лажен исказ – Kurir.mk

Штипјанец лажел дека ја изгубил возачката, а му била одземена од полиција во Грција

Катерина Бојаџиева — Thu, 06 Apr 2023 17:09:23 +0000

СВР Штип поднесе кривична пријава против Б.Д.(25) од Штип поради постоење основи на сомнение за сторено кривично дело „давање лажен исказ“. На 14.03.2022 во СВР Штип - Отсек за управни работи, при поднесување на барање за издавање на возачка дозвола, пријавениот изјавил дека возачката дозвола ја има изгубено, а всушност, претходно му била одземена од полициски службеници во Република Грција поради сторен сообраќаен прекршок.

Oбвинение за давање лажен исказ

Ивана Ефремовски — Tue, 29 Mar 2022 12:57:32 +0000

Основното јавно обвинителство Гостивар до надлежниот суд поднесе Обвинителен предлог против едно лице за кривично дело – Давање лажен исказ од член 367 став 1 од Кривичниот законик во врска со член 26 став 2 од Законот за извршување. Обвинетиот делото го сторил во својство на должник при спроведување на извршна постапка, при што во периодот од 26.02 до 28.02.2022 година не постапил согласно доставеното барање за податоци во законскиот рок од 3 дена и го прекршил Законот за извршување.

Кривична пријава против скопјанец за давање лажен исказ

Магдалена Андонова — Thu, 03 Dec 2020 14:28:58 +0000

СВР Скопје – Единицата за економски и компјутерски криминал поднесе кривична пријава против А.П.(56) од Скопје, осомничен дека сторил кривично дело „давање лажен исказ“, предвидено и казниво по член 367 ст.3 од Кривичниот законик. Како што соопштија денеска од МВР, пријавениот во текот на 2019 година, со намера да ја прикрие вистинската причина за вадење нова возачка дозвола, до МВР на Република Македонија, Сектор за надзорни работи, во управна постапка, поднел барање за издавање на дупликат возачка дозвола и во прилог на барањето приложил и писмена изјава, во која пријавениот В.П. лично дал/навел лажен исказ дека македонската возачка дозвола му е украдена, иако знаел дека за време на неговиот престој во Р.Полска, неговата возачка дозвола му била одземена од страна на надлежните органи во Р.Полска. – Врз основа на таквото невистиното барање, од страна на Секторот за управно-надзорни работи при МВР му била издадена нова дупликат национална возачка дозвола на негово име, со што постои основано сомнение дека пријавениот го сторил кривичното дело „давање лажен исказ“, се појаснува во соопштението од МВР. (МИА)

Кривична пријава за скопјанец за лажен исказ

Магдалена Андонова — Mon, 30 Nov 2020 15:35:00 +0000

СВР Скопје – Единица за економски и компјутерски криминал поднесе кривична пријава против Х.Д(39) од Скопје поради постоење основано сомнение дека сторил кривично дело „давање лажен исказ”. Полицијата соопшти дека осомничениот дал исказ дека ја изгубил возачката дозвола, а по негово барање таа му била заменета за германска возачка дозвола. Како што соопшти полицијата, пријавениот, со намера да ја прикрие вистинската причина за вадење на нова возачка дозвола, во текот на месец октомври 2019 до МВР поднел Барање за издавање на дупликат возачка дозвола, со писмена изјава во прилог на Барањето, во која лично дал лажен исказ дека возачката дозвола му е изгубена, иако бил свесен дека за време на неговиот престој во Германија, неговата возачка дозвола издадена во Република Северна Македонија, по негово лично барање, била заменета за германска возачка дозвола. Врз основа на таквото Барање, од страна на МВР – Сектор за управно-надзорни работи му била издадена нова дупликат возачка дозвола на име на пријавениот Х.Д., со што постои основано сомнение дека пријавениот го сторил кривичното дело „давање лажен исказ”, предвидено и казниво по чл.367 ст. 3 од Кривичниот законик, соопшти МВР. (МИА)