ле – Kurir.mk

Претседателот на Наполи изрази желба за реформи во европскиот фудбал: Подготвен е да потроши 10 милијарди евра за да создаде турнир што ќе ги замени ЛШ и ЛЕ

Тале Кристо — Wed, 15 Sep 2021 12:48:35 +0000

Претседателот на Наполи, Аурелио Де Лаурентис изрази желба за реформи во европскиот фудбал. – Системот не работи повеќе. Лигата на шампионите и Лига Европа не генерираат доволно приход за клубовите да го оправдаат своето учество во нив. Потребни ви се повеќе играчи од највисоко ниво за да бидете конкурентни. Ова значи дека треба да потрошите повеќе пари и паричната награда на европските натпревари не го зема ова предвид. Клубовите треба да смислат помодерен и поисплатлив турнир за сите вклучени. Треба да го намалиме бројот на натпревари со намалување на големината на највисоките дивизии низ Европа. Неопходно е да се создаде европска лига со демократски систем за влез врз основа на постигнувањата на тимовите. Го проучував проектот и подготвен сум да дадам 10 милијарди евра. Ако не ги промениме правилата на игра и не го направиме спектаклот подобар, младите ќе не напуштат и фудбалот ќе престане да биде централен дел од нашиот живот, изјави Де Лаурентис за „Дејли мејл“. На 19 април беше објавен проектот Суперлига за врвните клубови во Европа. Турнирот беше планирано да се одржи паралелно со европските купови и националните првенства. Иницијативата наиде на негативни реакции од лигите, УЕФА и многу фанови. Првично, 12 екипи сакаа да учествуваат на турнирот, но два дена подоцна проектот беше суспендиран, а девет клубови се повлекоа од него. Реал Мадрид, Барселона и Јувентус одбија да го сторат тоа.

Конте: Шахтјор е еден од најсилните противници на Интер во ЛЕ, но ние сакаме да играме во финалето

Тале Кристо — Sun, 16 Aug 2020 18:44:49 +0000

Тренерот на Интер, Антонио Конте, ги искажа своите очекувања за полуфиналниот натпревар од Лигата на Европа со Шахтјор. Ние мора да го почитуваме Шахтјор. Играме со тим кој се покажа добро во последните неколку години и е добро подготвен. Тие се најсилниот тим со кој ќе се сретнеме оваа сезона бво Лига Европа. Но, имаме намера да покажеме дека не случајно стигнавме до полуфиналето и сакаме да одиме во финале, изјави Конте. Натпреварот ќе се одржи утре, 17 август во Дизледорф со почеток во 21 часот. Во првото полуфинале, вечерва Манчестер јунајтед се среќава со Севиља.

ОФИЦИЈАЛНО: УЕФА ги одложи финалните натпревари во ЛШ и во ЛЕ

Дарко Андоновски — Mon, 23 Mar 2020 21:41:07 +0000

Европската фудбалска асоцијација (УЕФА) реши да ги одложи финалните натпревари во Лигата на шампиони и во Лига Европа поради пандемијата на коронавирус. Натпреварот за титулата во ЛШ беше планиран на 30 мај во Истанбул, а за трофејот во ЛЕ на 27 мај во Гдањск. Новите датуми ќе бидат познати дополнително. „Сè уште нема одлука за новите датуми. Работната група што ја формиравме во минатата недела ќе ги анализира можните опции. Веќе почна со разгледување на календарот и одлучи да бидат донесени во најскоро време“, соопшти УЕФА која пред неколку дена го одложи и Европското првенство за наредната година.