лажни дојави за бомби – Kurir.mk

Завршија сите потребни проверки: ЛАЖНИ СЕ ДЕНЕШНИТЕ ДОЈАВИ ЗА БОМБИ

Катерина Бојаџиева — Mon, 27 Feb 2023 13:35:04 +0000

Министерството за внатрешни работи ја известува јавноста дека се направени сите потребни проверки во врска со денешните пријави од 21 средно и 11 основни училишта на подрачјето на Скопје, едно основно училиште во Прилеп и Основниот суд во Охрид, по добиените пораки на електронски адреси со закана за поставена експлозивна направа, и утврдено е дека станува збор за лажни пријави. Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави.

НОВИ ДОЈАВИ ЗА БОМБИ – се испразнија осум училишта во Скопје и две во Прилеп

Дарко Андоновски — Mon, 20 Feb 2023 09:44:56 +0000

Осум училишта во Скопје и две во Прилеп утрово добиле е-мајл до закан за поставена експлозивна направа. МВР инормира дека се вршат антитерористички проверки: „Денеска (20.02.2023) до 09:30 часот е пријавено дека на електронските адреси на 8 училишта во Скопје е упатена закана за поставена експлозивна направа. Исто така, добиена е закана и во две училишта во Прилеп. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“, се вели во соопштението на МВР. Дојави за бомби минатата недела имаше речиси секој ден во училиштата во Скопје, а две закани беша прави во училишта во Куманово и четири во Прилеп. Закани стигнуваа и на приватни мејлови на професори. МВР вели дека досега сите дојави биле лажни.

НОВИ ДОЈАВИ ЗА БОМБИ – на мета осум училишта во Скопје

Дарко Андоновски — Fri, 03 Feb 2023 11:48:14 +0000

Денеска (03.02.2023) околу 11.40 часот во СВР Скопје е пријавено дека на електронска адреса на осум средни училишта во Скопје е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштето и во тек се антитерористички проверки и се преземаат мерки за расчистување на случајот.

7-годишно дете лажно пријавило бомба во училиште во Прилеп!

Ивана Ефремовски — Tue, 17 Jan 2023 14:26:18 +0000

Прилепската полиција и обвинителството расчистуваат случај во кој седумгодишен малолетник лажно пријавил дека, наводно, била поставена експлозивна направа во училиштето во селото Житоше во општина Долнени. Како што информираат од СВР Битола, вчера, 16 јануари во 18.16 часот, од својот мобилен телефон малолетникот, во присуство на неколку други малолетници, телефонски пријавил во полицијата дека во училиште во селото Житоше има поставено бомба. Полицијата го расчисти случајот и констатирано е дека станува збор за лажна пријава. Извршени се службени разговори со малолетниците, во присуство на родители, при што тие го појасниле начинот на кој го извршиле делото. Од Надворешната канцеларија за криминалистички работи при прилепската полиција денеска е поднесен извештај до Основното јавно обвинителство – Прилеп поради лажно пријавување за кривично дело „тероризам”, предвидено и казниво по член 394-б од Кривичниот законик. Од Обвинителството велат дека кога е во прашање малолетник, и тоа седумгодишен, се известува Центарот за социјални работи од каде треба да се разговара со родителите и да им се упати укор.