лажни – Kurir.mk

Лажни се пријавите за наводно поставени експлозивни направи, завршија сите потребни проверки

Ристе Здравков — Wed, 01 Mar 2023 21:07:53 +0000

Министерството за внатрешни работи ја известува јавноста дека се направени сите потребни проверки во врска со денешните пријави по добиените пораки на електронски адреси со закана за наводно поставена експлозивна направа во 120 училишта во Скопје и утврдено е дека станува збор за лажни пријави. Веднаш по добиените пријави, од полициски службеници се преземени соодветни мерки и активности, извршени се потребните проверки од антитерористички тимови и утврдено е дека станува збор за лажни пријави.

МВР: Лажни се денешните дојави за бомби во училиштата

Ристе Здравков — Thu, 09 Feb 2023 15:39:29 +0000

По денешните дојави за бомби, во 19 училишта, од МВР информираат дека се завршени проверките и станува збор за лажни закани. -Министерството за внатрешни работи ја известува јавноста дека денеска (09.02.2023) во 15.55 часот завршија сите потребни проверки во врска со денешните пријави од 13 основни и 6 средни училишта во Скопје по добиените пораки на електронски адреси со закана за поставена експлозивна направа, и утврдено е дека станува збор за лажни пријави. Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави, велат од МВР.

И денешните пријави за бомби во училиштата се лажни

Ивона Петрова — Fri, 11 Nov 2022 12:38:32 +0000

Министерството за внатрешни работи информира дека денешните пријави за бомби се лажни. – Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави, стои во соопштението од МВР. На електронската адреса на четири училишта во Скопје утринава беше упатена закана за поставена експлозивна направа. Вакви пријави има во изминатиот период во дел од училиштата во главниот град кои по направените проверки е утврдено дека се лажни. Министерот за внатрешни работи Оливер Спасовски неколкупати досега има изјавено дека имаат сознанија од каде се ипратени мејловите и дека се работи за хибридна закана.

ГРЧКА ТВ: Во Македонија се издаваат лажни сертификати и негативни тестови за коронавирусот

Ристе Здравков — Wed, 05 Jan 2022 18:39:07 +0000

Грчката телевизија Опен објави видео-сторија за казино во Дојран кое наводно издава фалсификувани ковид-сертификати. Во емитуваниот прилог на телевизијата во сопственост на грчко-руски бизнисмен Иван Савидис се тврди дека извесно казино во близина на граничниот премин Дојран-Дојрани на македонска територија им обезбедува бесплатен лажен негативен тест на своите посетители со кој тие можат бебзбедно да се вратат во Грција. Целта на сопственикот на казиното, како што тврди телевизија Опен, била да привлече што поголем број клиенти овозможувајќи им олеснето поминување на граничните контроли. Лажните сертификати за брз тест, според видео-сторијата, се документи од овластен дијагностички центар, во кои без да биде извршено какво и да е тестирање, само се пополнуваат имињата на клиентите. До МВР досега не е пристигната пријава за казино во Дојран во кое наводно се издаваат фалсфикувани ковид сертификати, но ќе бидат извршени проверки во врска со тоа, е првата реакција од Министерството.