платформа и основа за развој на бизнисот, и за нови вработувања. Се покажа дека политиките поврзани со КОВИД-19 не дадоа плод. Пред два дена излегуваат информации за кои што предупредувавме уште во април месец, во мај минатата година дека овие политики за зачувување на овие работни места не се адекватни, појасни Јовевски. Јовевски заклучи дека лошите политики на власта оставија илјадници граѓани на улица и неколку илјади затворени фирми.

Јовевски: Граѓаните и стопанството сметаат дека оваа влада нема визија и план како да се надмине ковид кризата

Катерина Бојаџиева — Wed, 14 Apr 2021 17:53:54 +0000

Лазар Јовевски, универзитетски професор и советник во ВМРО-ДПМНЕ во своето гостување во емисијата „24 Анализа“ зборуваше за целата состојба во која се наоѓа државата и посочи дека голем број на граѓани и стопанственици сметаат дека оваа влада нема визија, план и цели како да се справи со ковид кризата. -Има многу параметри кои покажуваат дека имаме еден голем економски пад во државата. Имаме зголемување на невработеноста, имаме пад во економијата во минус 4.5 и така натаму. Општиот впечаток кај граѓаните, кај работодавачите ви го кажуввам тоа од прва рака затоа што секој ден имам контакт со нив. Еве имаме проблем, дали можеме да го решиме заеднички. Како да се реши овој проблем, како да направиме да не се губат работни места, дали имате ли визија, план цели за тоа. Впечатокот е дека немате план и визија а и колку побрзо го сватите тоа ќе биде подобро за економијата и за граѓаните во нашата земја, рече Јовевски во своето гостување. Јовевски во текот на своето гостување посочи дека поради ниски плати, невладеење на правото и ред други незадоволства од страна на власта голем број граѓани си заминуваат од државата. Луѓето не си заминуваат од Македонија само заради ниски плати, туку заради невладеење на право и ред други незадоволства.Дали знаете вие дека вчера и денеска еден автобус со македонски туристички работници кои што ургираат да се вакцинираат се подготвува и ќе одат за Хрватска. Ова е еден пример за отселување од Македонија и барање спас надвор од државата, додаде тој во своето гостување.

Јовевски: Петтиот пакет на мерки се задоцнети, работодавците алудираа на итна финансиска неповратна помош

Дарко Андоновски — Wed, 14 Apr 2021 17:21:49 +0000

Лазар Јовевски, универзитетски професор и советник во ВМРО-ДПМНЕ во своето гостување во емисијата „24 Анализа“ зборуваше за петтиот пакет на мерки поврзани со ковид кризата и посочи дека според него овие мерки се задоцнети од страна на власта. -Доколку овој мубает го правевме ова време минатата година ќе можев со задоволство да кажев дека овој пакет на мерки ветува, меѓутоа тоа било во април 2020 година, сега сме април 2021 година, имаме историјат на одредени економски резултатите во текот на 2020 година и имаме одредена акутна состојба која треба да ја решаваме. Како и да е се соочуваме со еден период во кој ние од аналитичка призма се соочуваме со многу прашања и со многу дилеми. Од самиот премиер се постави дека има 860 милиони евра кои што ќе се употребени генерално до сега, потоа имавме изјава дека се над милијарда вклучени во стопанството, потоа Битиќи рече дека околу 350 милиони евра се вбризгани во стопанството во изминатиот период за да во одредено соопштение на СДСМ видовме дека станува збор за 704 милиони евра. Сакам да поентирам дека овие 160 милиони евра кои што сега се планираат да се внесат во стопанството е знак прашање дали тие ќе се внесат. Можат да констатирам дека овие мерки се задоцнети, рече Јовевски во своето гостување. Јовевски во врска со надминување на кризата посочи дека работодавците алудирале дека им е потребна итна финасиска неповратна помош се со цел да се зачуват работните места и да опстанат компниите. -Власта имаше прилика да ги слушне мислењата на стопанствениците, на работодавачите и тоа на кое се алудира од страна на работодавачите дека им е потребна итна финансиска неповратна помош во однос на сочувување на работните места и опстанокот на компаниите, рече Јовевски во своето гостување.

Јовевски: Ќе воведеме рамен данок и ќе го стимулираме бизнисот, платите ќе се покачуваат за 25 проценти, а пензиите за 20 проценти

Дарко Андоновски — Thu, 02 Jul 2020 19:12:50 +0000

-Мерките беа ненавремени, нецелисходни и не ефикасни во одредена смисла и контрадикторни. Се задоцни со носењето на мерките и премногу се чекаше, самите работодавачи, но и вработените и синдикатите укажуваат дека ефектот кој што го имаат е многу краток и не е тој очекуван ефектот кој што го очекуваше стопанството и синдикатите, изјави професорот Лазар Јовевски еден од стратешките соработници на претседателот на ВМРО-ДПМНЕ Христијан Мицкоски во вклучување во дневникот на ТВ Сител за мерките на актуелната влада за справување од економската и здравствената криза. Јовевски истакна дека мерката на владата за доделување на ваучер за годишните одмори на лица со најниски примања е збунувачка мерка бидејќи како што рече тој се стимулираат луѓе со најниски примања да одат на одмор кога знаеме дека тие имаат проблем со подмирување на животните трошоци. -Одредени мерки се навистина збунувачки како на пример ваучерот за годишните одмори каде што се стимулираат најниските платежно способни граѓани да одат на одмор кога знаеме дека тие имаат проблеми со делот на подмирување на животните трошоци, егзистенцијални. Така што делот за годишен одмор е навистина малку чуден, инаку мерките требаше да одат во насока да се всушност стимулира бизнис секторот да не отпушта работни места, а не да отпушта, рече тој. Според Јовевски третиот сет економски мерки на владата требало да го стимулира бизнис секторот со директни финансиски инјекции за да не дојде до отпуштања на работниците од работните места, но како што рече тој ние го добивме сосема спротивните резултати кои што се денеска видливи. Ако ги гледаме целиот сет на мерки, а особено третиот сет на мерки тие во себе имаат одреден социјална компонента односно аспект кој што е во делот да ги санира последиците кои што се случија, а тоа е отпуштањето на работниците од работните места. Требаше да биде сосема поинаку, сосема спротивно барем според мене а тоа е да во делот на бизнис секторот со директни финансиски инјекции се стимулира бизнис секторот да не дојде во фаза да се отпуштаат работниците од работните места, а го добивме сосема спротивниот сет на мерки сосема спротивните резултати кои што се денеска видливи, вели Јовевски. На прашањето што ќе направи ВМРО-ДПМНЕ за да се справи со падот на економијата и со невработеноста доколку ја формира владата Јовевски посочи дека фокусот на изготвување на проектот Обнова за Македонија е токму и тоа спречување на последиците и во делот на здравствената и економската криза, односно како што рече тој се предвидуваат сет на економски мерки кои што значат ребаланс на буџетот со кратење на сите средства за непродуктивни трошоци и насочување на дел од финансиските средства од буџетот во делот на капиталните инвестиции, но и воведување на рамниот данок и финансиска инјекција се со цел да се раздвижи економијата. -Во тој дел се изготвија голем број на проекти во чие изготвување учествуваа голем број на експерти од самата партија, но и над партиски експерти од кои и јас и можам да кажам дека фокусот на тоа беше на спречување на последиците и во делот на санирање на последиците од ова што се случува сега како здравствена и економска криза. И се предвидуваат сет на мерки меѓу кои најнапред, веднаш би требало да се направи еден ребаланс на буџетот со кратење на сите непродуктивни и непотребни трошоци и насочување на дел од финансиските средства во буџетот во делот на капиталните инвестиции. -Понатаму воведувањето на рамниот данок кој што ќе го стимулира бизнис секторот, вложување во одредени сектори како што е градежништвото кое што ќе треба под итно со директни финансиски инјекции да се стимулира раздвижувањето во економијата и тоа на краток рок зборуваме за неколку месеци. А што се однесува пак оној преоден период зборуваме за летот период до рана есен, некаде септември се изготвија сет на мерки кои што ќе мора сега да бидат одговор на овие мерки кои што претходно ги донесе владата, а тоа е воведување на финансиска помош за оние кои што остана без работа од 200 евра, за оние кои што се со минимални примања од 100 евра, за оние кои што не беа опфатени со владините мерки до сега од 150 евра. -Многу важна мерка е укинувањето на обврската да фирмите доколку остварат профит до крајот на годината да враќаат 50 проценти од средствата кои што до сега ги земаа како помош од страна на државата. Значи тоа ќе се укине воопшто и тука самата финансиска помош ќе треба да биде буквално еден вид на неповратна помош од страна на бизнис секторот, објасни Јовевски. На прашањето како ВМРО-ДПМНЕ ќе ја реализира мерката зголемување на платата за 25 проценти, Јовевски истакна дека тоа е можно со добра економска програма, економска платформа и директни инвестиции во првите 100 дена. -Со добра економска програма, со добра економска платформа, со директни инвестиции во првите 100 дена од три огромни мултинационални компании кои што ќе донесат свежи пари во бизнис секторот, но и нови работни места, со заживување на економијата во третиот и четвртиот квартал кои што ќе овозможат од следниот период а тоа е веќе од следната година да реално зборуваме за покачување на пензиите значи сукцесивно да почнеме веќе од следната година со најмалку 5 проценти а 20 проценти за овие 4 години, платите за 25 проценти. Во јавниот сектор мора да се почитуваат колективните договори, а особено они кои што ги потпишала државата бидејќи со нивното почитување веднаш значи дека платите ќе растат пред се во образованието, вели Јовевски.

Јовевски: Третиот сет мерки уште не е донесен, вториот сет мерки на Владата не е целосно имплементиран

Ристе Здравков — Thu, 21 May 2020 20:20:21 +0000

Владата доцни со мерките за помош на стопанството, третиот сет мерки уште не е донесен со уредби, а вториот каска со практичната имплементација истакна професорот Лазар Јовевски во дебатната емисија „А што не е јасно“. Бројките кои професорот ги посочи за погодениот број на компании во Македонија се застрашувачки, според него 90 проценти од микро претпријатијата се диреткно погодени, односно 80 проценти од сите правни субјекти во Македонија се погодени од кризата која е резултат на пандемијата на коронавирусот. -Бројките покажуваат нешто поинаку вие ги споменавте малите и средни препртијатија, микро претпријатија, 90 проценти од микро претпријатијата се погодени директно и не се знае колку од нив ќе преживеат на есен кога ќе се преброиме. Колку останале од тие претпријатија? Всушност околу 80 проценти од компаниите генерално во Македонија, од правните субјекти зборувам на сите нивоа се погодени од кризата. Од друга страна всушност се задолжуваме 1.7 милијарди евра од кои што 1.25 милијарди евра се задолжуваме од надворешни извори, а околу 500 милиони евра треба да се задолжиме за да го пополниме овој дефицит во буџетот кој што ќе треба да имплицира одредена санација на проблемите од домашни извори. 44 проценти од фирмите затворија во месец април и сега се обидуваат да рестартираат нешто во мај доколку можат, но гледаме дека бројот расте и денес на новозаразени и навистина е неблагодарно да се очекува од понеделник вторник дека ќе има некое рестартиранје, повторно во секторот на угостителство и туризам.

Професорот Јовевски: Требаше да се превземат мерки на време, наместо да ги сочуваме работните места, ние сега нудиме помош на оние кои останале без работа

Ристе Здравков — Thu, 21 May 2020 19:51:46 +0000

Професорот Лазар Јовевски во гостувањето во емисијата „Што не е јасно“ на телевизија Алфа истакна дека требаше да се превземат мерки за помош на стопанството и економијата пред два месеци посочувајќи дека сегашните мерки се социјални. Тој потенцираше дека сегашните мерки се за помош на оние граѓани кои ги загубиле работните места, а не за сочувување на работните места во Македонија, она што требаше да се направи на прво место. -Потенцирам уште еднаш суштината е или беше, бидејќи веќе зборуваме со една временска дистанца од 2 месеца, можеби и повеќе каде што во овој период ние требаше да го искористиме моментот да го поддржиме стопанството. Поконкретно со одредени финансиски инекции кои ќе значеа во одредена смисла според мене една поинаква финансиска помош по директна каде што во одредени мерки, одредени акции кои што требаше да бидат на линија на невраќање на средства без одредени услови кои што всушност се предвидоа за да на крајот од денот имаме сочувани работни места. Ние сега со третиот сет на мерки зборуваме за пакет на помош за граѓаните кои што веќе ја изгубиле работата, вели Јовевски.

Јовевски: Подгответе се за економска криза поголема од онаа во 2008/2009 година

Дарко Андоновски — Fri, 27 Mar 2020 19:41:56 +0000

Професорот Лазар Јовевски предупредува на криза поголема од онаа во 2008/2009 година. Уште пред 11 дена предупредив за носење на итни и ефикасни економски и финансиски мерки (а не сум единствен), меѓу кои и предложив 18 мерки кои мислам дека ќе помогнат за спас на економијата и сочувување на работните места, а СЕ УШТЕ нема НИКАКВА РЕАКЦИЈА од надлежните органи и власти во Македонија. Зошто...???? Наместо тоа гледаме збунетост, некоординираност и преземање на 4 мерки кои се толку млаки, што немаат никаков ефект. Се поставува прашањето ШТО ТОГАШ И КАКО ПОНАТАМУ? АКО ОВОЈ НАЧИН НА (НЕ)СПРАВУВАЊЕ СО ЕКОНОМСКИТЕ последици од Корона кризата продолжи и во следните денови, треба да СЕ ПОДГОТВИМЕ за ЕКОНОМСКА КРИЗА поголема од онаа во 2008/2009 година. Во АПРИЛ МЕСЕЦ допрва ЌЕ СЕ ВИДАТ НЕГАТИВНИТЕ АСПЕКТИ од НЕ ПРЕЗЕМАЊЕТО на ниту една сериозна мерка за спас на економијата и сочувување на работните места!!! Јас се уште имам силна надеж дека надлежните (пред се Владата) ќе се разбуди и ќе делува!? Но, да не излезе потоа дека никој не кажал или не предупредил....!!! проф. д-р Лазар Јовевски.

МАКЕДОНИЈА ПРЕД ПРЕДИЗВИКОТ НА НОВА МИГРАНТСКА КРИЗА

Лазар Јовевски — Tue, 03 Mar 2020 21:30:31 +0000

Македонија со бегалски кризи во својата историја се соочувала повеќе пати од нејзинотото осамостојување како држава, почнувајќи од бегалската криза поттикната од конфликтот во Босна и Херцеговина, потоа бегалската криза од конфликтот во Косово, како и последната бегалска криза од конфликтот во Арапските замји. Најблиска ни е бегалската криза од конфликтот во Арапските земји која започна во јуни 2015 година чиј интензититет започна да опаѓа по март 2016 година, но истата не застана тука. Во јуни 2016 година таканарачената „балканска рута“ беше затворена и голем број на бегалци останаа во Турција. Протокот на бегалци од Турција кои ја користеа „балканската рута“ после јуни 2016 година беше мал. Но во последниве денови преку медиумите дознаваме дека повторно не очекува голем наплив на бегалци кои од Турција се упатуваат кон „балканската рута“ што посочува на нов бегалски предизвик со кој Македонија треба да се соочи. Во периодот додека траеше последната бегалска криза (јуни 2015 година – март 2016 година) во државата се регистрирани 477 856 илјади бегалци од кои 1455 поднеле барање за остварување на правото на азил во државата. Во најголемиот дел од бегалците кои поднеле барање за остварување право на азил не се задржале на територијата на Македонија подолго од 30 дена, додека пак останатите бегалци не се задржувале на територијата на Македонија повеќе од 72 часа. Врз основа на стекнатите искуства од последната бегалска криза, и покрај предизвиците, Македонија како држава изгради систем кој се покажа како доста функционален и ефикасен во управувањето со бегалските кризи земајќи во предвид дека најчеста беше состојбата кога бегалците не ја третираат нашата држава како последна дестинација, туку како транзитна дестинација. Системот кој што го градевме како држва изминатите години, а кој прозлезе од искуствата од претходните бегалски кризи може да кажеме дека се покажа добар во справување со кризи во која бегалците само транзитираат низ нашата земја, но оттука се поставува прашањето дали Македонија има систем за постапување доколку бегалците не ја третираат нашата земја како транзитна и пројават интерес да останат во државата. Во Април 2018 година донесен е нов Законот за меѓународна и привремена заштита во кој се третира прашањето со бегалците и се уредуваат условите и постапката за добивање на право на меѓународна заштита. Согласно истиот, бегалците кои поднеле барање за остврување на право на азил во Македонија имаат право на социјална заштита, право на здравствена заштита, право на пристап до програми за рана интеграција, право на образование согласно со прописите за основно и средно образование и право на слободен пристап на пазарот на труд за барател на право на азил за чие барањето за признавање на право на азил не е донесена одлука од страна на Секторот за азил, во период не подолг од девет месеци по поднесувањето на барањето за азил. Во делот на социјалната заштита и здравствената заштита може да се каже дека државата има најдено решение преку функционирањето на двата прифатни транзитни центри за бегалци во Табановце и Гевгелија, и преку Прифатниот центар за баратели на азил во Визбегово каде што се обезбедува престој, бесплатна правна помош, соодветно сместување и згрижување, семејно единство, основни здравствени услуги согласно со прописите за здравственото осигурување и право на социјална заштита согласно со прописите за социјалната заштита. Сепак, делот на право на образование и право на слободен пристап на пазарот на труд за барател на право на азил државата нема изградено систем за справување со бегалци кои имаат поподнесено брање за азил и би се задржале во поголем временски период во државата. Имено, Министерството за образование се уште нема донесено програми за учење на Македонскиот јазик и програми за проценка на знаењето и квалификациите на барателите на азил кои понатаму би требало согласно Законот за меѓународна и привремена заштита и Законот за образование да се интегрираат во системот за образование преку што истите во иднина би биле дел од пазарот на трудот. Дополнително, Министерството за внатрешни работи во делот на слободен пристап на пазарот на трудот нема изнајдено решение за издавање на матични броеви на бегалците кои ќе поднесат барање за остварување на право на азил во државата врз основа на што Агенцијата за вработување би издала дозвола за работа на овие лица.тоа ќе треба да се прави во иднина од страна на новата Влада! Сето ова значи дека во услови на бегалска криза во која бегалците би се задржиле во државата на подолг временски период, државата нема систем како би остварила полза од овие лица земајќи во предвид дека истите не би можеле да се вклучат на пазарот на трудот ниту пак да се вклучат во процесот на образование. Овие лица ќе станат дополнителен терет на државата и на така слабиот и „реформиран“ социјален систем. Актуелната Влада не покажа интерес да изгради систем кој ќе ги опфати овие бегалци во сите можни сценарија на нивен престој во државата, а како потврда на истото е не носењето на Владата на националната стратегија за бегалци и странци во Република Македонија. Оттука, може да заклучиме дека на Македонија на следните избори и е потребна Влада која нема да носи само Закони, туку истовремено ќе се грижи и за нивната практична примена, Влада која нема да носи Закони без стратегија за нивна примена и кои дополнително ќе го оптеретуваат општествениот систем. Колумна на Проф. д-р Лазар Јовевски

Јовевски: СДСМ нема свои политики, ги продолжи политиките на ВМРО-ДПМНЕ

Ивана Ефремовски — Fri, 15 Nov 2019 19:56:29 +0000

Политиките кои ги спроведува сега Владата на СДСМ и вие министерке за труд и социјала се политики на ВМРО-ДПМНЕ, вие само ги превземавте и ги надградувате. Ништо не е ваше, и рече Лазар Јовевски, советник во ВМРО-ДПМНЕ на министерката за труд и социјала, Мила Царовска, на дебатата на телевизија Телма.

-Цело време се фалите со претходно спроведени мерки. Младите се најразочарани. Ни активни политики не ги задржуваат во државава. И тоа се должи не само на лошата економска состојба, туку и на тоа што воопшто се случува во општеството, рече Јовевски.

За еден од чекорите како зголемување на минимална плата, Јовевски посочи дека немало образолжение кои се основите за одлуката.

-Ова и многу други работи ги правите сега пред избори без да го поткрепите, рече Јовевски.