Леао неизвесен за пресметката против Интер

Ивона Петрова — Mon, 08 May 2023 14:51:47 +0000

Во таборот на Милан владее загриженост пред првата полуфинална пресметка во Лигата на шампиони (ЛШ) против градскиот ривал Интер, а причина за тоа е повредата на Рафаел Леао, пренесуваат денеска италијанските медиуми. Дваесетитригодишниот португалски фудбалер и веројатно најсилниот адут кој Милан го има пред двата полуфинални натпревари против Интер се повреди на последниот првенствен натпревар во Серија А. Леао во победата на Милан над Лацио (2-0) мораше да го напушти теренот по само 11 минути. Иако тренерот на Милан, Стефано Пиоли, првично рече дека повредата на адукторот не е голем проблем, италијанските медиуми објавија дека настапот на Леао на дуелот в среда е под голем знак прашалник. Леао со 12 голови е на шестото место на листата стрелци сезонава во Серија А, а и во натпреварите во ЛШ беше носител на играта на Милан.

Договор помеѓу Милан и Леао

Бошко Тасиќ — Fri, 07 Apr 2023 04:45:51 +0000

Двете страни конечно имаат договор, иако само вербален во моментов. Најпрво Оливие Жиру ќе се заложи за продолжување на соработката за речиси 4.000.000 евра, а штом се финализираше зделката со францускиот напаѓач, раководството на Милан му се посвети на Рафаел Леао и се чини дека се на добар пат да обезбедат уште еден потпис. Леао и „Росонерите“ се договорија 23-годишниот напаѓач да потпише нов договор во наредните недели. Неговиот сегашен истекува во јуни 2024 година, поради што клубот од Сан Сиро не сакаше да ризикува да остане без важен играч следното лето. Можеби не толку влијателен сезонава како претходната, кога го предводеше тимот до Скудетото, иако со головите во Неапол навести будење. Според вестите од Италија, двете страни покажале дарежливост во преговорите. Дури и Милан може да се каже дека е многу дарежлив, се обврза да ги плати долговите на играчот кон Спортинг од 19.000.000 евра. Толку процениле правосудните органи дека чинело едностраното раскинување на договорот на Рафаел Леао со клубот од Лисабон во 2018 година, додека тој бил уште тинејџер. Наместо 7.500.000 евра, кои првично ги бараше како нова плата, ќе треба да се задоволи со 5.000.000 евра по сезона. Што сепак е зголемување со оглед на тоа дека досега заработуваше „само“ 1.400.000 евра по сезона.

Леао – Kurir.mk

Леао неизвесен за пресметката против Интер

Договор помеѓу Милан и Леао