леганес – Kurir.mk

Ла Лига продолжува на 20 јуни

Ивона Петрова — Fri, 08 May 2020 07:11:56 +0000

Тренерот на Леганес, Хавиер Агире откри кога шпанската лига ќе продолжи. – Веќе имаме датум за продолжување на првенството. Ла Лига ќе започне повторно на 20 јуни, а првенството ќе заврши за пет недели – на 26 јули. Натпреварите ќе се одржат во сабота и недела, како и во среда и четврток. Ла Лига штотуку официјално ме извести. Јас сум многу среќен затоа што веќе планиравме тренинзи. Сите играчи веќе ги поминаа тестовите, изјави Агире за „Марка“. Напаѓачот на Реал, Лукас Васкез, исто така, изрази задоволство од претстојното продолжување на првенството. – Ќе биде добро за луѓето и целото општество. Нема да мислиме за вирусот два часа. Фудбалот носи среќа, рече Васкез.

Барселона останува на лидерската позиција во Премиера

Тале Кристо — Sat, 23 Nov 2019 15:17:36 +0000

Барселона останува лидер во шпанското фудбалско првенство и после ова коло, откако со 2:1 го совлада Леганес. Каталонците двата гола ги постигнаа откако добро се снајдоа после прекини. Најпрвин погоди Луис Суарез со глава, а победничкиот гол го постигна Артуро Видал во 80. минута на ова незгодно гостување кај тимот кој водеше со 1:0 по првото полувреме. Од последните седум гола на Барса, само еден не беше после прекин. Леганес остана со само една победа, тимот има само шест бода, најлош биланс на еден тим во последните 13 сезони во Примера после 14 одиграни кола.

Бускетс: Леганес даде гол од ништо, но влезе Меси и ја промени ситуацијата

Предраг Кукиќ — Mon, 21 Jan 2019 07:21:43 +0000

Фудбалерот на Барселона, Серхио Бускетс, го посочи Лионел Меси како клучен во триумфот над Леганес синоќа на домашен терен со 3:1. Гостите до дваесетина минути пред крајот имаа нерешен резултат (1:1), но не издржаа и бодовите останаа кај фаворитот. – Одигравме добар натпревар. Тие постигнаа гол без игра. Леганес не покажа ништо во нападот, ама имаше поволен резултат. Но, кога Меси влезе на теренот, тој ја промени ситуацијата. Знаевме дека ќе го направи тоа. Штета што се повреди Дембеле. Се надевам дека не е ништо сериозно со него. Тој е многу непредвидлив во нападот и постигнува многу голови, изјави Бускетс. Каталонците по оваа победа имаат пет бодови предност на врвот на табелата во Примера во однос на второпласираниот Атлетико Мадрид и дури 10 повеќе од големиот ривал Реал Мадрид.