Се формира зелен коридор на улицата Лазар Личеноски

Тале Кристо — Wed, 23 Mar 2022 13:45:23 +0000

Екипи на ЈП Паркови и зеленило работат на хортикултурно уредување и формирање зелен коридор на улицата Лазар Личеноски во непосредна близина на ЈП Водовод и канализација на површина од 310 квадратни метри. Се обработува површината и се нанесува плодна почва, по што ќе се постави систем за наводнување и подигне тревник, информираат од Град Скопје. Хортикултурно се уредува и јавната површина која се наоѓа на крстосницата меѓу улицата Бутелска и улицата Призренска, спроти црквата Св. Јован. Вкупната површина изнесува околу 790 квадратни метри. Интервенцијата се одвива етапно со отстранување на шутот и прекопување на старата почва, нанесување на квалитетна нова почва, поставување на систем за наводнување, садење вегетација и формирање тревник. На јавните површини што се уредуваат планирано е засадување зимзелени, листопадни садници и грмушки, а изборот е направен на видови кои покажуваат солидни резултати на дадената површина и функционално се приспособени во просторот, велат во соопштението од Град Скопје.

Уметничкото училиште „Лазар Личеноски“ одбележува 75 години

Ивана Ефремовски — Fri, 07 Jun 2019 06:59:57 +0000

Државното училиште за ликовни уметности и дизајн „Лазар Личеноски“ со неколку настани вечер ќе одбележи 75 години постоење. Од 21 часот ќе биде организирана изложба на ученички творби, изложба на дела од професори во училиштето, како и модна ревија на ученички креации од одделот Дизајн на текстил, под раководство на проф. Лира Грабул и надворешниот соработник Раде Василев. Вечерта со која ќе се одбележи годишнината од постоењето на „Лазар Личеноски“ ќе продолжи со музички хепенинг и настап на рок-групата „Де офф“. (МИА)

лазар личеноски – Kurir.mk

Се формира зелен коридор на улицата Лазар Личеноски

Уметничкото училиште „Лазар Личеноски“ одбележува 75 години