лажен идентитет – Kurir.mk

Пасош со украден идентитет од МВР добил и Флорјан Мусај: Клучен член на кланот „Барути“ кој ја снабдуваше Европа со кокаин

Дарко Андоновски — Wed, 07 Apr 2021 11:35:24 +0000

Меѓу лицата на кој им бил издаден пасош со украден идентитет од МВР бил и Флорјан Мусај, еден од клучните членови на албанската криминална банда „Барути“ која дејствуваше во северот на Италија и заедно со бандата „Буши“ во соработска со италијанската мафија ја снабдуваа Европа со коакаин. Нарко-трафикантот Флорјан Мусај, македонскиот пасош го добил од МВР на 17.07.2019 и во истиот стои неговата слика, но со името Наум Фило. Кои се клановите „Барути“ и „Буши“? Во меѓународна акција спроведена на 10 септември 2018 во Италија, Германија и Албанија беа уапсени 20 членовите на две албански криминални групи кои шверцувале големи количини на дрога во вредност од над 20 милиони евра. Уапсените од кои 18 се албански државјани им припаѓале на клановите „Барути“ и „Буши“. Овие групи се занимавале воглавно со трговија хероин кокаин и марихуана а имале ограноци во Холандија, Белгија и Австрија, додека „базата“ им во Северна Италија. Две албанскки банди кои шверцувале кокаин во вредност од 20 милиони евра, уапсени 18 Албанци во Италија, Германија и Тирана. Акција спроведена во три земји, Италија, Германија и Албанија заврши со апсење на 20 лица, 16 во Италија, 3 во Германија и едно во Тирана, а од нив 18 се Албанци. Дилерите кои завршиле во лисици им припаѓале на групите „Барути“ и „Буши“. Тие се занимаваа со трговија со хероин, кокаин и марихуана. Бандата имала ограноци и во Холандија, Белгија и Австрија, додека базата била во Северна Италија каде што соработувале и со италијанската мафија. Двете албански групи кои беа опфатени во акцијата, Барути и Буши, земаа кокаин од Белгија и хероин од Холандија кој потоа ги шверцуваа од Германија во Италија, каде имаа своја база, а потоа ја дистрибуираа и во други европски земји. Тие за оваа намена користеле специјално модифицирани возила за транспорт на кокаин, канабис и хероин во Северна Италија и Германија. Истрагата започнала уште во 2016 година кога на австриско-италијанската граница биле запленети 91 кг кокаин, а ја финализираше на 10 септември 2018 италијанската полиција „Guardia di Finanza“ која операцијата ја водеше под кодното име „Алба Бјанка“. Во операцијата меѓу другите беа уапсени и „главите“ на бандите. Како што тогаш пишуваа албанските медиуми главен на кланот „Барути“ бил Елјон Барути, а кланот „Буши“ го водел Хамит Буши. Меѓу уапсените од кланот „Барути“ беше и сопругата на водачот на кланот, Кети Шани која исто така била вклучена во транспортот на дрога, како и еден од клучните членови на кланот Флорјан Мусај, име кое се спомнува како еден од уапсените во престрелка која се случила во Тирана во февруари 2018 година и заврши со две ранети лица. Во акцијата „Алба Бјанка“ беа заплен цели 94 кг и 950 грама кокаин, 2,1 кг хероин, 21,3 кг канабис, 100 илјади евра кеш, 5 коли и 3 мотори.

Македонец со 18 лажни идентитети предводел банда во Германија, ќе биде депортиран во Македонија

Ивана Ефремовски — Thu, 05 Sep 2019 07:42:19 +0000

Македонски државјанин предводел петчлена банда што „оперирала“ по Германија. Уапсени се во трговски центар во Дортмунд, по што полицајците откриле дека водачот на криминалната група имал 18 лажни идентитети. Арамиите им паднале во очи на инспекторите кога оставиле куфер во аголот од трговскиот центар. Веднаш потоа украле гардероба и чевли во вредност од илјада евра и ги ставиле во подготвениот куфер. Но, полицајците веќе ги чекале крадците на излезот од објектот. Потоа било истражено дека три дена претходно слична акција реализирале и во Минстер. -Додека биле во полициски притвор, откриени се нови детали. Најстариот од групата на петмината мажи (од 21 до 53 години) – Македонецот, користел 19 различни идентитети, од кои само еден вистински. Кај себе имал возачка дозвола издадена во Швајцарија, како и фалсификувана лична карта. По апсењето, Македонецот е пренесен во затвор во Падерборн, од каде ќе биде депортиран во Македонија. Другите ќе бидат пуштени, пишуваат регионалните медиуми.

Со лажен идентитет сакал да избега: Приведен жител на Сараќино осомничен за обид за убиство

Ивана Ефремовски — Thu, 24 Jan 2019 09:30:03 +0000

На 23.01.2019 година во 23:10 часот на Граничен премин „Јажинце“ било приведено лицето П.П.(33) од село Сараќино, тетовско, кој се барал со централен распис за сторено кривично дело „обид за убиство“. Против него има поднесено и кривична пријава затоа што на 16.10.2018 година во село Сараќино со пиштол пукал во 57-годишен жител на ова село. На граничниот премин тој се пријавил како А.Ш.(33) од село Сараќино, тетовско, но при контрола на полициски службеници бил откриен неговиот вистински идентитет. Подоцна, тој бил предаден на СВР Тетово за понатамошна постапка.

Ги оставил сопругата и децата пред 25 години, па живеел како покојник: Сега го стигна милионска казна! (ВИДЕО)

Ивана Ефремовски — Wed, 06 Jun 2018 11:48:35 +0000

Пред 25 години Ричард Хогланд ја остави сопругата Линда и двете деца. Потрагата по него не вроди со плод, па е прогласен за мртов во 2003 година. Тој меѓутоа започнал нов живот под името Тери Симански и повторно се оженил и добил дете. Го зел името на еден рибар кој починал во 1991 година. Меѓутоа, Ричард неодамна се појави на сослушувањето поради алиментација. Сумата која му ја одреди судијата изнесува 1,86 милиони долари. Приказната за него стигна на насловните страници 2016 година кога е уапсен во Зеферлис каде живеел со новата сопруга. Ричард бил осуден поради кражба на идентитет во мај 2017 година, а потоа се вратил во Индијана. Наредниот месец повторно завршил на суд кога Линда побарала да се исплатат парите за алиментација која не ја плаќал од денот кога ги напуштил синовите, Метју и Далас, кои тогаш имале 6 и 9 години. За да се извлече, тамошните медиуми наведуваат дека се појавил прилично скромно облечен, но таа тактика не му успеала. Но, дали оштетата ќе биде платена останува да се види, зошто целиот негов имот е даден како влог и за разводот од новата сопруга на Флорида.