лажни ПЦР тестови – Kurir.mk

Кривични пријави против 7 лица, на Табановце приложиле лажни ПЦР тестови

Магдалена Андонова — Mon, 06 Dec 2021 16:46:10 +0000

Регионалниот центар за гранични работи Север поднесе кривични пријави против Н.С.(29), Н.Н.(57), С.А.(36), тројцата од Скопје, А.Р.(20), И.Р.(46), двајцата од Тетово, А.М.(27) од Струмица и К.Л.(53) од Гевгелија, поради постоење основи на сомнение за сторени кривични дела „фалсификување исправа” и „непостапување според здравствени прописи за време на епидемија”. На 09.10., 17.10. и 20.10.2021 година на Граничен премин Табановце, пријавените приложиле фалсификувани ПЦР тестови.

На граничниот премин Рача кај четворица македонски државјани откриен лажни ПЦР тестови

Катерина Бојаџиева — Thu, 08 Apr 2021 16:52:49 +0000

Службениците на граничната полиција на Босна и Херцеговина на граничниот премин Рача со Србија за време на редовната контрола на влезот на странски државјани во земјата откриле пет фалсификувани ПЦР тестови за коронавирус, јави дописникот на МИА од Белград. Во соопштението на граничната полиција на БиХ се наведува дека лажните ПЦР тестови биле откриени вчера кај четворица државјани на Северна Македонија и еден кинески државјанин, за што бил информиран и обвинителот на Окружното јавно обвинителство во Бјелина. -Поради постоење основи на сомнение дека е сторено кривично дело фалсификување исправа, обвинителот на Окружното јавно обвинителство во Бјелина беше информиран за настаните, според чија наредба предметите им беа предадени на службениците на граничната полициска станица Сремска Рача. Во изминатиот период, од септември 2020 година до 31 март 2021 година, полицајците на граничната полиција на БиХ открија повеќе од 80 фалсификувани ПЦР тестови коронавирус. Најмногу фалсификувани тестови според граничната полиција на БиХ имале граѓаните на Турција, Кина, Северна Македонија, Германија и Словенија.

Четворица македонски државјани и две странски државјанки прикажале лажни ПЦР тестови – поднесено обвинение

Магдалена Андонова — Tue, 02 Mar 2021 13:15:38 +0000

Четворица македонски државјани и по една државјанка на Швајцарија и Велика Британија покажале лажни потврди за негативни ПЦР тестови за Ковид вирусот на граничниот премин Меѓународен аеродром Скопје. Основното јавно обвинителство Скопје поднесе Обвинителен предлог против шесте лица за кривично дело – Фалсификување исправа согласно член 378 став 1 од Кривичниот законик. Од Јавното обвинителство на Република Македонија информираат дека при излез од државава, во одделни кривично-правни настани, обвинетите, на граничниот премин на Меѓународниот аеродром Скопје, прикажувале лажни потврди за негативни ПЦР тестови за SARS-CoV-2 вирусот, кои наводно биле издадени од лаборатории во Скопје. Потврдите, како што стои во соопштението, како вистински ги прикажувале пред овластените службени лица, иако знаеле дека воопшто не се тестирале во наведените лаборатории.