лажни сертификати – Kurir.mk

ГОЛЕМА АКЦИСКА КОНТРОЛА ВО БИТОЛА: Пронајдена дрога, лажен сертификат, лица без сертификати – четири објекти затворени (ФОТО+ВИДЕО)

Магдалена Андонова — Sun, 20 Feb 2022 12:51:25 +0000

Денеска (20.02.2022) во периодот од 01.30 до 04.30 часот полициски службеници од Бирото за јавна безбедност при МВР во координација со Државниот пазарен инспекторат, Управата за јавни приходи и Државниот инспекторат за труд спроведоа акциска контрола во четири ноќни клубови и кабареа во Битола. При тоа, во два ноќни клуба е пронајдена дрога (прашкаста материја и марихуана) и ќе бидат поднесени кривични пријави по член 215 од Кривичниот законик, едно лице употребило лажен ковид сертификат и за тоа ќе следува соодветна кривична пријава, а до надлежното обвинителство ќе биде поднесен поднесок и против сопственик на објект кој упатувал закани кон полициските службеници и инспекциските служби. Исто така ќе следат соодветни поднесоци и затоа што во ноќен клуб е затекнат малолетник по 24 часот, а биле констатирани прекршоци и по законот за пушење. 42 лица биле пуштени во четирите угостителски објекти без да поседуваат ковид сертификат и тие се запечатени од страна на Државниот пазарен инспекторат и ќе следат соодветни поднесоци. Исто така, констатирани се и случаи на неиздавање на фискална сметка, а од страна на Државниот инспекторат за труд се констатирани 27 прекршоци за работење без договор за вработување. Акциските контроли продолжуваат и во наредниот период.

Мрежи обезбедуваат лажни сертификати за коронавирус: Француските власти водат 400 истраги

Катерина Бојаџиева — Mon, 13 Dec 2021 07:08:48 +0000

Франција почна 400 истраги за мрежи што обезбедуваат лажни сертификати за коронавирус, изјави министерот за внатрешни работи Жералд Дармамен, во време кога се зголемува хоспитализацијата на пациенти со Ковид-19 во државата. Во изминатите денови вниманието на француските медиуми го привлече случајот со жена заболена од вирусот, која почина во регионалната болница во Париз, откако презентираше лажен сертификат за вакцинација. Шефот на одделението за интензивна нега во болницата рече дека доколку се знаело дека жената не е вакцинирана, веднаш ќе и дале третман со антитела. – Властите идентификуваа неколку илјади фалсификувани сертификати што се користат низ цела Франција, изјави министерот Дармамен за ЕРТел. Тој рече дека имало околу 400 истраги за трговија со лажни сертификати, меѓу кои и некои кои вклучуваат здравствени работници. Француската влада ги заострува правилата за здравствените пасоши. Тие се задолжителни за посета на сите ресторани, како и за се поголем број настани и локации. За да добие здравствено уверение, лицето мора да докаже дека е целосно вакцинирано, да има тест негативен во последните 24 часа или неодамна да прележал Ковид-19. Владата ги затвори ноќните клубови и ги заостри мерките за социјално растојание, но се обидува да избегне уште едно заклучување. Министерот за здравство Оливие Веран изјави за весникот „Паризиен“ дека 90 отсто од луѓето на возраст над 65 години веќе примиле дополнителна (трета) доза од вакцината.

Во овие две балкански земји луѓето дури на смртна постела признавале дека имале лажни ковид сертификати

Дарко Андоновски — Mon, 25 Oct 2021 13:31:09 +0000

Романија и Бугарија се земјите, кои се карактеристични по тоа дека имаат ниска стапка на вакцинираност, согласно информациите на Европската Унија. Но, ситуацијата која го привлече вниманието на јавноста е следнава, лекарите изјавиле скандалозни информации кои ги добиле од своите пациенти кои се ковид-позитивни. Имено, дури пред да починат, ковид позитивните пациенти им признавале на своите лекари дека не се вакцинирани и дека имаат лажни ковид сертификати. Соглано ова, лекарите велат дека конечно се објаснува фактот зошто младите имаат тешка форма на ковид, како и смртни последици. Информациите на надлежните велат дека, Бугарија има 20% вакцинирано население, додека Романија со блага предност, поточно 29%.