лажни дојави – Kurir.mk

Лажни биле сите пријави за наводно денешните поставени бомби, велат од МВР

Тале Кристо — Wed, 22 Feb 2023 17:02:45 +0000

Министерството за внатрешни работи ја известува јавноста дека се направени сите потребни проверки во врска со денешните пријави по добиените пораки на електронски адреси со закана за наводно поставена експлозивна направа во 86 училишта, една градинка и Завод за рехабилитација во Скопје, како и едно училиште во Прилеп и утврдено е дека станува збор за лажни пријави. Веднаш по добиените пријави, од полициски службеници се преземени соодветни мерки и активности, извршени се потребните проверки од антитерористички тимови и утврдено е дека станува збор за лажни пријави.

МВР: Лажни се дојавите за бомби во 23 основни училишта во Скопје

Тале Кристо — Mon, 26 Dec 2022 20:19:38 +0000

Министерството за внатрешни работи ја известува јавноста дека се направени сите потребни проверки во врска со денешните пријави од 23 основни училишта во Скопје по добиените пораки на електронските адреса со закана за поставена експлозивна направа, и утврдено е дека станува збор за лажни пријави. Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави.

Стефковски: Заврши проверката, дојавите за бомби во Гази Баба се лажни

Тале Кристо — Fri, 16 Dec 2022 18:48:21 +0000

Во објава на својата официјална страна на фејсбук градоначалникот на општина Гази Баба Бобан Стефковски информира дека завршија безбедносните проверки за дојави за поставени бомби во општински основни училишта. Во објавата градоначалникот Стефковски пишува: Дојавите за бомби во училиштата во Гази Баба се лажни. Во овој момент завршија безбедносните проверки во општинските основни училишта на нашата територија во кои утрово имаше дојави за бомби. Ја информирам јавноста дека по спроведените проверки е утврдено дека сите дојави за поставени бомби во основните училишта во Гази Баба се лажни. Им благодарам на директорите, наставниот персонал и сите вработени во училиштата за нивната професионалност при спроведување на протоколите за вакви случаи. Сите дечиња за многу кратко време по лажните дојави беа евакуирани од просториите на училиштата. Им благодарам и на сите родители за соработката со училиштата и се надевам дека вакви појави во иднина нема да ни се случуваат. - напиша Стефковски.