лазарополе – Kurir.mk

Маж исчезна во Лазарополе

Ивона Петрова — Mon, 11 Sep 2023 17:39:39 +0000

На бројот 112 попладнево добиена е пријава за исчезнато лице во с.Лазарополе, Општина Маврово –Ростуше. -Се работи за лицето Димитар Пенов роден 1949 година. Лицето е со дијагноза деменција и е исчезнат од 13 30 часот. Лицето е облечено со тегет тренерки и тегет џемпер, информира ЦУК. Настанот е пријавен во Полициска станица Ростуше.

Утрово најсвежо во Лазарополе, најтопло во Гевгелија

Тале Кристо — Mon, 10 Jul 2023 07:23:10 +0000

Утрово најсвежо е во Лазарополе, седум степени, а максимални 20 степени се измерени во Гевгелија. Како што соопшти УХМР, 8 степени е на Попова Шапка, 9 во Берово, 10 во Крива Паланка и Маврови Анови, 11 во Крушево и Битола, 12 во Тетово, 13 во Скопје - Петровец, Прилеп, Охрид и Претор, 14 во Куманово, Демир Капија, Дебар, Струмица и Штип, 15 во Виница, Кавадарци и Велес, како и 16 степени во Скопје - Зајчев Рид. Времето во текот на денот ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Максималната температура ќе биде во интервал од 27 до 35 степени. УВ индексот ќе изнесува 9. Во Скопје ќе биде сончево со слаб до умерен ветер од северен правец кој во делови од котлината краткотрајно ќе засилува. Максималната температура ќе достигне 32 степена.

Спој на традиција и природна убавина: Лазарополе цути со Фестивалот на нарцисот (ВИДЕО)

Ивана Ефремовски — Sun, 28 May 2023 11:57:34 +0000

Дивите нарциси ги красат ливадите во Лазарополе. Нарцисот цвета помеѓу средината на мај и средината на јуни. Во овој период од годината, единствениот фестивал на нарцисот се одржува на падините на селото Лазарополе, во Националниот Парк Маврово. Фестивалот на нарцисот „Лазарополе Цути“ 2023 започна вчера со собир на голем број граѓани кои уживаа во традицијата и природната убавина. Со македонски ора и песни, среде селото, беше одбележан фестивалот. Манифестацијата „Лазарополе Цути“ ја поврзува локалната лазоропроска традиција со природната средина и претставува механизам за афирмација на селското културно наследство – нематеријално и материјално. -Самиот настан се одржува со цел да се заштити и подобри животната средина, да се заштитат ливадите со нарцис - ендемски вид влажни ливади, да се зачуваат природните убавини, да се заштитат природните животински и растителни природни ресурси, да се заштити животната средина како и вид на учество во поддршка на одржливиот развој, развој на туризмот, поттикнување и зачувување на старите занаети и нивно користење како потенцијална туристичка атракција се насочени кон обезбедување на нашата иднина, велат од организацијата.

Утрово најсвежо во Берово и Лазарополе, најмногу дожд во Гевгелија

Тале Кристо — Sun, 23 Apr 2023 08:34:39 +0000

Утрово во земјава најниска температура од нула степени измерена е во Берово и Лазарополе. Во Попова Шапка, Маврови Анови, Крива Паланка и Претор 2 степени, 3 Битола, 4 Прилеп, Крушево, Прилеп, Тетово, Охрид и Струмица, 5 Демир Капија и 6 степени во Штип, Скопје-Зајчев Рид, Виница, Гевгелија и во Дојран. Во изминатите 24 часа до 8 часот (во l/m2) најмногу воден талог измерен во 15 Гевгелија, следат 5 Лазарополе, Претор, 2 Крива Паланка, Крушево, Струмица, Тополчани и Прилеп и 1 во Виница и Тетово. Времето денеска сончево со мала до умерена облачност. Од пладневните часови на места ќе има услови за краткотраен дожд и појава на ретки грмежи. Ќе дува слаб до умерен ветер од јужен правец. Максималната температура ќе биде во интервал од 15 до 22 степена. Во Скопје сончево со мала до умерена облачност и со слаб променлив ветер. Максималната температура ќе достигне 22 степена.

Утрово најстудено во Лазарополе

Тале Кристо — Sat, 01 Apr 2023 08:27:55 +0000

Утрово е најстудено во Лазарополе, два степена, а максимални 13 степени се измерени во Демир Капија. Според УХМР, до 08:30 часот температурата била 3 степени на Попова Шапка, 4 во Охрид и Берово, 5 во Битола и Куманово, 6 во Скопје-Петровец, Крива Паланка, Струмица и Крушево, 7 во Маврови Анови и Дојран, 8 во Прилеп, Гевгелија, Дебар и Претор, 9 во Скопје-Зајчев Рид и Штип, 10 во Виница и 11 во Тетово. Висината на снежната покривка на Попова Шапка е 4 сантиметри. Времето денеска ќе биде променливо облачно со сончеви периоди и релативно топло. Ќе дува умерен до засилен, а во западните делови повремено силен ветер, над 70 километри на час, од југозападен правец. Попладне наместа ќе биде нестабилно со пороен дожд и грмежи, особено во источните делови. Максималната температура ќе биде во интервал од 16 до 22 степенa. Во Скопје ќе биде променливо облачно со сончеви периоди. Ќе дува умерен, повремено засилен ветер од југозападен правец. Попладне во делови од котлината ќе биде нестабилно со пороен дожд и појава на ретки грмежи. Максималната температура ќе достигне 19 степени.

Најстудено во Лазарополе

Катерина Бојаџиева — Tue, 08 Nov 2022 07:45:46 +0000

Утрово е најстудено во Лазарополе, два степена, а највисока температура од десет степени е измерена во Демир Капија и Дојран. До 8:30 часот се измерени три степени во Берово, Битола, Маврови Анови и Попова Шапка, 5 во Прилеп, 6 во Крива Паланка, Претор, Струмица, Крушево, Скопје-Петровец и Тетово, 7 во Виница, Охрид и Дебар, како и 8 во Гевгелија, Штип, Куманово и Скопје-Зајчев Рид, Времето денеска претпладне ќе биде со магла или ниска облачност по одделни котлини особено долж поширокото Повардарие. Во останатите делови ќе биде сончево со мала до умерена облачност. Ќе дува слаб до умерен ветер од северен правец. Максималната температура ќе биде во интервал од 16 до 20 степени, а во местата каде маглата подолго ќе се задржи температурата ќе достигнува до 14 степени. Во Скопје претпладне ќе има магла која во делови од котлината ќе биде подолготрајна. Попладне краткотрајно ќе биде сончево со мала до умерена облачност и со слаб ветер од северен правец. Максималната температура ќе достигне до 14 степени.

Најмногу снег на Попова Шапка, најстудено во Лазарополе

Ивона Петрова — Tue, 12 Jan 2021 07:45:09 +0000

Времето изутринава е претежно облачно, а само во некои места има слаб дожд. Долж Повардарието дува слаб до умерен северен ветер. Најстудено било во Лазрополе каде се измерени – 3 степени, – 1 во Маврово, во Крива Паланка 0, во Скопје-Зајчев Рид и Штип еден степен, во Тетово и Скопје – Петровец два степени, во Прилеп, Струмица, Демир Капија, Берово и Претор три, во Битола, Гевгелија и Охрид четири степени. Најмногу снег има наврнато на Попова Шапка 32 сантиметри, додеја најмногу дожд до 7 часот изутринава паднало во Гевгелија 45 л/м2, во Берово 38, во Демир Капија 30, во струмица 27, во Прилеп 21, во Битола 19, во Претор 15, во Охрид 11, Штип осум, Крива Паланка шест, Дебар, Пожаране и Ѓуриште пет, Тетово два и Скопје – Зајчев рид и Куманово еден л/м2. Времето денеска ќе биде променливо облачно со локални и слаби врнежи од дожд, а на планините на север од снег. Ќе дува слаб до умерен, а вдолж Повардарието засилен северен ветер. Максималната температура ќе биде во интервал од 4 до 11 степени. Во Скопје претпладне ќе биде облачно, а попладне со сончеви периоди. Ќе дува умерен до засилен северозападен ветер. Максималната температура ќе достигне шест степени.

Од денеска целосно во прекин сообраќајот на патот Бошков мост-Лазарополе

Ивона Петрова — Wed, 24 Jun 2020 05:22:36 +0000

На регионалниот патен правец Р2246 Бошков Мост – с.Извор, на делот крак – с.Лазарополе, поради изведување градежни работи на пат (асфалтирање), од 24.06.2020 (среда), сообраќајот ќе биде во целосен прекин секој работен ден и сабота од 11:00 до 13:00 часот, информираат од АМСМ. Овој изменет режим ќе трае се до завршување на градежните работи.

ФОТО: Македонската водителка во бикини се сонча на ливада во Лазарополе

Ивона Петрова — Mon, 15 Jun 2020 08:47:23 +0000

Сигурно нема таков кој после многу поминати карантински денови не замислува како ужива на плажа, релаксирано, опуштено и со мисли ослобедени од грижи. Но, засега за плажата на море ќе почекаме ама затоа ги имаме природните убавини на нашата земја, нашите езера и планини, па и тука може да „влеземе“ во летен филм. Веројатно водена по таа девиза, ТВ водителка Елена Стефановска, слободниот викенд од работа и будењето наутро, го искористи да ужива во Лазарополе. За таму си понесе бикини, се разголи и легна во зеленилото да се сонча под силното сонце и да собере Д витамин, позитивна енергија, чист воздух и секако да добие тен. Ова уживање го овековечи со неколку фотографии кои ги објави на својот Инсатграм профил, а веројатно ги инспирираше и своите следбеници да направат нешто слично и дека да „влезеш“ во летен филм може и од дома. Вистина.мк

Снег во Лазарополе

Ивона Петрова — Thu, 23 Apr 2020 06:40:47 +0000

Времето утрово е облачно,а во југозападниот дел од земјата има врнежи од дожд. Во Лазарополе има појава на снег, а до 7 часот таму наврнаа два сантиметри. Најниска температура утрово од 0 степени беше измерена во Крушево, Лазарополе и Крива Паланка, два во Берово, три во Претор, четири во Куманово, Пожаране и Охрид, пет степени во Струмица, Виница, Битола, Прилеп и Штип, шест во Тетово, Скопје-Зајчев Рид и Демир Капија и осум стеоени во Дојран. Најмногу дожд до 8 часот наврна во Претор 16 литри на метар квадратен, во Крушево и Дојран 10, во Лазарополе девет, во Битола осум, во Охрид седум, во Тополчани шест, во Прилеп и Пожаране три, во Тетово два, и во Штип, Струмица и Скопје-Зајчев Рид еден литар на метар квадратен. Претпладне во југозападните делови ќе има појава на краткотраен дожд. Во останатите делови ќе биде умерена до значително облачно со повеќе сончеви периоди во источните делови. Ќе дува слаб до умерен променлив ветер. Максималната температура ќе биде во интервал од 10 до 18 степени. Во Скопје времето ќе биде променливо облачно со сончеви периоди. Попладне облачноста ќе се намали. Ќе дува слаб југозападен ветер. Максималната температура ќе достигне до 17 степени. Потоа следува период на претежно сончево и се потопло време. Најтопло ќе биде за време на викендот, иако во сабота ќе дува умерен до засилен југозападен ветер. Од почетокот на следната недела ќе има услови за појава на попладневна нестабилност со краткотраен пороен дожд и ретки грмежи.