легализација на марихуана – Kurir.mk

Заев: Во земјите каде што марихуаната е легална, корисниците се откажуваат од хероин, кокаин и сите тешки дроги

Дарко Андоновски — Thu, 24 Dec 2020 09:47:51 +0000

Премиерот Зоран Заев во емисијата „Економски магазин“ на Алсат М, одговарајќи на прашањето за економските потенцијали на земјата и планираниот развој зборуваше на темата за легализација и декриминализација на канабисот. Заев истакна дека во земјите каде е легализиран канабисот, се чувствува економскиот потенцијал за развој на сите услужни дејности и многу од консументите се откажуваат од хероин, кокаин, од сите тие тешки дроги. -Во едни такви околности, јас ја отворам дебатата, верувајќи дека ќе доминираат помладите, поавангардните сили во државата. Логично ми е, постарите да бидат порезервирани, повнимателни и тоа опстојува. Но, конечната цел, остварува одличен економски раст и развој. Отвора нови работни места, внесува девизен прилив во државата, помага многу во борбата против користењето на други наркотички средства – рече Заев кој подвлече дека во наредниот период ќе биде јавна оваа дебата и дека треба да го искористиме овој сериозен економски потенцијал. Тој го подвлече и тоа дека во Законот за опојни дроги се предвидува 20 проценти, наместо десет, од данокот на добивка, да одат на децата со ретки болести, за поддршка на здравствениот систем, за поддршка на спортот, културата, на граѓанскиот сектор и за медицински потреби. Премиерот посочи дека дебатата во јавноста ќе биде отворена и за прашањето за легализацијата медицинскиот канабис, со отворање кафетерии, прво во одреден дел од територијата на државата, како на пример во туристичките центри како Охрид, Струга, Ресен, Дојран, Маврово, Берово, но и Скопје како голем туристички центар.

Заев најави легализација на марихуаната за да привлече туристи вo Македонија- ќе се „дува“ во кафулиња и ресторани!

Дарко Андоновски — Fri, 20 Nov 2020 13:10:31 +0000

Зоран Заев најави скоро легализирање на конзумацијата на марихуаната во рекреативни цели по примерот на Амстердам.Тоа ќе значи дека во кафулиња и ресторани во туристичките места ќе може слободно да се „дува“ Верувам, за мала земја, тоа може да донесе сериозен развој за угостителството и туризмот, имајќи ги посебно предвид нашите прекрасни туристички места: Струга, Охрид, Ресен, Дојран, Скопје, Берово, Маврово и сите други места.” Ова е алатка со која можеме да ги дигнеме услужните дејности, затоа што тие малку учествуваат во домашниот БДП“, смета Заев.

Дали на мала врата Владата протуркува легализација на дроги?

Даниел Василев — Tue, 10 Apr 2018 14:12:02 +0000

Познати личности ја поддржаа кампањата на невладината организацијата „Билка“ која се залага за целосна декриминализација на канабисот, како за медицински, така и за рекреативни цели. Досега новинарот Огнен Јанески, водителот Марко Новевски, актерката Ирена Ристиќ, балерината Мими Поп Алексова и психијатарот Дарко Костовски ја поддржаа легализацијата на канабисот. Тие во кампањата на „Билка“ преку видео пораки читаат факти за растението, а порачаа и дека се за целосна легализација на канабисот. Со оглед на тоа што марихуаната во Македонија е легална за медицински цели, останува прашањето дали со оваа кампања се отвора можноста за нејзина декриминализација и за рекреативни цели. Владиниот портпарол, Миле Бошњаковски за Курир вели дека владата следејќи го принципот на слобода на говор и отворена дебата секогаш ќе ја охрабрува јавноста и граѓанските организации да отвораат дебати за сите прашања кои се од интерес на граѓаните на земјава и очекува, како и оти очекува а нив да се разговара без предрасуди, базирано на факти како и врз основа на јасни индикатори. Потенцира дека овој став важи и за кампањат на „Билка“. Курир праша и дали може да очекува во иднина предлог за целосна декриминализација на канабисот, како за медицински, така и за рекреативни цели? -Владата на РМ секогаш ќе ги носи своите одлуки врз база на презентирани аргументи и ќе се води од приоритетите и интересите на граѓаните, вели Бошњаковски за Курир. Канабисот за медицински цели во Македонија беше легализиран во 2016. година, а со тоа нашата земја стана 14. држава во Европа која ја легализираше марихуаната по Чешка, Финска, Романија, Италија, Шпанија, Холандија, Франција, Австрија, Португалија, Германија, Велика Британија, Словенија и Хрватска. Сепак, канабисот не може да се користи за самолекување, туку со медицинска препорака и тој не може да биде замена за медицинска терапија.