Во Австрија уапсени организатори на лажни бракови за граѓани од Балканот

Дарко Андоновски — Fri, 18 Sep 2020 11:14:13 +0000

По долга истрага, австриската полиција разби организирана група, предводена од српски државјанин, која посредувала во склучување на измислени бракови за граѓани од Балканот, кои на тој начин добивале австриска дозвола за престој и работа. Шефот на групата, 49-годишен српски државјанин, е осомничен дека организирал 27 измислени бракови со двајца соучесници, австриски државјани, за државјани од Србија, Босна и Косово, кои со тоа се стекнале со правото на престој и работа во Австрија како сопружници на лице од ЕУ. Невестите биле претежно од Унгарија, а осомничените земале просечно по 10.000 евра по брак, а браковите биле склучувани главно пред матичните служби во Србија. Осомничените не само што посредувале во лажни бракови, туку им давале и на своите клиенти потврди за вработување во фиктивни компании во Виена, што им овозможувало да добијат дозволи за престој и работа и да користат австриски социјални бенефиции. Полицијата против осомничените поднела вкупно 59 пријави, кои се однесуваат на организирана помош при кршење на законот за престој на странци, медијација при склучување лажни бракови и фалсификување документи. Во истрагата се сослушани 48 лица, а потрага е распишана по уште девет лица.

Лажните бракови причина за масовно апсење во САД

Предраг Кукиќ — Wed, 15 May 2019 10:45:19 +0000

Уапсени се 50 лица кои се осомничени за поврзаност со широко распространета шема за лажни бракови. Целта на овие лица била да се заобиколат имиграциските закони. Лица од Виетнам плаќале меѓу 50.000 и 70.000 американски долари само за да добијат статус на постојан престој во САД. Организацијата била водена од Ешли Џен Најген.

лажни бракови – Kurir.mk

Во Австрија уапсени организатори на лажни бракови за граѓани од Балканот

Лажните бракови причина за масовно апсење во САД