лажни тестови – Kurir.mk

Пет македонски и еден британски државјанин на аеродромот во Скопје приложиле лажен негативен тест за Ковид-19

Ивана Ефремовски — Wed, 03 Mar 2021 15:49:37 +0000

Кривична пријава против пет македонски и еден британски државјанин заради приложување на лажен негативен тест за Ковид-19 на аеродромот во Скопје. -Регионалниот центар за гранични работи Север поднесе кривична пријава против Е.Д.(22) од Р.Турција, Н.Р.(48) и Е.Р.(34), двајцата од с.Неготино, гостиварско, Р.А.(22) од с.Пласница, општина Македонски Брод, Н.Б.(67) од Кичево, С.Б.(22), државјанин на Македонија и В.Б.(37) државјанин на Велика Британија поради постоење основи на сомнение за сторени кривични дела „фалсификување исправа“ и „непостапување според здравствените прописи за време на епидемија“, соопшти денеска МВР. Од Министерството информираат дека тие во периодот од 16 февруари до 27 февруари 2021 година во Полициската станица за Граничен премин „Меѓународен аеродром Скопје“ приложиле фалсификувани негативни ПЦР тестови.

Покажале лажни тестови на аеродромот во Скопје- маж и жена освен забрана за влез во Македонија добија и пеколна затворска казна!

Дарко Андоновски — Thu, 25 Feb 2021 13:36:21 +0000

Основното јавно обвинителство Скопје поднесе Обвинителен предлог против маж и жена, државјани на Република Германија по потекло од Косово, кои се товарат за кривично дело – Фалсификување исправа од член 378 став 1 од Кривичниот законик. На 22 февруари, на Меѓународниот аеродром Скопје, на граничниот премин при излез од државава, пред овластените службени лица за проверка на пасошите, двајцата сопружници употребиле лажни потврди за негативни ПЦР-тестови за SARS-CoV-2 вирус. Иако знаеле дека потврдите на кои стоело дека се издадени од една лабораторија во Скопје се лажни, тие ги прикажале како вистински. По признание на вина, Основниот кривичен суд Скопје донесе пресуда за двајцата обвинети, огласувајќи ги за виновни и им изрече условна осуда – казна затвор во траење од две години, која нема да се изврши доколку обвинетите за време од пет години не сторат ново кривично дело. Во исто време, на обвинетите им е изречена и казна – протерување од територијата на Република Северна Македонија во траење од пет години.

ДЕТАЛИ: Приведени двајца од автобусот со лажни ПЦР тестови- еве што ги очекува останатите 28 патници

Катерина Бојаџиева — Thu, 11 Feb 2021 16:17:15 +0000

Денеска на граничниот премин „Деве Баир“, при контрола во автобус на туристичка агенција од Скопје, полициски службеници од Одделот за гранични работи и миграции откриле 30 ПЦР тестови за Ковид-19, за кои постои основано сомнение дека не се валидни, односно дека не се извадени од овластена медицинска установа. Тестовите биле приложени од патниците и по направени дополнителни проверки, биле одземени. Од слобода биле лишени двајца албански државјани и биле изведени пред Судија на претходна постапка. За останатите 28 патници - македонски државјани ќе бидат направени дополнителни проверки и против нив ќе бидат поднесени пријави до Основното јавното обвинителство по член 206 и член 378 од Кривичниот законик.

Уапсен сопственикот на приватна болница во Бангладеш за издавање лажни тестови за Ковид-19

Тале Кристо — Wed, 15 Jul 2020 07:36:14 +0000

Сопственик на приватна болница во Бангладеш е уапсен за наводна вмешаност во фалсификување илјадници извештаи за тестови за Ковид-19 во неговите здравствени установи во Дака, соопшти денеска полицијата, пренесе ДПА. -Полициската единица за брзо распоредување (РАБ) во оддалечено село во југозападниот округ Сатхира, на границата со Индија, го уапси Мохамед Шахед, претседател на болницата „Регент“, изјави портпаролот на единицата, потполковник Ашик Белах. Шахед преку порозната граница се обидувал да пребега во соседна Индија. -Тој беше во бегство откако неговата болница е затворена на 7 јули, додаде тој. Деветмина вработени во болницата претходно се уапсени откако истражните органи откриле дека болницата издала најмалку 6.000 лажни извештаи за Ковид-19. Одземена е и дозволата болницата да изведува тестирања на Ковид-19, бидејќи нејзините извештаи давале лажни индикации дека некои тестирања се позитивни, а други негативни. Неговите здравствени установи, исто така, собрале и високи давачки од пациентите, прекршувајќи го договорот со владата за лекување на пациентите со коронавирус без трошоци. Бангладеш соопшти за вкупно 190.057 случаи на коронавирус со 2.424 смртни случаи откако првите случаи беа дијагностицирани на 8 март. Оваа јужноазиска земја е остро критикувана откако многу патници кои од неа патувале за Италија биле позитивни на Ковид-19 и покрај тоа што носеле извештаи дека се негативни.