Лече – Kurir.mk

Пожар во соблекувална го одложи почетокот на дуелот Емполи – Лече

Катерина Бојаџиева — Mon, 03 Apr 2023 18:57:25 +0000

Почетокот на натпреварот во Серија А меѓу Емполи и Лече е одложен за час, откако вечерва на изби пожар во една од соблекувалните на стадионот. Италијанската лига на своите социјалните мрежи наведе дека дуелот е одложен за еден час поради „безбедносни причини“. Клубот од Лече на Твитер појасни дека до одложување на стартот дошло поради „краток спој во соблекувалната на домашната екипа“ Емполи. Италијанските медиуми јавија дека противпожарните служби интервенирале поради „почеток на пожар“ во простор на соблекувална, кој брзо е ставен под контрола.

ВИДЕО: Елмас го постигна својот прв гол во новата сезона во Серија А

Тале Кристо — Wed, 31 Aug 2022 20:11:07 +0000

Елиф Елмас за првпат во новата сезона во најсилното италијанско првенство беше стартер во редовите на Наполи, тренерот Лучано Спалети му даде шанса од првата минута против Лече. По нереализираниот пенал на гостите во 25 минута, кога непрецизен беше Коломбо, казната стигна 120 секунди подоцна. Политано правовремено во казнетиот простор на Лече го пронајде македонскиот репрезентативец Елмас кој од непосредна близина ја затресе мрежата на Фалконе. Тоа е првиот гол за нашиот фудбалски „дијамант“ сезонава во шампионатот, а вкупно седми во Серија А откако е во дресот на „наполитанците“. На стадионот „Диего Армандо Марадона“ во Неапол резултатот е 1:1, Коломбо после неуспешниот удар од белата точка се поправи за израмнување во 31 минута.

Тој за Лече, таа за Интер – како поминаа на стадион (ВИДЕО)

Ристе Здравков — Fri, 19 Aug 2022 17:16:48 +0000

Интер со 2-1 победи кај Лече во првото коло од Серија А, а еден од камерманите се фокусираше и на еден пар на трибините. На трибината кај навивачите на Интер, беше фан на Лече со својата девојка која навива за нероазурите. Двајцата беа облечени во дресови од своите тимови. Погледнете на крајот кој како си помина:

The perfect footy couple doesn't exi----- 🥺🥺🥺🥺🥺pic.twitter.com/XAxJYc2TJ9
— Lega Serie A (@SerieA_EN) August 18, 2022

Игуаин во конкуренција за настап на дуелот со Лече

Магдалена Андонова — Fri, 26 Jun 2020 15:06:46 +0000

Лидерот во Серија А, Јувентус ги објави имињата на фудбалерите кои се во конкуренција за настап на вечерашниот натпревар од 28. коло со Лече. Меѓу пријавените е и аргентинскиот напаѓач Гонзало Игуаин, кој претходно се опорави од повредата. Во исто време, поради скратен ростер, во пријавата има само четворица дефанзивци.бранители. Хуан Квадрадо, кој игра на десната страна во одбрана, е преместен во офанзивиот дел на тимот. Данило е дисквалификуван, повредени се Де Шиљо, Алекс Сандро, Киелини и Демирал, како и играчот од средниот ред Сами Кедира. Натпреварот Јувентус – Лече ќе почне во 21:45 часот во Торино. (МИА)

Милан испушти победа против Лече

Ивона Петрова — Mon, 21 Oct 2019 06:16:28 +0000

Во претпоследниот натпревар од 8.коло во Италијанското фудбалско првенство, синоќа во Милано, домашната екипа одигра 2:2 со Лече. Милан секунди го делеа до трите бода, но прими гол во судиското надополнување и освои само бод. Стрелци на головите за Милан беа Хакан Чалханоглу (20.минута) и Кшиштоф Пјонтек (81). За гостите реализираа Хума Бабакар (62) и Марко Калдерони (90+2). Овој натпревар беше прв за Стефано Пиоли на тренерската позиција во Милан. „Росо-нерите“ со 10 бода се на 12.место, додека Лече има седум бода и се наоѓа на 15. позиција.