леброн – Kurir.mk

Леброн: Имаше сомнителни пресуди, Грин и Морис не играа лошо

Тале Кристо — Sat, 10 Oct 2020 12:55:34 +0000

Големата sвезда на Лос Анџелес Лејкерс, Леброн Џејмс го сподели своето мислење за драматичниот пораз на неговиот тим на шестиот натпревар од последната серија против Мајами Хит. Трикратниот шампион одигра уште еден брутален натпревар – 40 поени, 13 скока и 7 асистенции, но тоа не беше доволно против одличниот настап на Џими Батлер. – Феноменалните потезии се редеа на крајот. Нормално, имаше неколку сомнителни пресуди од судиите, кои дадоа своја тежина и го испратија Џими на линијата за слободни неколку пати. Ова е нешто што очигледно треба да го избегнеме бидејќи тој е скоро совршен од линијата во оваа серија. Едноставно ни требаше добра одбрана против него, а потоа моравме да ја завршиме својата работа во нападот. Имавме голема шанса да го добиеме мечот и серијата. Но, ние не искористивме. Земавме скок во напад, но направивме клучна грешка затоа што не го искористивме времето што го имавме. Мора да се претставиме подобро во шестиот натпревар и навистина да ја затвориме серијата, изјави „Кралот“ по мечот. Леброн ги коментираше и слабите настапи на Дени Грин и Маркиф Морис на самиот крај од мечот. Грин промаши тројка од отворена позиција, а Морис брзаше и донесе погрешна одлука, со што му ја подари победата на противникот. – Тие се ветерани. Нема потреба да им кажувам нешто особено. Верувам дека на следниот натпревар ќе настапат на многу повисоко ниво. Тие дури и не играа лошо на овој меч, секој играч во ротација се потруди, но имавме неколку ментални падови, за што бевме казнети од нашиот противник, сподели 35-годишното крило на Лејкерс.

Леброн стана седмиот играч во НБА-лигата што играл 50 натпревари од финалето

Тале Кристо — Thu, 01 Oct 2020 07:17:55 +0000

Кошаркарот на Лос Анџелес лејкерс, Леброн Џејмс уште еднаш го запиша своето име во историјата на НБА лигата. Неговиот тим рано утово го победи Мајами (116:98), а тој стана 7-ми играч во историјата на лигата што одиграл 50 натпревари во последната серија. Во случај пресметката со Мајами д атрае максимални седум меча, тогаш Џејмс ќе биде изедначен во овој индикатор со Карим Абдул-Џабар кој има 56 натпревари во финалето и се наоѓа на третото место. Лидер е Бил Расел со 70 финални средби. Леброн Џејмс се искачи на 5.место по погодени слободни фрлања, на второ по реализирани тројки и на четврто по број на „дабл-дабл“.

Грин: Се надевам дека еден ден Леброн ќе се кандидира за претседател на САД

Магдалена Андонова — Wed, 24 Jun 2020 09:30:29 +0000

Кошаркарот на Голден Стејт, Дрејмонд Грин го сподели своето мислење за кошаркарот на Лејкерс, Леброн Џејмс. Леброн ја организираше акцијата „Повеќе од глас“, чии активности се насочени кон активирање на црните гласачи во Соединетите држави во пресрет на претседателските избори во земјата. Во акцијата учествуваат познати спортисти и уметници со афроамериканско потекло. – Како спортист, сакам да играм против Леброн, затоа што сакам да излезам на теренот против најдобрите. Исто така, јас навистина го почитувам она што тој го прави надвор од спортски арени. Се надевам дека Леброн еден ден ќе се кандидира за претседател, изјави Грин, во емисија на „ЕСПН“. (МИА)

Картер: Ако Леброн стигне до двоцифрен број на финалиња, тој ќе биде пред Коби на моето рангирање

Тале Кристо — Thu, 21 May 2020 11:20:58 +0000

Ветеранот во НБА, Винс Картер, го смести Леброн Џејмс на третото место на списокот на врвни играчи, веднаш зад Мајкл Џордан и Коби Брајант. Картер го кажа условот под кој Џејмс ќе го помине Брајант на неговата листа. – Ако Леброн повторно стигне до финалето … Тогаш тој ќе заслужи уште поголема почит кај мене. Двоцифрениот број на финалиња, тоа е „лудо“, изјави Картер. Џејмс има девет НБА финалиња, во кои три пати стигнувал до шампионскиот трофеј (со Мајами 2012 и 2013 година и со Кливленд во 2016 година.

Трипл-дабл на Леброн во триумфот на Лејкерс над Чикаго

Дарко Андоновски — Wed, 06 Nov 2019 08:17:34 +0000

Кошаркарите на Лос Анџелес лејкерс го победија Чикаго булс на гостински терен со 118:112. Првата ѕвезда на „езерџиите“ Леброн Џејмс натпреварот го заврши со троен ефект, 30 поени, 11 асистенции и 10 скокови. Резултати на другите НБА натпревари одиграни ноќта вторник кон среда: Шарлот – Индијана 122:120 Кливленд – Бостон 113:119 Атланта – Сан Антонио 108:100 Оклахома сити – Орландо 102:94 Денвер – Мајами 109:89. Лејкерс се водечки тим во Западната конференција со шест победи и само еден пораз, на Истокот Филаделфија и Бостон имаат биланс 5-1 (победи-порази).