лажно пријавување – Kurir.mk

Кривична пријава за лажно пријавување

Катерина Бојаџиева — Wed, 21 Dec 2022 09:55:50 +0000

Секторот за внатрешни работи Тетово, до Основното јавно обвинителство Тетово поднесе кривична пријава против 52-годишниот М.Џ. од тетовска Палатица поради постоење основи на сомнение дека сторил кривично дело „лажно пријавување на кривично дело“, казниво по член 366 став 1 од Кривичниот законик. Пријавениот се сомничи дека на 2 декември лажно пријавил дека во неговата куќа во Палатица била извршена тешка кражба во која биле одземени златен накит и девизи во вкупен износ од околу 100.000 евра, а во која наводно учествувал неговиот син А.Џ.(19) со уште три други лица, по што наводно се оддалечиле од куќата и заминале со возило „фолксваген голф“ со тетовски регистарски ознаки. М.Џ. признал дека ја измислил целата приказна околу кражбата.

Скопјанец лажно пријавил разбојништво, ќе следува кривична пријава

Магдалена Андонова — Tue, 07 Jun 2022 13:31:11 +0000

Полициски службеници од Единица за внатрешни работи Карпош расчистија случај пријавен на 05.10.2021, од страна на И.Б.(39) од Скопје, според кој на 04.10.2021 околу 12.00 часот на кејот на р.Вардар, во близина на мостот „Газела“, од страна на три лица му било извршено кривично дело „разбојништво“, при што му биле одземени два мобилни телефона. По преземени мерки и активности утврдено е дека едниот мобилен телефон од пријавата, почнувајќи од мај 2021 година, односно пред пријавувањето на кривичното дело, го користел 42-годишен скопјанец, со што се докажува дека И.Б. лажно пријавил кривично дело „разбојништво“. Против И.Б. ќе биде поднесена кривична пријава за „лажно пријавување на кривично дело“, по чл. 366 од Кривичниот законик.

Лажно пријавил дека три лица го претепале и му одземале пари кои ги подигнал од обложувалница – полицијата го реши случајот

Магдалена Андонова — Fri, 04 Mar 2022 16:02:53 +0000

Секторот за внатрешни работи Скопје расчисти лажно пријавување на кривично дело. Имено, на 19.10.2021 А.Д. пријавил дека на бул.„Јане Сандански“ три лица физички го нападнале и му одзеле пари кои ги подигнал од спортска обложувалница. По преземени мерки било утврдено дека на наведениот датум не се случило такво дело, односно дека тој лажно пријавил разбојништво извршено над него. Со него бил извршен службен разговор и по целосно документирање на случајот против него ќе биде поднесена соодветна пријава по член 366 од Кривичниот законик.

Си ги присвоил парите од гимнастичарски клуб, па излажал дека го ограбиле

Ивана Ефремовски — Wed, 24 Mar 2021 15:42:53 +0000

Основното јавно обвинителство Кавадарци поднесе Обвинителен предлог до Основниот суд во Неготино против 22-годишен жител на Неготино за сторени кривични дела Затајување од член 239 став 3 во врска со став 1 и Лажно пријавување на кривично дело од член 366 став 4 од Кривичниот законик. Обвинетиот на 7 декември 2020 година противправно за себе присвоил подвижни предмети – пари во износ од 75.800 денари кои му биле доверени нему, како лице вработено во оштетеното правно лице. Тој бил вработен како касиер за исплата на добивки во гимнастичарски клуб „Соколи тим“ од Неготино. Следниот ден, на 8 декември 2020 година во 9:30 часот, обвинетиот во полициска станица во Неготино лажно пријавил, иако знаел дека кривичното дело не е сторено, дека врз него две непознати лица извршиле разбојништво, му одзеле парични средства во висина од 75,800 денари кои биле во сопственост на правното лице и му нанеле телеси повреди.