Осумкратeн светски шампион во џиу-џицу застрелан во Бразил

Ивона Петрова — Mon, 08 Aug 2022 07:24:18 +0000

Осумкратниот светски шампион во џиу-џицу Леандро Ло е убиен за време на забава во клуб во Сао Паоло. Тамошните медиуми јавија дека 33-годишниот спортист бил застрелан од воениот полицаец Енрике Отавио Оливеира Велосо. Убиецот на Ло веќе е приведен. Според пријателот на Ло, Велосо отишол до нивното друштво, зел шише со алкохол од масата и почнал да мавта со него. Спортистот го спречил Велосо во намерата да ги повреди и му рекол да си оди. Полицаецот потоа извадил пиштол и го застрелал Ло во главата. Спортистот бил пренесен во болница, каде неколку часа подоцна му била констатирана мозочна смрт. Ло осум пати беше светски шампион и освои пет светски купа.

Трагедија: Убиен омилениот џиу-џицу борец, беше осумкратен светски првак

Ивана Ефремовски — Sun, 07 Aug 2022 19:54:48 +0000

Еден од најдобрите џиу-џицу борци на сите времиња, Леандро Ло, трагично го загуби животот откако беше застрелан во главата од човек со кого влегол во конфликт на забава во дискотека во Сао Пауло. Леандро Ло беше осумкратен светски првак во три различни категории во џиуџицу и важеше за една од омилените личности во овој спорт, пренесе ЕКИПА. „Идолот на нашиот спорт, Леандро Ло, прерано не напушти. Сочувство до семејството и до сите оние луѓе врз кои Леандро влијаеше со својата позитивна енергија, кои поради него облекоа кимоно ширум светот“, објави Бразилската конфедерација на џиу-џицу. Според бразилските власти, убиецот е веќе уапсен. Станува збор за лице со дебело полициско досие, кое влегло во конфликт со Леандро Ло во дискотеката, за кога двајцата го напуштиле локалот, го застрелал шампионот од непосредна близина во главата.

Леандро Ло – Kurir.mk

Осумкратeн светски шампион во џиу-џицу застрелан во Бразил

Трагедија: Убиен омилениот џиу-џицу борец, беше осумкратен светски првак