лажна вест – Kurir.mk

ВИДЕО: Знае ли ЕУ дека Дерала кој зема европски пари спонзорира лажни вести против Николоски од ВМРО-ДПМНЕ?

Ивана Ефремовски — Thu, 24 Aug 2023 18:18:55 +0000

Лажна вест во целост, поткрепена со сечена и лажна изјава од потпретседателот на ВМРО-ДПМНЕ, Александар Николоски е спонзорирана на Фејсбук. Спонзорството го плаќа порталот Фронтлајн, чиј главен и одговорен уредник е Џабир Дерала. Дерала зема европски пари, но оние кои го плаќаат треба да знаат дека тој спонзорира лажни вести. Овој скандал го обелодени Богдан Илиевски, автор на емисија на ТВ АЛФА. Тој го објавува лажното видео, но и вистинското, кое е сечено и монтирано за да биде сервирано како голема лага. Деталите погледнете ги во продолжение:

Лажна вест за оставка на Владимир Макеј, тврди дипломатски извор во Минск

Магдалена Андонова — Tue, 18 Aug 2020 09:44:18 +0000

Не се точни наводите за оставка на белорускиот министер за надворешни работи, Владимир Маки, што се појавија на социјалните мрежи и во голем број медиуми, изјави неименуван дипломатски извор за агенцијата Тасс. -Тоа е лажна вест. Владимир Матеј е во својата канцеларија и продолжува напорно да работи, рече изворот. Според наводите, Мекеј наводно си поднел оставка по реакцијата на западните земји за ситуацијата во Белорусија, каде, по последните претседателски избори, се одржуваат масовни протести. Претседателот Александар Лукашенко повторно победи на претседателските избори, но опозицијата и дел од јавноста ги отфрлаат изборните резултати. (MИА)

Од Синeрџи фитнес и спа демантираат дека Мицкоски вежбал кај нив, најавуваат тужба за лажната вест

Тале Кристо — Sat, 25 Apr 2020 15:54:33 +0000

Од теретаната Синерџи фитнес и спа ја демантираат веста која ја објавија некои медимуми дека наводно лидерот на опозициската ВМРО-ДПМНЕ, Христијан Мицкоски, денеска ги користел услугите на нивниот центар, иако е забранета работата на фитнес салите. Од Синреџ фитнес и спа велат дека ова се злоуптребени стари снимки пред почетокот на кризата. За лажните и компромитирачки вести кои се користат за политичка пресметка, а во која не сакаат да бидат замешани, од овој фитнес центар повеле постапки пред надлежните органи. МВР да провери од кога потекнуваат снимките и кој ги шири лажните вести со кои сакаат да им наштетат на нивната работа и стекнатиот углед, за да може да поднесат и соодветна тужба против сторителите за ширење на дезинформации.

Мицковски за лажната вест: Снимката е стара, туку што правиме со тендерите во Дрисла, со пљачката која ја правите со новата акциза…?

Тале Кристо — Sat, 25 Apr 2020 15:42:22 +0000

Не е толку срамно што објавуваат без да прашаат, туку е срамно што лажат континуирано и бесрамно. И нема ниту една лага да не им се распрсне и дознае. Веќе е совршено јасно дека зад ваквите лаги стојат повеќе квази пиарџии платени со државни пари, и еден центар на моќ сместен на Бихачка, реагира на објавената лажна вест во некои медиуми блиски до власта лидерот на ВМРО-ДПМНЕ Христијан Мицкоски. Понатаму Мицкоски објаснува дека снимката е стара најмалку половина година и прашува што да се прави со тендерите во Дрисла, со новата блокада на патот кон ЕУ, со пљачката која ја правите со новата акциза, со економската криза и нарушеното здравје на граѓаните. -Дечки повторно грешка, снимката е стара најмалку половина година, туку сега што правиме со тендерите во Дрисла, со новата блокада на патот кон ЕУ, со пљачката која ја правите со новата акциза, со економската криза и нарушеното здравје на граѓаните. Незрелото однесување на СДСМ значи ново пробиено дно. Сосема на крај, сепак има разлика. Да, јас спортувам, а вие крадете. Да, јас планинарам, а вие ја срамите и распродавате Македонија и да, ќе продолжам да вежбам кога ќе се создадат услови, а вие сепак на крајот од денот ќе останете ситни луѓе и јас ве жалам!, вели во својата реакција Мицкоски. https://www.facebook.com/MickoskiHristijan/posts/1533641206811333

НАВОДНО СЕ УШТЕ НЕ РАЗМИСЛИЛ: Лажна била веста дека Роналдо своите хотели ќе ги пренамени во болници

Тале Кристо — Sun, 15 Mar 2020 12:11:27 +0000

Португалската фудбалска sвезда и играч на Јувентус, Кристијано Роналдо, одлучи да ги пренамени своите хотели во Португалија во болници за лекување на пациенти со коронавирус, јави шпанската „Марка“. Роналдо има луксузни хотели во Лисабон и Мадеира за кои Шпанците тврдат дека ќе станат болници за оние кои се заразиле со КОВИД-19 следната недела. – Сместувањето ќе биде бесплатно за сите, а Роналдо ќе ги покрие и сите медицински трошоци, платите за лекарите, медицинските сестри и другиот персонал, напиша „Марка“. Сепак, се чини дека засега нема ништо од ова. Бројни извори објавија дека оваа одлука сè уште не е донесена и дека иако Роналдо веројатно размислува за ова, засега не може да се потврди. Роналдо во моментов е во самоизолација во родната Мадеира.

Шок за сите: Во Бања Лука пронајдена мртва популарната фолк пејачка, а од полицискиот извештај ќе ви се заледи крвта (ФОТО)

Дарко Андоновски — Wed, 13 Nov 2019 10:14:44 +0000

Регионот е во неверување по веста дека српската фолк пејачка Сања Малетиќ е пронајдена мртва во Бања Лука. Сепак оваа е само уште една од многубројните лажни вести во кои се пласираат измислици за некои од познатите личности во Србија. Во веста се наведува дека таа имала сообраќајна несреќа и починала. Уште пострашно е тоа што злоупотребено е и името на пејачот Радиша Трајковиќ Џани кој преку лажен профил ја објавил оваа вест. Пејачката веднаш реагираше преку својот Инстаграм профил и сподели со фановите дека е жива и здрава.

View this post on Instagram

ZLOUPOTREBA IMENA JAVNIH LICNOSTI I PLASIRANJE NEISTINA I LAZI PRELAZI SVE GRANICE. JA LICNO NEMAM KOMENTAR NA OVE GADOSTI. PRESTANITE KORISTITI IMENA MOJIH KOLEGA DA BI PLASIRALI SVOJE BOLESTI.

A post shared by Sanja Maletic Official (@sanja_maletic_official) on Nov 12, 2019 at 9:53am PST

-Злоупотреба на имињата на јавните личности и пласирање невистини за нив ги преминува сите граници. Јас лично немам коментар на оваа гадост. Престанете да ги користите имињата на моите колеги за да ја пласирате својата болест.

Лажна вест го обиколи светот: на холандската тинејџерка не и била одобрена евтаназија

Дарко Андоновски — Thu, 06 Jun 2019 08:38:53 +0000

Седумнаесетгодишна тинејџерка од Холандија побарала евтаназија и ја добила – е веста која вчера го обиколи светот, но подоцна беше утврдено дека не е точна. Веста за Ноа Потховен од местото Арнхем во Холандија ја објавија угледни светски медиуми како Вашингтон пост, Индепендент, Јуроњуз и други. Беше наведено дека тинејџерката побарала евтаназија и оти и била одобрена, по што починала во нејзиниот дом. Како што денеска јавуваат некои медиуми, причина за лажната вест најверојатно бил погрешен превод или толкување на веста за оваа тинејџерка од локалните медиуми. Ноа навистина побарала евтаназија, но била одбиена. Таа била тешко болна од анорексија и други пореметувања веќе подолго време. Без знаење на родителите побарала евтаназија и била одбиена, напиша новинарката на порталот Политико, Наоми О’Лири на Твитер која го контактирала холандскиот новинар кој од минатата година ја следи оваа тема. Семејството на Ноа се обидела со многу видови психијатриско лекување и таа била хоспитализирана повеќе пати. Последните месеци повеќе пати се обидела да се самоубие. Семејството дури побарало и терапија со електрошокови, но барањето било одбиено затоа што Ноа била премлада. Потоа тинејџерката инсистирала на тоа дека повеќе не сака никакви терапии и во домот на нејзините родители бил поставен болнички кревет. На почетокот од мај почнала да ги одбива сите видови храна и течности, а нејзините родители и лекари се сложиле дека нема присилно да ја хранат. – Таа одлука не е евтаназија. Холандските медиуми не известуваа за смртта на Ноа Потовен како за случај на евтаназија. Оваа идеја се појави само при пренесување на холандските вести во медиумите на англиски јазик, објасни О’Лири. „Вашингтон пост“ и други медиуми во меѓувреме ја коригираа својата вест, со напомена дека „не е јасно дали докторите и помогнале во умирањето, иако претходно побарала нивна помош“. Јуроњуз од написот едноставно отстрани се што беше поврзано со евтаназија и описот на начинот на кој починала девојката. Ноа Потховен, како што самата тврдеше, сексуално ја злоставувале во училиште уште кога имала 11 години, и кога имала 14 години ја силувале двајца возрасни мажи. Како последица на оваа тешка траума, таа страдала од посттрауматско стресно пореметување, депресија и анорексија и стана позната откако напиша книга за нејзината долга битка со овие состојби.