Садику: Владата нема повеќе легитимитет, тоа што се случи вчера е срамно, потребни се предвремени избори

Тале Кристо — Fri, 12 Nov 2021 18:34:33 +0000

Владата повеќе нема легитимитет и тоа ќе го видиме и во наредните денови. Тоа вчера што се случи е срамно за државата. Граѓаните сфатија дека оваа влада треба да си замине што побрзо, изјави градоначалникот на Студеничани, Азем Садику во „Што не е јасно“ на Алфа телевизија. Садику вели дека пратеникот Кастриот Реџепи воопшто не изгледал како да се решил своеволно да отсуствува од седницата. - Тој доброволно се потпишал во иницијативата и како што изјавија од неговата партија стоел на ставот. Ова е лошо сценарио и лоша слика за државата. Во видеото не изгледаше добро, изгледаше како да е под присила, истакна Садику. Тој нагласи дека потребни се предвремени и брзи парламентарни избори кои се единствено решение за излез од оваа криза во која се наоѓа државата. - Време е ДУИ да замине во опозиција, затоа што ако остане на власт ќе продолжат насилствата. Единствено решение на сите граѓани ни е да се организираме и да им кажеме дека е доста. Ова што се случува не е нормално. Сега е потребна техничка влада која ќе има единствена задача, а тоа е да организира избори за излез од оваа ситуација, потенцираше Садику.

Костов: Опозицијата не треба да му даде легитимитет на пописот кој Заев сака да го спроведе по негови стандради

Тале Кристо — Mon, 18 Jan 2021 19:20:04 +0000

19.500 дози од вакцината против корона на Фајзер денес стигнуваат во Белград,ткму од тие дози ќе и бидат доставени на Македонија што значи премиерот Зоран Заев ја прифатил идејата на Иван Стоиљковиќ од Демокрсатската партија на Србите во Македонија, вели аналитичарот Сотир Костов во емисијата Неделен брифинг со Сотир Костов на Инфомакс. Костов се осврна и на актуелната тема со пописот коментирајќи го отсуството на опозицијата на денешната собраниска седница. -Ако опозицијата решила дека треба да не присуствува на расправата за пописот и така треба да биде. Исто така така треба да биде и ако опозицијата сфатила дека власта ја маргинализира, и токму затоа не треба да одат и да не дадат легитимитет на законот и процесот за спроведување на попис, рече Костов. Аналитичарот се осврна и на темата цензура и тоа посебно во медиумите. За истата констатира дека ја има во сите медиуми. -Затоа јас се определив за своја емисија на Инфомакс затоа што тука нема цензура, а секаде каде се гостува те моделираат како што им одговара. Мора да се прекине со цензурата и автоцензурата. Мене ме привлекува мотото на Инфомакс „Информација без цензура“, посочи Костов.

легитимитет – Kurir.mk

Садику: Владата нема повеќе легитимитет, тоа што се случи вчера е срамно, потребни се предвремени избори

Костов: Опозицијата не треба да му даде легитимитет на пописот кој Заев сака да го спроведе по негови стандради