лажни ветувања – Kurir.mk

Ако Близнаците ви ветат нешто, знајте дека ќе се случи ова: Не верувајте премногу на овие знаци затоа што тие ќе ве разочараат

Магдалена Андонова — Wed, 09 Jun 2021 07:11:04 +0000

Лесно е да се даде ветување, но многу потешко е да се исполни, поради што ветувањата остануваат како празна страница хартија. Постојат хороскопски знаци кои и покрај можната желба да го исполнат ветувањето, на крајот никогаш не го завршуваат започнатото. Близнаци Кога Близнаците ветуваат нешто, имаат намера да го исполнат. Сепак, тие постојано се обидуваат да направат повеќе отколку што всушност можат и можат да бидат презаситени со сè што треба да сторат. Кога ветуваат нешто, не размислуваат дали навистина можат да го реализираат. Тешко е да се фокусираат на задачата и тие се склони кон „прекумерни каснувања“. Тие се плашат од неодобрување и дека ќе ги изневерат луѓето, па со задоволство ветуваат нешто само за да ветат. Водолија Водолијата може да вети нешто само за да добие нешто кон кое се стреми. Тој користи ветувања и не гарантира дека ќе го одржи зборот. Тој знае како да биде манипулатор и го оправдува како повисок интерес. Ако се под притисок да го исполнат ветувањето, најверојатно нема да го сторат тоа. Вага Вагите сакаат да ги израдуваат сите, за луѓето да ги гледаат како сигурна личност на која можат да и веруваат. Затоа, тие даваат ветувања што обично не ги исполнуваат. Тие не се искрени и не признаваат дека не сакаат да направат нешто. Ветуваат толку многу што ако размислат за нив само една минута, самите би знаеле дека не можат да ги исполнат. Риби Рибите ги карактеризира љубезноста и желбата да помогнам на сите кои им е потреба нивна помош. Но нивниот проблем е тоа што тешко кажуваат не, и прифаќајки се лесно даваат ветувања. Кога ќе дојде моментот да го остварат тоа , Рибите се премногу зафатени и оптеретени да би ги исполните барем половина од дадените ветувања. Стрелец Ако исполнувањето на ветувањето не го оптоварува премногу, можеби ќе може да го одржи зборот. Сепак, Стрелецот е невнимателен во ветувањата и често заборава да ги одржи. Тој не е злонамерен, тој е само малку повеќе фокусиран на себе и на своите потреби. Она што сакаат да го прават со своето време им е поважно од одржувањето на ветувањата. Овен Кога Овен ветува, тој е сигурен дека ќе може да го одржи ветувањето. Но, тогаш ќе се појават нови работи, Овенот ќе биде премногу зафатен и тогаш нема ништо од ветувањето. Овенот ќе се согласи на нешто без да размислува за логистиката за тоа, а организирањето задачи не е една од нивните предности. Тие не сакаат никој да ги доведува во прашање нивните способности, па затоа ќе ветат дека ќе направат нешто што на крајот е премногу тешко и за кое ќе работат дополнително.

Мицкоски: По 4 години власт и безброј лажни ветувања за нова, вака изгледа амбулантата во Ѓорче Петров 2 (ФОТО)

Тале Кристо — Thu, 28 Jan 2021 14:01:41 +0000

„Ние сме сериозна земја, имаме пари, ќе си платиме...” - Зоран Заев, 18.01.2021 Погледнете како изгледа амбулантата во Ѓорче Петров 2, по 4 години власт и безброј лажни ветувања за нова, пишува лидерот на ВМРО-ДПМНЕ Христијан Мицкоски.

„Минатата година беше тешка за македоското земјоделството поради лажните ветувања и немањето стратегија од страна на Заев“

Тале Кристо — Wed, 06 Jan 2021 12:29:15 +0000

Претседателот на ВМРО-ДПМНЕ, Христијан Мицкоски во интервју за интернет порталот Нетпрес, првично им посака добро здравје и многу среќа на македонските граѓани во Новата 2021 година, и посака човештвото да излезе од пандемијата со корона вирусот кој го зафатил светот. Мицкоски го почна интервјуто со поддршка за македонските земјоделци, почнувајќи од тутунарите, лозарите, оризопроизводителите, производителите на јаболка и така нататаму, кои сите, без исклучок, се жалат на ниската откупна цена на нивниот род. Тој истакна дека и револтот, кој тутунарите пред некој ден го изразија пред Владата со палење на тутунот е оправдан, затоа што премиерот Зоран Заев во кунтинуитет им дава лажни ветувања за повисока откупна цена и сигурен пласман, додека од друга страна родот им стои во амбарите а тутун се увезува од странство. „Сите оние лажни ветувања, купувања време од страна на Зоран Заев, доведоа на овој начин дел од тутунарите да реагираат и практично го искажат својот револт, поради, прво ниската откупна цена, а второ поради тоа што дел од тутунот ќе остане непродаден. Имаме сериозни индиции дека дел од количествата тутун кои се неопходни во земјата е донесен од увоз, што самото по себе говори дека дел од тутунот произведен во Македонија ќе остане неоткупен. ќе остане во амбарите на тутунопрозиводителите“, истакна Мицкоски. Тој појасни дека 2020 беше година тешка и за лозарите, при што власта повторно им ветуваше пристојна откупна цена, а од друга страна грозјето се откупуваше по историски најниска цена до сега. Тешка беше ггодината и за оризопроизводителите, вели Мицкоски во интервјуто, цената на оризот беше екстремно ниска што доведе и до блокирање на македонските патишта. „Истото тоа се случи и со оризопрозводителите, во декември и тие го блокираа магистралниот пат Штип-Кочани, истото се случува денеска и со производителите на јаболки, јаболкарите, овоштарите и така натаму. Но и не само тоа огромен револт врз основа на информациите коишто ги добиваме од Пелагонија и останатите земјоделци“, рече Мицкоски. Тој додаде дека измината година која беше навистина тешка за македонското земјоделство е пред се поради тоа што власта предводена од СДСМ и Зоран Заев немаат стратегија и визија за одржување и развој на земјоделството. Мицкоски цени дека стратегија и визија за земјоделството од страна на власта нема да има ниту во иднина и затоа што во програмата на СДСМ нема ништо суштинско за тоа.

Мицкоски: Зоран Заев да престане со демагогија и нови лажни ветувања

Тале Кристо — Mon, 21 Dec 2020 11:38:40 +0000

Зоран Заев да престане со демагогија и нови лажни ветувања. Еве ја вистината: Доколку замислиме дека буџетот е 1000 денари, Зоран Заев троши: ● 127 денари за плати, ● 86 денари за стоки и услуги коишто за жал никој не знае што се, ● дури 487 денари троши за поткуп на гласачи и купување социјален мир, ● 288 денари се трошат на пензии, ● само 139 денари за здравствена заштита во време на најжестоката корона криза, ● 159 денари за непродуктивни трошења, патувања, ручеци и сл, ● само 93 денари за капитални инвестиции, ● и во исто време го задолжува народот за 141 денари!, пишува во својата Фејсбук објава лидерот на ВМРО-ДПМНЕ Христијан Мицкоски.

Комисија за локална самоуправа на ВМРО-ДПМНЕ: Лажните ветувања на СДСМ во Гостивар

Тале Кристо — Mon, 06 Jul 2020 11:38:29 +0000

Гостивар е еден од градовите чии жители најмногу го почувствуваа катастрофалното владеење на СДСМ. Пред изборите СДСМ ветуваа проекти, развој и просперитет во сите сфери во Гостивар. Како по обичај, СДСМ ветија и излажаа, обвинуваат од комисијата за локална самоуправа на ВМРО-ДПМНЕ. СДСМ ветуваа голем број на проекти за жителите на Гостивар за подобрување на сообраќајот, каде како најважни можеме да ги издвоиме тие за изградбата на нови улици и два моста во Гостивар, со што ќе се подобри поврзаноста во градот. Од ова, секако ништо не е реализирано. СДСМ ветуваа и реконструкција на локалниот пат од Сретково за поврзување со магистралниот пат А2 Гостивар – Кичево, за што до денеска не е изграден ниту еден милиметар. Покрај сообраќајната, СДСМ ветуваа и подобрување на останатата инфраструктура, каде ветуваа целосна замена на цеметно-азбестните водоводни цевки во општината, како и изградба на нова современа регионална депонија. Повторно, СДСМ ветија и не остварија. СДСМ ветуваа и ревитализација на железничкиот сообраќај во овој град, како и изградба на соларна железничка станица во Гостивар, каде истата требаше да се приклучи во втората фаза од помпезно најавуваниот проектот за модернизација на енергетска ефикасност на железнички станици. СДСМ повторно ветија и излажаа. На 15 јули #ОбноватаДоаѓа и доаѓа крајот на најнеуспешната влада во историјата на Македонија, велат во својата објава од комисијата.

СДСМ оркестрирано шерува стари лажни ветувања во нова кампања

Тале Кристо — Sun, 02 Feb 2020 12:53:34 +0000

Со стари лажни ветувања, СДСМ влегува во нова кампања, обидувајќи се да ги прелаже граѓаните, верувајќи дека луѓето имаат кратко паметење. Едно од најновите обиди за замајување на јавноста е шерувањето на стари вести, со нов датум. Имено функционери на СДСМ на социјалните мрежи споделуваат стара вест со вчерашен датум од Зоран Заев, кој како тогашен премиер на 1 февруари 2019 најавува бришење на долговите за струја настанати до 2006 година за 200.000 граѓани и семејства кои се заглавени во лавиринт со проблеми од извршители и блокирани сметки. Оваа вест претседателот на СДСМ ја најави пред една година на трибина во Охрид, најавувајќи дека дека има прогрес во преговорите со ЕВН и ЕЛЕМ за бришење на долгови за струја. Ова ветување досега не беше остварено, а и нема изгледи да се оствари наскоро. Разгледавме ситуација за стари долгови за струја до 2006 година за 200.000 семејства и граѓани кои се заглавени во вакви лавиринти на извршители и блокирани сметки. Овие денови сме во длабоки преговори, волјата денеска можам слободно да ја соопштам, а кога правно формално ќе го потпишеме договорот јавно ќе соопштиме – рече Заев на трибината во таа прилика.