Лазе Велковски – Kurir.mk

Лазе Велковски стана истражител во Обвинителството за организиран криминал

Ристе Здравков — Sat, 06 Nov 2021 13:39:31 +0000

Поранешниот началник на Секторот за борба против организиран криминал и корупција во МВР Лазе Велковски, кој во мај експресно беше пензиониран откако наврши 40 години работен стаж, без законската можност да го продолжи работниот стаж како другите полицајци уште 5 години, од утрово влезе во тимот истражители на Јавната обвинителка за гонење организиран криминал и корупција Вилма Русковска. Русковска изјави дека Велковски е ангажиран првично на три месеци, со договор на дело. „Велковски е земен со договор на дело да помогне во формирањето на истражниот центар во одделот за гонење лица со полициски овластувања. Утринава го потпишавме договорот“, вели шефицата на организиран криминал.

ИНФОМАКС: Началникот за борба против организиран криминал Лазе Велковски направил сообраќајка со службено возило и под дејство на алкохол?

Дарко Андоновски — Fri, 11 Sep 2020 10:55:27 +0000

По 90 евра на ден, или околу 4.000 евра чинел одморот на Началникот на организиран криминал во МВР Лазе Велковски, кој според информациите на „Инфомакс“ го добил како бакшиш од приватна фирма од чија сметка била платена приватната вила во првата крајбрежна линија на Охридското езеро во хотелот „Десарет“, објавува Инфомакс. Но, за да биде целосна сликата за шерифот Лазе, одморот кој му траел два месеци – од 20.07.2020 до 10.09.2020 – го „крунисал“ со сообраќајна незгода во која оштетено е службено возило на МВР. И, за да не остане без возило тој си се послужил со друго службено возило за да го истера одморот. Но, да бидам подетален. Во периодот од од 20.07.2020 до 10.09.2020 година, Началникот на организиран криминал Лазе Велковски заедно со неговата сопруга и ќерка престојувале во вила на првата крајбрежна линија на Охридското езеро во хотелскиот комплекс „Десарет“. Според информациите на „Инфомакс“ сместувањето, кое чини 90 евра дневно било платено од приватна фирма, која спротивно на закон го наградила началникот. Целиот текст прочитајте го ТУКА.

Лидер: Лазо Велковски поставен за началник на одделот за организиран криминал

Предраг Кукиќ — Fri, 31 Aug 2018 08:55:01 +0000

Поранешниот директор на Бирото за јавна безбедност, Лазо Велковски, ќе биде поставен на позицијата Началник на Одделот за борба против организираниот криминал, пренесува Лидер. Како што јавува Лидер министерот за вратрешни работи Оливер Спасовски го назначил Велковски на чело на овој важен оддел по барање на премиерот Зоран Заев. Инаку, Велковски беше разрешен од владата од позицијата директор на БЈБ, по скандалот кој изби со злоупотребата на неговото службено возило со кое неговата ќерка замина на одмор во Грција во кампот Евридики.

Велковски му ја предаде на Тасевски должноста директор на БЈБ

Ивана Ефремовски — Thu, 23 Aug 2018 12:52:43 +0000

Во Министерството за внатрешни работи денеска Сашо Тасевски ја презеде должноста директор на Бирото за јавна безбедност. Како што соопшти МВР, Тасевски ја презеде функцијата од досегашниот директор на Бирото за јавна безбедност Лазе Велковски.

ВМРО-ДПМНЕ: Констатирана е одговорност кај Лазе Велковски, потребна е кривична одговорност

Предраг Кукиќ — Sat, 18 Aug 2018 14:03:40 +0000

Констатирана беше одговорност за службена злоупотреба на бившиот директор на БЈБ Лазе Велковски. Кога веќе не е спорно дека има одговорност, тогаш не треба да биде спорно и кривично истиот да одговара за злоупотреба и неовластено користење на службени ресурси на МВР, стои во соопштението на ВМРО ДПМНЕ. Оттаму додаваат дека Лазе Велковски како и неговиот надреден Министерот Оливер Спасовски треба да одговараат за злоупотреба на службена должност по членот 353 од КЗ. ОЈО е на потег. -Истовремено одбегнувањето на кривична одговорност значи дека Власта штити криминал и злоупотреби и не сака спроведување на правната држава. Од тие причини државава е вбројувана меѓу најкорумпираните во Европа и токму затоа државата има негативен извештај за корупција од ГРЕКО, Советот на Европа. Доколку Велковски и Спасовски не одговараат ќе стане јасно дека неговото разрешување беше само гол популизам пред јавноста, се вели во соопштението.

Јавноста се потсмева со смешните обиди на МВР да ја оправда злоупотребата на службените возила (ФОТО)

Ивана Ефремовски — Mon, 06 Aug 2018 12:24:21 +0000

Социјалните мрежи вријат по обидот на МВР да се оправда постапката на директорот при Дирекцијата за јавна безбедност, Лазе Велковски. Поточно, обидот да се побијат доказите дека неговата ќерка заминала во Грција со неговото службено возило.

И тоа без исклучок исмејувањето доаѓа од сите од страни, пред се од луѓето на СДСМ, блиски до нив, новинари, како и од опозиционери.

Адвокатот Александар Тортевски иронично прашува: „За тоа ли се боревме? Децата со службен Ренџ Ровер да не можеме до камп во Грција да си ги пратиме?“.

Актерката Ирена Ристиќ, која беше во првите редови на Шарената револуција, се исмева со оправдувањето од МВР. „Прочитав божемско соопштение/демант - демек службено лице имало нешто работа со службено возило на службена грчка плажа, нешто таму службено да се пробања и да си напуни службени кеси у Лидл и си викам моите родители (лесна им земја) како би постапиле, да беа на позиции и ако јас ги напнев на темата...“, пишува на својот Фејсбук профил Ристиќ. Во друг нејзин статус, таа пишува: Е, па, директоре! На враќање, нека ме собере ќерка ви од плажа! До Скопје, машала, има време, ќе и објаснам некои работи!

Стоко непрокопсана, неизживеана, сиромава! Оставка и одговорност! Одма! Реков, одма!

И Бранка Кус Иванова која беше дел од протестите се прашува: „Шарената револуција за оваа ли беше? Ем по никакви заслуги си седнаа во фотелји, па уште и децата ќе ги возат џиповите службени! Срамота! Како бре не осеќа дека има морална одговорност да си даде оставка. Министерот требаше да реагира и џипот да си биде паркиран во возниот парк!!!!, пишува Кус Иванова. Зоран Ивановски кој беше кандидат од СДСМ од дијаспората, се исмева со министерот за внатрешни работи Оливер Спасовски. „Оли има рент а кар Ренџ Ровер во Охрид или само Шкодите се за домашна употреба?“, пишува на својот Фејсбук профил Ивановски. Новинарот Жарко Јордановски од дневниот весник „Слободен печат“ бара оставка и одговори од МВР. „И сега, ако е точно ова, што е проблем типов да биде разрешен? Да му биде покрената кривична пријава за злоупотреба на службата, да си одговора и ако треба да си одлежи некоја година? Заев ќе остане без кадар? Или Оливер? Па тоа е поентата, секоја влада е ќар кога ќе „остане“ без ваков кадар. Ајде МВР, истражете веќе еднаш, јавноста чека одговори“, пишува Јорданоски.

И новинарот Горан Момироски се исмева со случајот.

„Џипот бил прототип на беспилотно возило направено од МВР и Елон Муск ама автопилотот испил три ракии во Мрзејнци и случајно качил 4 стоперки по што продолжил на Халкидики. И после само се вратило назад. Се е по закон. Стоперките не биле роднини на автопилотот“, пишува Момироски.

Аналитичарот Александар Пандов бара одговорност од МВР. „Ако се земе во предвид дека цела униформирана полиција е под директна команда на директорот на БЈБ, а истиот го избира владата, не треба да објаснувам дека по големина и моќ, таа фунција е втора по министерската. Од таа позиција да си дозволиш да даваш возило во сопственост на МВР, на ќерка ти за таа да си шетка по грчки плажи не е пропуст, до ментален склоп е! Само тежок хохштаплер би се вадел и правел будала и себе и народот, за да после ова не поднесе оставка. За зајко, враќањето на џипот во Македонија ќе биде доволно, исто како за “иноваторите”. Не знам што си мислат Заев и Шеќеринска, ама знам дека серијава на гафови во која се влезени, многу лошо ќе им се одрази на излезност на референдум“, пишува Пандов на својот Фејсбук профил.

Инаку МВР демантира дека нивни џип бил користен за одмор во Грција. Оттаму известија дека Одделот за внатрешна контрола и професинални стандарди веднаш добил наредба да изврши проверки и да достави извештај.

-По извршените проверки, констатирано е дека на ден 2 август 2018 година, возилото „Ренџ Ровер Дискавери Спорт“ со регистарски таблички СК-9559-АЛ е управувано од полициски службеник вработен во Одделот за заштита на определени личности и објекти кој возилото го управувал со соодветен службен налог. Возилото во 13.35 часот го преминало граничниот премин Богородица и патувало на територија на Република Грција. Возилото е вратено во Република Македонија истиот ден, 2 август 2018 година. Не е точно дека возилото го управувало неовластено лице, ниту пак дека било управувано од член на семејството на директорот на Биротото за јавна безбедност – велат од Министерството.

Од МВР велат дека ќе бидат направени и дополнителни проверки и по утврдување на сите факти, доколку се утврдат неправилности, ќе бидат преземени соодветни мерки.

Полициска телеграма што не ја почитуваат дури ни тие што ја пратиле

Катерина Бојаџиева — Tue, 27 Mar 2018 11:58:03 +0000

МВР се обидува, но по се’ изгледа не успева, да воспостави професионално однесување на своите вработени. Залудни се обидите на директорот на Бирото за јавна безбедност, Лазе Велковски, со службени телеграми да воведе ред во однесувањето на социјалните мрежи на вработените во МВР, пишува „Нетпрес“. И покрај сите обиди и укажувања први непочитувачи на телеграмата на Велковски се партиски вработените и унапредените во МВР. Нивните профили на оваа социјална мрежа се преполни со објави на политички пораки и партиски активизам. Тие континуирано шират разновидни политички пропаганди, особено во корист на владејачката партија. Најверојатно да си го исполнат долгот за вработувањето или унапредувањето, или пак да се докажат како верни партиски активисти. А, во испратената телеграма директорот на БЈБ, Велковски јасно укажува дека вработените во МВР се препознатливи во средината во која живеат и затоа мора да внимаваат на ИНТЕГРИТЕТОТ на службата во целост. По се’ изгледа, оваа телеграма ќе остане само обично парче хартија.