лажна дојава – Kurir.mk

МВР: Дојавите за поставени бомби во училиштата се лажни

Катерина Бојаџиева — Fri, 04 Nov 2022 16:51:37 +0000

Лажни дојави се заканите што денеска по електронска пошта ги добиле четири училишта во Скопје за наводно поставени експлозивни направи. Тоа е утврдено откако се направени сите потребни проверки, информира попладнево Министерството за внатрешни работи. -Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави, наведува МВР во известувањето. Во СВР Скопје денеска околу 14 часот е пријавено дека на мејловите на четири средни училишта во Скопје е упатена закана за поставена бомба. Станува збор за училиштата „Орце Николов“, „Никола Карев“, „Здравко Цветковски“ и „Јосип Броз Тито“, потврдија за МИА од МВР. МВР завчера доби пријави од девет училишта на територија на главниот град дека на нивните електронски адреси добиле порака со закана за поставена бомби, а по завршените антитерористички проверки беше утврдено дека станува збор за лажни пријави. Девет училишта и минатата недела неколку дена по ред на нивните електронските адреси добиваа дојави за бомби, кои по проверката од страна на МВР се потврди дека се лажни.

Се заканил дека ќе постави бомба во Царинска управа: Скопјанец заврши зад решетки

Тале Кристо — Sat, 26 Feb 2022 19:07:36 +0000

Утрово во 00,45 часот во врска со претходно лажна пријава дека наводно ќе постави бомба во Царинска управа, од слобода е лишен Д.И. (52), со кој во Полициска станица Драчево е извршен службен разговор. Имено, веднаш по добиената пријава (закана), полициски службеници преземаа оперативни дејствија и утврдија дека се работи за лажно пријавен настан.

Ресенчанец испратил смс-пораки со лажна дојава за експлозивни средства во Охрид

Магдалена Андонова — Thu, 22 Jul 2021 09:07:51 +0000

Поради постоење основи на сомнение за сторени кривични дела „загрозување на сигурноста“ и „лажно пријавување на кривично дело“, СВР Охрид поднесе кривична пријава против З.И.(46) од селото Горно Крушје, ресенско. Пријавениот, во два наврата во текот на јули, преку мобилен телефон, испратил повеќе смс-пораки со лажна дојава дека биле поставени експлозивни средства на повеќе локации во Охрид. На З.И. од надлежен судија му е одредена мерка притвор.

Кривична пријава против скопјанецот кој ја испратил пораката за лажната бомба во Сити Мол

Дарко Андоновски — Fri, 31 Jan 2020 12:41:30 +0000

Одделението за насилен криминал во Единица за насилен криминал при Секторот за внатрешни работи Скопје, до надлежното Основно јавно обвинителство-Скопје, поднесе кривичнa пријавa против П.Ц.(20) од Скопје поради постоење основи на сомнение за сторено кривично дело „лажно пријавување на кривично дело“, казниво по член 366 од Кривичниот законик, информираат од МВР. -Пријавениот, вработен како обезбедување во Трговскиот центар „Сити Мол“ преку агенција за обезбедување, на 29.01.2020 во 11.53 часот, додека бил на работа, со намера да се пошегува со својот претпоставен, од својот мобилен телефон му испратил порака „напуштете го молот веднаш, има бомба!“. Веднаш потоа, неговиот претпоставен пријавил во полиција и била организирана евакуација на трговскиот центар, а екипа од Одделот за антитероризам при МВР извршила пребарување и проверка на целиот објект, при што било утврдено дека во објектот нема поставено експлозивна направа, односно дека станува збор за лажна дојава. Истиот ден, во просториите на Полициската станица Кисела Вода, полициски службеници извршиле разговор со пријавениот и од него бил одземен мобилниот телефон како доказ. Од страна на судија на претходна постапка на пријавениот му се одредени мерки на претпазливост: забрана за напуштање на живеалиштето, обврска да се јавува повремено на определено службено лице кај надлежен државен орган, привремено одземање на патна исправа и забрана за преземање на определени работни активности кои се поврзани со кривичното дело, стои во нивното соопштение до јавноста.

Обвинителството објави: Ова е пораката која била испратена за лажната бомба во Сити мол

Ивона Петрова — Fri, 31 Jan 2020 09:22:20 +0000

Јавен обвинител од Основното јавно обвинителство Скопје до Основниот кривичен суд Скопје достави Предлог за определување мерки на претпазливост за едно лице, осомничено дека сторило кривично дело – Лажно пријавување на кривично дело од член 366 став 4 од Кривичниот законик. Против осомничениот е поведена постапка поради основано сомнение дека на 29 јануари во трговскиот центар „Сити мол“ каде бил вработен пријавил дека е извршено кривично дело – Предизвикување општа опасност за кое гонењето се презема по службена должност, иако знаел дека такво дело не е сторено. -Осомничениот 19-годишник бил вработен во трговскиот центар преку агенција задолжена за обезбедување на објектот. Од својот мобилен телефон тој пристапил на интернет страната www.globefone.com и на неговиот претпоставен му испратил текстуална порака со содржина: „Напуштете го молот веднаш, има бомба“. Претпоставениот веднаш пријавил во полиција, по што била организирана и извршена евакуација на присутните лица во трговскиот центар. Во исто време била ангажирана и екипа од Одделот за антитероризам во МВР кои утврдиле дека во објектот нема поставено експлозивна направа, информираат од Обвинителството. Јавниот обвинител, заради непречено водење на постапката, побара на лицето да му бидат определени четири мерки на претпазливост: забрана за напуштање на живеалиште/престојувалиште, обврска повремено да се јавува кај определно службено лице или кај надлежен државен орган, привремено одземање на патна или друга исправа за преминување на државната граница, како и забрана за преземање на определени работни активности кои се поврзани со кривичното дело.

Син каков што никој родител не посакува: Дознајте што направил само за да не му дојдат мајката и таткото на гости

Ивана Ефремовски — Mon, 28 Jan 2019 16:48:16 +0000

Пријавил дека има бомба во авионот, а причината е доказ дека тој е лош син. Според зборовите на јавниот обвинител, неговата мотивација за оваа постапка била да ги спречи родителите да дојдат на гости. Неговите родители била на лет на компабијата „Изи џет“ од Лион до Рен на 18 јануари за да набргу по полетувањето, авионот кој превезувал 159 патници се врати назад на аеродромот. Противпожарната служба чекала авионот да се врати, а сите патници морале да ислезат додека полицијата не го пребарала секој милиметар од авионот. Бомба секако не била пронајдена. Студентот во мај ќе се појави пред кривичниот суд, каде би можел да се соочи со затворска казна до пет години или парична казна од 85.000 долари ако биде прогласен за виновен.