лаже – Kurir.mk

ВМРО-ДПМНЕ: Нов ден, нова лага на Заев, денес за својата неспособност да донесе вакцини ја обвини Србија и производителот Фајзер

Тале Кристо — Fri, 12 Feb 2021 12:32:47 +0000

Зоран Заев продолжува со лагите, реагират од ВМРО-ДПМНЕ на изјавата на премиерот Зоран Заев. Наместо да се запраша што прави и да прекине да лаже, Заев продолжува во свој стил на лаги. Сега за одложувањето на приемот на првата пратка на вакцини, Заев вели Србија и Фајзер се виновни. Заев едноставно за одложувањето на настанот за примопредавање на вакцините ја обвини Србија и компанијата производител Фајзер. Босна и Херцеговина денес почна со вакцинирање, си набавија руски вакцини. Заев ја остави Македонија на дното. За граѓаните во Македонија нема никакви вакцини. За негрижата за здравјето на граѓаните која резултира и со губење човечки животи одговорност мора да има, велат во реакцијата од ВМРО-ДПМНЕ.

Трипуновски: Владата трет пат по ред ги лаже тутунарите и нема решение, а штетите кои ќе бидат причинети се околу 30 милиони евра

Тале Кристо — Mon, 21 Dec 2020 11:01:36 +0000

Владата трет пат по ред ги лаже тутунарите. Толку многу ги измешаа лончињата со откупот на тутунот, што сега не можат да најдат појдовна точка за решение, реагира Цветан Трипуновски од ВМРО-ДПМНЕ. Околу 25 милиони килограми тутун се цени за две класи пониско и дополнително имаме окулу 3 000 тони тутун за кои тутунарите немаат договори, ова е катастрофално и владата за ова се уште нема решение. Штетите кои од ова ќе бидат причинети се околу 30 милиони евра. 30 милиони евра од џебот на тутунарите во џебот на Заев. И додека тутунарите одат по прилепските улици барајќи откуп и нормална цена, некој си носи буџет и се расфрла со милиони кои народот ги заработил, за да може тој да глуми шеф на влада. Никаде ги нема Заев, Николовски и Димковски да излезат и да им помогнат на тутунарите, седат на топло во влада и држат празни пресконференции, како сме имале инвестиции, како се помагало, колку бил животот подобар. Излезете бе меѓу луѓето да видите колку е подобар, да беше подобар немаше да имаме илјадници тутунарите сред зиме по прилепски улици. Срам да ви е! Не е решение празна демагогија, една година кажуваме дека мора да се седне со откупувачите и да се среди проблемот кој се наѕираше уште од пролета. Но вие ништо не направивте. Затоа пак ќе речам, седнувајте и наоѓајте решение, да не се случи тутунарите без пари да ја поминат зимата, ограбени и разочарани, пишува во својата објава на Фејсбук Трипуновски.

ЛAЖE ЗАЕВ, ВЕЛАТ ГРАЃАНИТЕ: Додека премиерот објаснува за „pacцвeтаната економија“, дeпpecиja, бecпapица и cтpaв на улица

Тале Кристо — Sun, 03 Nov 2019 16:33:26 +0000

Три години пропаганда генерирана од Владата на Р.Маекдонија не успева да ги убеди граѓаните дека не осиромашуваат, и дека нивните џебови имаат повеќе пари. Последна изјава беше и на премиерот Заев кој тврдеше дека граѓаните се побогати, економијата цвета, а џебовите им се полни. Демек, 36 денари покачување на пензиите се доволни, а нормативното покачување на минималната плата е доволна мерка, пишува Инфомакс. „Срамота, како не им беше срам тоа да го објават“ – вели една повозрасна госпоѓа, која беше резигнирана од мерката за покачување на пензиите. Друг „збогатен“ граѓанин пак вели дека веќе два пати работел во странство, а се подготвува и по трет пат да замине но овој пат дека нема да се врати. Плоштадот, Камениот мост, улицата „Македонија“ изгледаат морничаво. И кога ќе ја гледате анкетата, имајте во предвид дека тие што зборуваат се најхрабрите. Оние кои веќе го завршиле работниот век, па нема кој да им се заканува со работно место, или пак оние кои решиле да си заминат од државата па ич гајле не им е дали некој ќе им замери затоа што кажале како живеат. Стравот кај младите пак, досега невидено. На секој обид да добијам одговор добивав замолница да ги одминам нив, младите, бидејќи се плашат дека некој ќе ги види. Дури и се правдаа дека не сакаат да се „замерат“ со власта. Замислете, да не се замереле со оние кои тие ги донеле на власт. И ги јадат нивните пари. Страшно. Во старата скопска чаршија пак, ништо поразлично. Луѓето бегаат од камерата, а оние кои одлучија да одговорат немаа што да изгубат. Сѐ изгубиле, или пак и тие се спремаат да „бегаат“. Од одговори се исплаши дури и евроамбасадорот Самуел Жбогар. Ни се извини и си замина. Не сака да се „замерува“. Извор: Инфомакс.мк